لي ولكم ؟!؟!؟ فما رأيكم

[الوردة الاردنية]

لي ولكم ؟!؟!؟ فما رأيكم



حبايبي كيفكم كلكم بتمنى تكونو بالف خير وصحة وعافيه

كما تعودنا دائما ان يكون هناك مجال لنا للابداع وان نعطي انفسنا فرصة

للانفتاح على الاخرين ولما واجهته مع كثير من الاعضاء من مشاكل

وخلافه والتي تواجه الكثيرين منا ونعجز للاسف من التعامل معها

اخواني واخواتي الاعزاء هذا ليس بالموضوع المنقول ولكنه وجد خصيصا

في منتدانا الغالي ليكون منكم واليكم ...... نطرح فيه مشاكلنا ونساعد بعضنا

البعض وكما قيل من قبل ما خاب من استشار كما سوف يكون ميدان للنقاش

نطرح فيه المشاكل التي يعاني منها الكثير من شبابنا هذا الايام .... فليكن موضوع

لنتناصح فيه ونرشد بعضنا البعض نقوي وازعنا الديني ونشد ازر بعضنا البعض ......

ونظهر فيه اجمل ما فينا ..........

نصحح اخطاءنا نعمل على السمو بانفسنا واهم ما في ذلك ادراك الصح والخطأ هنا

وهنا ..... لن يستطع احد الدخول والادعاء والظهور بمظهر المحترم وصاحب الدين ثم

يذهب لفتاة ليعطيها رقم جواله لانها سوف تعلم بانه منافق او افاق ولن تدخل

فتاة لتقول انا محترمة ثم تقوم باغواء المساكين من الشباب فلنجعل شعارنا هنا

كلنا اخوة فلنرتقي معاً ولنصحح اخطاءنا ونظهر عيوبنا لنتلاشها فنكبر ونحن نفخر

بانفسنا خاليين من تلك العيوب التي قد نندم عليها مستفدين من خبرات بعضنا البعض

ومن تجارب بعضنا البعض قادرين على مواجهة تحديات هذا الزمن.

بانتظار مشاركاتكم ومشاكلكم ونصائحكم لاخوانكم وخواتكم واكثر المواضيع التي تثير

اهتمامات الشباب والبنات وسابدأ من هنا بطرح مشكلة قد تكون عويصة

وهي الصور والافلام الاباحية والتي اصبحت تتوفر الان بصورة كبيرة ولمن هم حتى دون

الخامسة عشر من العمر ما رأيكم بالذي ينشأ على معصية تؤثر في اخلاقة ونفسيته

ودينه بالدرجة الاولى والاهم ...... بالاضافة الى ابعاد هذه المشكلة اجتماعيا وتأثيرها على الاسرة

والمجتمع هذه اولى القضايا التي سوف نتاناولها ثم ننطلق للمشاكل والقضايا الاخرى

[الوسادة]

هاد اللي خرب هالجيل و الله ما في كلام


بس فكرة رائعة

[Sc®ipt]

فكرة جميلة

بالنسبة لقضية الصور و الأفلام الإباحية في بالدرجة الأولى و الأخيرة عدم رقابة من قبل الأهل بالإضافة لعدم اتباع الأهل اسس التربية الصحيحة التي حثنا عليها الدين الإسلامي و التي ينتج عنها ضعف الوازع الديني
طبعا رقابة الأهل مش بس على النت او التلفزيون او الموبايل بالعكس لازم تكون رقابتهم اوسع و اشمل من هيك و بنفس الوقت ما يحسسو الأبن انهم مراقبينه
على سبيل المثال الأب اعطى ابنه موبايل
لازم الأب بين كل فترة و فترة يحكي للأبن بأسلوب حلو هات يا بابا موبايلك اشوف شو عندك شغلات حلوة ارسلها الي
و يتفقد شو في على موبايل ابنه و هيك يعني
و إذا اكتشف انه في شي مش دغري يعصب عليه لأنه الولد رح يصير يشتغل بأسلوب انه يجاكر وانه انا صرت كبير و ما اله حق يتدخل فيي و من هالحكي
المفروض الأب يغيبها كم يوم و يجيب الولد و يفتح معه الموضوع بشكل عام غير مباشر و يصير في نقاش و هيك الولد ممكن يرجع عن هيك شغلات لأنه اقتنع من اسلوب والده و حس بتأنيب بدون ما يخصه ابوه بالحكي

[العقيق الاحمر]

انا بحكي كما تزرع تحصد

الي بربي صح راح يُنشئ جيل واعي وما بتعنيه كل هالصور والافلام

كله حسب الترباية والوازع الديني فقط لا غير بنظري

وسلامتكم وتعيشوا :)

[صديقه بنت الشديفات]

بالنسبه للافلام والصور المنشره بشكل كبير في المجتمع ..
تعود الى اسباب كثيره .. منها الاهل ولكن ليس السبب الرئيسي فمن الممكن ان يمثل الشاب او حتى الفتاه دور البراءه امام الاهل وهو يكون بلعب من تحت لتحت .. ومن الاسباب ايضاً الزملاء .. فمنهم من يؤدي بك الى الهاويه ...

السبب ينبع من تفكير ذلك الانسان الذي يحمل الصور او يشاهد تلك الافلام .. فلو كان قريبا لربه ويؤدي فرضه لذهبت تلك الافكار السوداء ..


فكره رائعه .. :)

[طوق الياسمين]

أنا برأيي
ما دخل الترباية
ولا صحبة السوء
ولا الفرص الماتحة من افلام وانتنرت مفتوح لكل شيء
كل واحد وشخصيتوو وشو بستهوي وشو مبادئه بمشي هاد رأيي :8b3914fe8f:

[هدوء عاصف]

السلام عليكم ..

مرات بكون الشاب/الفتاة مربى احسن ترباية وبصلّي وبعرف الصح من الغلط واهله واثقين فيه وهو بكون كمان دغري وما عنده هالامور بس بفترات ضعف بتطلع على هالصور او بشاهد فيلم اباحي ، بمعنى ان النفس البشرية في حالات مد وجزر ، احنا مش ملائكة ، احنا بشر وكلنا بنغلط ، بس المهم انو بعد هالغلط يكون في اعتراف بالذنب ونيّة بعدم العودة لإله ، وما بحس بحجم المعصية غير الإنسان المؤمن المدرك لفعلته ، يعني وبكل صراحة بالغة مين فينا ما شاف هيك مواد اعلامية؟ مهو وين ما يروح الإنسان صار العري متوفر وصار جسد المرأة السلعة الأكثر مبيعاً في وسائل الإعلام والبرامج التلفزيونية والمسلسلات والاعلانات والافلام ، حتى في البرامج الوثائقية ، طيب مهو بفوت الشاب اللي بمرحلة المراهقة على النت بشوف اشي اسمه "الثقافة الجنسية" ومتوفر بكم هائل جداً على الشبكة بدعوى الثقافة العامة ، وطبعاً طبيعة المراهق او المراهقة الفضولية بتدفعه للمتابعة والاستزاده بهالموضوع اللي استغلته كتير من المواقع لكسب عدد اكبر لزوارها لمعرفتها التامة بميول الشباب ، يعني مش لسواد عيونهم ولا لثقافة ولا اشي وانما فقط لكسب عدد الزيارات الاكبر والمال الأوفر ، هلأ هاد الموضوع مع فضول هالشاب بدفعه لمشاهدة الصور والأفلام المتوفرة بغزارة على الشبكة ، طيب ما دام هالشاب مربّى عالصلاة والصوم وبشوف هيك اشياء فكيف يعني بدنا نحمي الشباب من الفتنة وشو العلاج الأمثل بهالحالة؟
برأيي الناس بتعتقد انو التربية هي الصلاة والصوم والاخلاق ، وفي الواقع التربية مش بس صلاة وعبادات ، انما التربية هي كل اشي ، التربية الصحيحة بتعني ضمان الدين والاخلاق وحسن اختيار الرفاق وطريقة الكلام والتصرفات واللباس والتعامل وكل شيء يتعلق بعلاقة هالشاب مع غيره ، يعني الشب لما يكون يصلّي وكلامه مع الناس فاسق وماجن هاد هيك مربّى؟ لما يكون يصوم ولابسلي خصر ساحل واسفل ظهره مبيّن هاد هيك مربّى؟ شو فايدة يكون مؤدّب بالحكي قدام الناس ووراهم ومع صحابه كلامه كله عن البنات والجنس؟
هلأ كعلاج أولي: بعد التربية الدينية الصحيحة ، الأهل عليهم الدور الاكبر متل ما تفضل اخوي زيد الأب لازم يتابع ابنه وبنته بالحسنى طبعاً ويتفقدهم باستمرار ، لازم الاب يلاحظ بمجرد حدوث اي تغيير او بسيط في تصرفات هالإبن سواءا بالكلام او التعامل او الانطواء او اي صفة جديدة عليه ، لإنه موضوع الافلام والصور الاباحية مباشرة بغيّر في صفات الشاب ، كمان الرفقة ، لازم الاب يكون على علم تام بكل رفاق ابنه ، لانه رفيق السوء احد مصايب هالزمان ، كمان واهم شغلة عدم اشعار الشاب باستمرار انه اله حياته الخاصة ، لازم الابن يعرف باستمرار انو استقلاليه بتصير بعد الزواج مش ببيت اهله ، في كتير اهالي بكونوا يعرفوا انو ابنهم بعرف بنات وبطلع معهن وبكونوا يقولوا: والله ابننا ما هو قليل والله انو زلمة وقد حاله ، بكون الأب "المتخلّف" مبسوط عليه مفتكر انو هيك بعمل خير مع ابنه ، والله اللي زي هيك لا خير لا فيه ولا بأبنه ..
ايضاً مراقبة النت وما تم تشغيله على جهاز الكمبيوتر باستمرار وتهئية جاهز كمبيوتر البيت لحجب المواقع الاباحية.. وايضا التلفاز ..

اخيراً وآسف على الاطاله : الشاب المربّى منيح حتى لو اخطأ برجع .. بس المصيبة بللي مش مربّى على الدين والخلق فهاد شو بده يرجعه؟؟!!

شكراً على الموضوع :)

[الوردة الاردنية]

ارائكم عنجد روعة وكتير حلوة والكل معه حق
شكرا لمروركم العطر