انته لو مكاني شو بتعمل؟؟

[منار المومني]

مساء الخير..

عندي سؤال للجميع وهوه عن تجربه ومن امبارح وانا بفكر فيه

لنفرض انك بتحب حد ، وانته صادق بحبك وما فيه شي بحياتك ما بيعرفه ، وفجاءه تكتشف انه عم يكذب عليك بأمور يمكن تكون بسيطه أو مهمه .. المهم انه عم يكذب .. وانا لو صارحته انه عرفت انه بيكذب علي رح اخسره ورح ينكسر كل شي بينا ، لانه ما فيه عذر للكذب .. وما فيه سبب حتى يكذب ، انته وانتِ لو مكاني بتصارحو الشخص انك اكتشفت كذبه ولا لا ؟؟؟؟؟؟

بتمنى من الجميع يجاوب لانه مو عارفه شو اعمل والموضوع مهم بالنسبه الي

منار المومني

[ajluni top]

مسا الخير خيتو

والله هذا الشي حسب نوع الكذبه

انا بالنسبه الي لو كذب علي شخص بحبه كذبه قصده منها انه يستفزني او
انه حبه الي مجرد مسخره
بتركه ولا اقبل اعذاره

الله يجيب الزعل لا حدا والله يفرق حبايب

شكرا اختي عالموضوع:eh_s(7):

[منار المومني]

عجلوني توب ..شكراً كثير على دخولك على الموضوع وردك الحلو :eh_s(7):

[Shb_Cute]

انا بالنسبه الي عندي الكذب اشنع من الخيانه نفسها

لأنه اللي بيكذب ممكن يعمل اي شي

فأكيد التصرف الوحيد اللي ممكن اتصرفه رح اواجهه بكذبه وخداعه

واكيد الأنفصال رح يكون النهاية بدون نقاش

مهما كان السبب للكذب

[xblack]

انا مريت ببعض هيك تجارب مع بعض الاصدفاء والصديقات العزيزين علي ...

وبقدر اقلك من واقع تجربتي على الرفم من سهولة الموضوع من ظاهره لكن الموضوع قد يكون متشعب...

هل ذلك الصديق او الحبيب يكذب علي من حبه لي ورغبته بان يظهر بصورة جميلة امامي ليثير اعجابي ....ام انه يكذب علي لضعف في شخصيته ورغبته بان يعزز من ثقته بنفسه ولو بجرد كلمات...

وقد يكون محبا للكذب يعيش حياة وهمية ومعقدة يكذب على اقرب واحب الناس اليه دون تردد...

او قد يكون بكل بسطه يخدعني ولا يهتم لامري....

تعاملت مع كل حاله باسلوب ...

لكن في الحالة الاخيره اتجنبه واستغني عنه بلحظة تأكدي من انه ماذب وخداع .....

[نور الصمادي]

موضوع مهم كثير ..المفروض تتناقشو بالموضوع بكل صراحه ..لانه ما رح تكوني مرتاحه ورح تعيشي دائما بشكل ..ويمكن هوه عند جواب بيوضح كل شيء ..وبكل الاحوال رح ترتاحي ومثل ما بحكو تحطي النقط على الحروف :)

[Ammar Qasaimeh]

الموضوع حساس ,
بصراحة لو صارت معي بصارح الطرف الاخر بكل هدوء و بدون انفعال و حتى بفتح معه الموضوع بشكل مزح و ضحك و بأسلوب هادي لانه هيك انا كمان بكون بكذب عليه و انا بكون مش مرتاح و هوه ولا على بالة.
ناقشي الموضوع معه بكل هدوء و لا تحسسية انة مطالب بالاعتراف او انك شاكة فيه.. بس حاولي تعرفي منه ليش؟؟؟... و اذا صار الموضوع حامي بينكو احكيلة انسا و قومي و ضلك رايحة..

سلام...

[darkman]

تخلصي منة جواب نهائييي و لا يوجد اي وسيلة مساعدة يا بتكسبي نفسك او بتنسحبي

[ذكرى]

لو مكانك ما رح اسانى جواب او سبب ، الكذب خيانه ، وما بيستاهل اكون معه والي بيكذب بامور زغيره سهل يكذب بكل شيء ،يمكن علاقتنا تكون كذبه بعينه ، ما رح استنى تبريره لانه رح يكون يكذب او هوه الاحتمال الاكبر وشكرا الك

[روان]

:SnipeR (8)::SnipeR (8)::SnipeR (8)::SnipeR (8):