لقاء خاص مع امهاتنا ..

[دموع الغصون]

طيب دودو ديري بالك خالتو تشوف هالرد وتعرف انك ناويه تزوجي عمو ههههههه
الله يخليلها يارب ويطول بعمرها و إن شاء الله تفرح فيكِ وبروان
بس لازم تحكيلنا شو اكتر صفه بتحبها فيكِ واكتر صفه ما بتحبها يعني اسئليها الاسئله يلي بتكون خاصة بالعضو يلي بسئل امه بهيك بنعرفك بعيون خالتو ولا مابدك ؟؟

[(dodo)]

هههههههههه
لا بدي بس هسا نايمة وبسابع نومة
خلص ان شاءالله رح ارجع

[دموع الغصون]

ما احلاكِ وأنتِ سالتها هلا بتموتك خالتو خليها نايمه وبراحتك بس يكون معك مجال بتنورينا

بس ما تغيبي كتير لانه حابه اعرف الاجابات

[shams spring]

الله يسلمك يا دمووع ان شاء الله بيوصل

وانا بدي اختار ~.~ دموع الغصون ~.~ لتجاوب عن هاي الاسئلة
بانتظار اجوبة خالتو يا دموع الله يخليلك ياها يا رب ^_^

[دموع الغصون]

واجابات ماما جاهزين


بس صديقة وينك الهم 4 أيام مختارينك
مشتاقين نشوف اجابات خالتو

[دموع الغصون]

طبعاً لكون صريحة معكو من البداية مارح غير شي من اجابات ماما رح انقلها متل ما هي
لكن للعلم ماما اوقات بتبع معي منتدى وتقريباً مكونه صورة عن كل عضو وسلام وتحيه كبيره منها لأمهاتكو ولإلكو

الأسئلة هي

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
النت هو كالنهر الجاري – نعمه ونقمه - يرفد بعدة روافد من مصادر مختلفة و يروي الضمأ عن طريق عدة قنوات كل إنسان يحدد القناة الخاصة فيه إذا كانت مالحة أو عذبة أو معكرة .. الخ هذه القناة ستروي الأرض الموجهة لها و تختلف باختلاف الثمر المزروع وجودته والثمر هو عقول أبنائنا
النت هو وسيلة من وسائل المعرفة فلم يسرقنا كبشرو لن يسيطر علينا فهو مسخر لنا


السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
تترك بصمة واضحة و أساسية بكل ماجالات حياتها العملية والعلمية وتكون مميزة باي مكان بتتواجد فيه .. السعادة الدائمة

السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
مرتبه لانها وحيدة

السؤال الرابع :
ما هي أكثر صفه تحبيها بإبنكِ / أبنتكِ التي تطرح الأسئلة و أكثر صفة تتمنى البعد عنها ؟
أكثر صفه بحبها عفويتها وحنيتها خوفها من الله والطموح
أكثر صفة بتمنى تبتعد عنها تصرفاتها كطفلة - داخل البيت -الدلع الزايد علينا للآن مو مقتنعه انها كبرت

السؤال الخامس :
لو طلب منكِ أن تغيري شيء في هذا العالم .. ما هو أول شيء تفكرين تغيره ؟ ولماذا ؟
الرجوع إلى الدين الإسلامي الصحيح

السؤال السادس :
أكثر دعاء تردديه لأبنائكِ ؟
الله يبعد عنك شر بني آدم ولا يوليك لظالم

السؤال السابع :
ما هو سبب خوفكِ على أبنائكِ ؟
ولاد الحرام

السؤال الثامن :
هل تتمني أن يربي أبنك ابناءه بنفس اسلوبك أم يتبع طرق واساليب اخرى ؟
بنفس الطريقة و أفضل كمان

السؤال التاسع
نصيحة تنصحيننا بها ؟
خافو الله بكل أعمالكو عامل كما تحب أن تعامل

السؤال العاشر
أطرح أي سؤال يدور في ذهنك لأمك ؟
لو رجع فيكِ الزمن لسنوات لورى رح ترجعي تدرسي نفس تخصصك او رح تغيري توجهك كامل متل ما أنتِ هلا كناشطة اجتماعية ومهتمة بحقوق الإنسان ؟
اللغة العربية جزء مني ودراستي لالها كانت رغبة مو اجبار و لاكمل هالرغبة كملت ماستر بنفس المجال لكن الإنسان بطبعة طموح وبحب ينمي هواياته جربت التدريس لفترة مالقيت حالي بهاد المجال توجهت لهواياتي في مجال المجتمع المدني وتنميته وحقوق الإنسان .

[دموع الغصون]

رح اختار من بعدي


" معاذ ملحم "

مشتاقين نشوف اجابات خالتو يا معاذ

[محمد العزام]

دموع
بتشكر خالتوا على هالاجابات الرائعة والمميزة ... الله يخليها لالك ويحفظها لالك وتاج على راسك
واحكيلها على لساني ... رح نخاف الله بكل شي وياريت الكل يخاف على اولاده زي خوفك عليهم

[صديقه بنت الشديفات]

دموع بحب احكيلك ربي يحفظلك امك من عيون الناس ومن كل شر

واجابات رائعه ..

يعطيك العافيه خالتي

[دموع الغصون]

الله يخليكو يارب ويخليلكو امهاتكو
إن شاء الله يا محمد رح وصللها حكيك لو ما قرأته لوحدها طبعاً
صديقة الله يخليكِ يارب
يلا صديقة عم ننتظر اجاباتك اختارك محمد من اربع ايام وانتِ تقلانه علينا او خالتو مشغوله يمكن