يوميات سنفور

[ساره]

السلام عليكم ورحمة الله وبركاته

جميعنا مر بمرحلة السنفرة ويحمل في ذكرياته الامور السعيدة والطريفة او المؤلمة والحزينة

وهنا سنذكر يوميات سنفور "المثالي" على شكل حلقات

فانتظرونا ..


الحلقة الاولى ::::

(طلعوا النتائج يابه )


برن التلفون من صباحية ربنا .. وعائلة ام محمود نايمين بسابع نومة باستثناء فرحان اللي ما عرف ينام لما قالوا النتائج بكرة !!

فرحان : آلو ... آلو ... ولك احكي يا بطيخ .. شو طلعوا النتائج .؟؟؟ كم العلامة ؟؟؟ رحت عالمدرسة
المتصل : آآآآآآآآآآآآلو .. مرحبا يا خالتي .. امك موجودة ؟
فرحان : آه بس نايمة .. مين انت ؟
المتصلة : ما عرفتني يا خالتي .. انا ام سعيد جارتكم
فرحان : اهلين ، بس امي نايمة
المتصلة : طيب قلها اني بستناها عشان نروح لعند ام محمد ولدت كنتها !!!!
فرحان : طيييييييييييب
وانتهى التلفون

فرحان :: اااااااااااااوف _يخبط السماعة _ شو هالعالم من الساعة 7 بدها ام بطيخ وام زفت .. شو هالناس هاذي


ويرن التلفون مرة اخرى

فرحااااان : آآآآآآآآآآآآآلو
سلمان : آلو فرحان ، كيفك ؟ ما طلعوا النتائج صح ؟؟ اتصلت بسعيد وقاللي انه النتائج بيطلعوا الجمعة الجاي
فرحان : لا بتمزح ؟؟ انا مش رايق لمزحك هه
سلمان : وراح احمد عالمدرسةولاقاها مسكرة .. انت من وين جبت خبر انه النتائج اليوم ؟
فرحان : من مين يعني ؟ من خالي .. حكاله ابن اخو مرته انه النتائج اليوم
سلمان : تعيش وتوكل غيرها .. ما في نتائج ولا غيره ، تصبح على خير

انتهى التلفون



(((((الجمعة اللي بعدها )))))
من الصبح طبعا وبدوووووون نوم :
طبعا فرحان هلا فرحان .. معدله طلع 95.99 %

يابه ..يمه .. اصحو اصحوا (الساعة 5:30 )
طلعوا النتائج ..طلعوا
الاب : اه يابه .. وطيت راسي ولا رفعته ؟
فرحان : 95.99
والام تطلق زغرررررررودة
اويها وفرحان نجح
اويها ورفع راسنا
اويها ويا ناس صلوا عالنبي
اويها وفرحان صار دكتور
اويها وخزق عيون كايدينا ..
لللللللللللللللللللللللللللللللللليشششششششش


وبدت التلفونات ترن بالبيت
(طبعا بيوم النتائج .. الاتصالات الاردنية بتنبسط
وفاست لينك ..بتسكر وبتبطل تجاوب
وموبايلكم .. بتنعطب
بتضل امنية واكسبرس شغالين نص نص
والرصيد بيخلص 200% والفاتورة بتطلع 200دينار
بس يلا خلوا الناس تنبسط هو كل يوم في توجيهي ؟ )


ام خالد : آآآآآلو .. لللللللللللللليش
ام محمود : هلا هلا
ام خالد : والله 100 مبروك .. رفع راسنا بالعشيرة فرحان الله يخليلك اياه
ام محمود : الله يسلمك
ام خالد : وشو ناوي يدرس ؟ :smile-33: !!!!!!!!!!!!!!!!!!!!!!!!!!!!!!!!!1
ام محمود: !!!!!!!!!!!! طب اكيد !!!!!!!!!!!!!!:rolleyes(
ام خالد: وبيطلعله ؟
ام محمود : وليش ما بده يطلعله؟؟؟ بدرسه على حسابي المهم ارفع راسي ويقولوا هاذي ام الدكتور
ام خالد : ايه الله يخليه (حسدا )
ام محمود :ويخليلك ولادك
ام خالد :امتى بدنا نوكل حلوان النجاح ؟؟
ام محمود : بنبقى بنخبرك
ام خالد : طيب سلام
ام محمود : الله معك


في وقت لاحق من النهار :
فرحان : آلووووووووووووووووووووووووو
سلمان : ايوا ..ليش بتصرخ يا زلمة ؟
فرحان : نزلوا النتائج ما دريت ؟
سلمان : اه بعرف .. بس نتيجتي زي ال...
فرحان : ليش ؟ كم جبت ؟
سلمان : يعني عامل حالك مش عارف ؟؟؟ شو بتتخوث علي ؟ ولا شماته ؟؟؟ يا حوينة الصحبة فيك
(ويغلق الخط في وجه فرحان


ابو سليم : ااااااااالو
فرحان : الو هلا عمي
ابو سليم : والله يا فرحان رفعت راسنا
فرحان : الله يخليك
ابو سليم :شو وين ابوك ؟
فرحان : يلا اناديه
يابا ..يا با .. عمي ابو سليم عالتلفون

ابو محمود : الو
ابو سليم : شو هذا ابنك فرحان .. كسر الرقم القياسي
ابو محمود : ااااااه (ماشاء الله )
اب سليم : انا حكيت اتصل فيك اباركلك .. يلا مبروك .. وبنزورك اليوم المسا .. اكيد فاضين !!!
ابو محمود : اهلا وسهلا
ابو سليم : بالمهلي ... عالساعة 8 بنكون عندك انا والشباب ..يلا سلام
وبسكر السماعة !!!



يتبع أكل الحلوان

[مسار الضوء]

يومياااااااااااااااااااااات جميله وممتعه

تشكري على هذا المجهود الرائع

وبانتظار جديدك

وبانتظار الحلوان

تقبل شكري واحترامي

[القيصر]

بتسأل السنفور حبيبي شو بتدرس
السنفور بتحكي معي
نعم بحكي معك
انا بدرس هندسة؟؟؟؟؟؟؟؟

كم معدلك يا حبيبي
والله 66.9
وكيف قبلولك في هذا التخصص

* واسطة
*موازي

شو ابوك وزير ولا بشتغل عندهة
لا والله ابوي استاذ لكن بدي ارفع راسه

يصبح الطالب سنه اولى ثم ثانية ثم يحمل المواد واحدة تلو الاخرى يابه ادفع المواد صعبه
الكتور صعب وبتخرج ويصبح سايق فرشة:eh_s(22)::eh_s(22):

[ساره]

يومياااااااااااااااااااااات جميله وممتعه

تشكري على هذا المجهود الرائع

وبانتظار جديدك

وبانتظار الحلوان

تقبل شكري واحترامي


مسار الضوء.. بل تقبل أنت شكري واحترامي

بتمنى يعجبك الجزء الثاني

[ساره]

بتسأل السنفور حبيبي شو بتدرس
السنفور بتحكي معي
نعم بحكي معك
انا بدرس هندسة؟؟؟؟؟؟؟؟

كم معدلك يا حبيبي
والله 66.9
وكيف قبلولك في هذا التخصص

* واسطة
*موازي

شو ابوك وزير ولا بشتغل عندهة
لا والله ابوي استاذ لكن بدي ارفع راسه

يصبح الطالب سنه اولى ثم ثانية ثم يحمل المواد واحدة تلو الاخرى يابه ادفع المواد صعبه
الكتور صعب وبتخرج ويصبح سايق فرشة:eh_s(22)::eh_s(22):



القيصر شكراً على مرورك واضافتك الرائعه.. طمني اذا عجبك الجزء الثاني:)

[ساره]

يوم طلوع النتائج الساعة 7
ابو محمود بستنى بالعيلة الكريمة حتى ييجوا لاكل الحلوان
ام محمود بترتب بالبيت (كالعااااااااادة بتطلع براس الامهات الله يعينهم )
خوات محمود بالصالون بزبطوا بشعرهم والميك اب وووووووو
خوان محمود طلعوا يشتروا الحلوان وووووو
والمسجل على اعلى صوت بالبيت والحارة اندوشت

ويدق الجرس :
وزغرودة اردنية مرتبة من ثم ام وليد عمة فرحان
وطبلة بايد بنتها
وبلشوا من الباب يعملوا (زفة !!!)

وابو عدنان بايده هالبارودة ... ويضربلكو 10 فشكات بالهوا


ام وليد : فرحاااااااااان تعال يا عمتي تعال .. رفعت راسي الله يرفع راسك
فرحان :هلا عمتي .. والله وهلا فيك .. وووو ( تبادلوا القبلات )
ام وليد : وعقبال ما نفرح بجوازك ..بس بعد ما تجيب شهادة الدكترة !!
فرحان : بوجودك

____ بلا طولة سيرة .. عارفين انتو الكلام اللي رح يصير بين كل عمة وفرحان وبين كل افراد العيلة __________

قعدوا العاااااااااااااالم

(عيلة ابو محمود عائلة محافظة شانها شان عائلاتنا الاردنية ,,, فالجلسة مفصولة
قعدة النسوان :::
بنت ام الوليد ماسكة هالطبلة ونازلة خبط (ادييها صاروا بندورة الله وكيلكم )
وام الوليد مستلمة الاغاني والاهازيج الاردنية الاصيلة
ومعها خواتها بعيدو وراها
اما الصبايا .. فقاعدات وفاتحات مسجل ومشغلات ( ....) للمطربة ( .....) ونازلات رقص

طبعا ام محمود وبناتها عم بضيفو ضيافاتهم المعتادة لانه الحلوان تأخر
(7999تلفون للفاست لينك بين ام محمود وابنها محمود اللي طلع يجيب صدروة الكنافة .. وحضرته تاخر


وصل الحلوان ومحمود من باب الحارة بلش يزمر
(مع ملاحظة انه هذا مش الحلوان لانه بنفس اليوم )

وبدت ام محمود وبناتها يشيلوا بهالكنافة ويوزعو
بس شو كنافة .. اشي توصاية مرتبه من عند (......)

ام محمود : تفضلوووو يا جماعة عقبال ولادكو وبناتكو
ام وليد "قائدة الحفلة " : والله تسلمي .. هذا فرحان زي ابنا ما كان لازم تغلبو حالكو ((((((طبعا كلمة وبتنحكى بس لو ما طعموها الحلوان كان انمسح فيهم شوارع الاردن كلها !!))))
ام عدنان : الله يسلملك ولادك يا ام محمود
واويها ويا فرحان يا ابننا
اويها وفرحتنا من قلبنا
اويها وفرحتك في ديرتنا
اويها ونفرحلك في عروستك ونحنيها
للللللللللللليش


ام سليم : والله يا خيتي فرحتلك من قلبي ويطلعله طب ويرفع راسك كمان وكمان

ام محمود : قولي ان شاء الله
ام سليم :ان شاءالله

.......

قعدة الرجال ::::::
ابو سليم :: ترا يا فرحان ما بتدخل غير طب ولا لا انا عمك ولا بعرفك
فرحان : ان شاء الله بيطلعلي يا عم ان شاء الله
ابو وليد : ترا يا ابو سليم الطب بده معدل اعلى انا بقول يفوتله شي تخصص من هالتخصصات الجديدة احسنله من هم الطب
ابو محمود : لاااااااااااااااااا.. قول والله ؟ لا يا خوي انا ابني ما بدخل غير طب
ابو وليد : اكيد الطب منيح وبرفع الراس بس يا خوي ما بيطلعله طب وهيك رح تكت اللي فوقك واللي تحتك
ابو محمود : رووووووح امشي .. قال بكلف قال .. لو عندك ابن شاطر زي ابني كان دفعت دم قلبك ودرسته
ابو وليد : لا والله ، يدرسله شي شغلة منيحة وافتحله مصلحة احسن من 100 طب وهم قلب
ابو محمود : هه .. شوف بالله على هالحكي .. مصلحة وابصر شو كمان !
ابو محمد : والله فرحان يجيب هالمعدل وبعدين بدك يا ابو وليد تعمله مصلحة ؟؟ اتقي الله يا زلمة
ابو وليد : بلا هم ال7 سنين .. وبعديها ما تلاقي فرنك تجوزه
ابو محمد : الله كريم ..
ابو وليد : الله كريم ، بس الواحد لازم يشغل عقله
ابو محمد : اي هو انت دافع من جيبتك ؟ بده يدرس ابنه .. خليه يدرسه انت ليش زعلان ؟
ابو وليد : انا نصحتك يا خوي يا ابو محمود وانت حر
ابو محمود : مردودة عليك
محمود (وبايده صحن كنافة معبى ) : فكونا من هالسيرة وتفضلو كلو كلو


............

ابو محمود : ترى يا جماعة يوم الجمعة الجاي غداكو عنا
ابو وليد : ان شاء الله بنتشرف
ابو محمد : اكيد
ابو محمود : والله بتشرفونا يا جماعة
او عدنان : وتفرح ببقية ولادك يا رب .. وبعرس محمود
ابو محمود : تسلم

.................

هلا بدنا نحكي حكي اهل الحارة عن سهرة دار ابو محمود

دار ابو خالد :::
- اييييييييهي صرعونا بحفلتهم .. تقولو ما حد نجح غير ابنهم !
- ام خالد : اي خلوا الناس تفرح .. بكرة لما تنجح ولاء لاعمللها حفلة يوصل صوتها لرغدان

دار ابو سليمان (الشب اللي رسب ):::
- ناس ما بتستحي
- شايف بالله .. ولا يقولو في غيرهم زعلان !
- والله يا حوينة الجيرة فيهم

(طبعا في بيت ابو سليمان فاتحين عزا محترم ... وعم بوزعوا قهوة مرّة تقولو ما حد رسب غيره !!!)


دار ابو منصور :::
(ابنهم جايب 67 وعاملين حفلة اكبر من حفلة دار ابو محمود فلا سامعين ولا عارفين بفرحان )

دار ابو عبد الحميد :::
- ايييييييييييييييييه شايفة يا ام عبد الحميد .. شايفة لوكان عبد الحميد موجود هلا
- ام عبد الحميد : وكل الله يا زلمة ... هذا تقدير من رب العالمين
- ايه .. ونعم بالله
-ام عبد الحميد :: الله يرحمه ويغفر له
ابو عبد الحميد : امين

(ام عبد الحميد وابو عبد الحميد ابنهم توفى قبل ما يكمل صف عاشر وهو وحيدهم )


دار للعرسان الجداد :::
العروس : عقبال يا حبيبي ييجينا ولاد ونفرح فيهم زي دار ابو محمود
العريس: اه والله .. ويطلع شاطر زي فرحان
العروس : وندرسه طب
العريس : ونطلعه على امريكا يكمل اختصاص
العروس : ويرجع يفتح عيادة
العريس : يااااااااارب


.....

يتبع يوم المناسف والخرفان !

بس... وهاد توقيعي قبل ما احرره

اني عشقتك واتخذت قراري فلمن يا ترى اقدم اعذاري
لا سلطة في الحب تعلو سلطتي فالراي رايي والقرار قراري

[احلام]

يسلمو على اليوميات الحلوه.. متابعه لموضوعك..وبانتظار الجزء الثالث

[مسار الضوء]

يسلمووووووووووو على اليوميات الحلوه والجميله


متابع

وبانتظار المزيد من الحلقات
تقبل ِ مروري واعجابي

مسار الضوء

[ساره]

يسلمو مسار الضوء على متابعتك ..والجزء الجديد قريباً رح يكون في المنتدى:eh_s(7):