من مجتمعنا ~ | .. أغرب شروط الزواج

[دموع الغصون]

يسعد أوقاتكوا

فكرة خطرت ببالي من بعد خبر قرأته وحبيت أسمع رأيكوا فيها
بمجتمعنا الأردني بأخر كم سنه صرنا نسمع غرائب وعجائب شروط الزواج

الشب عنده قائمة مواصفات وشروط لاختيار شريكة حياته
والبنت عندها قائمة أحلام و شروط ومتطلبات ومواصفات لشريك حياتها
و الأهل عندهم قائمة طويلة من الشروط والمواصفات لأبنهم ولبنتهم

بمجتمعنا بنسمع كتير بعض المواقف صار شي طبيعي بنسمعه وبنأيده تلقائياً بتطور الوضع وتغير نظرتنا للحياة
لكن لسا بتمر بعض قصص قدامنا بنستغربها و بنعتبرها دخيله و ممكن غريبه كتير

رح يكون هاد الموضوع لنحكي شو أغرب الشروط و القصص يلي بنسمعها بمجتمعنا عن الزواج واختيار كل طرف لشريك حياته

رح أبدأ أنا وبعدها بدي شوف مشاركاتكوا

[دموع الغصون]

من كم يوم بقرأ بخبر بأحدى المواقع الاخبارية
شب بعد كتب كتابه بـ 10 أيام بفسخ الخطبه وبطلق خطيبته لأنها رقمها على ديوان الخدمه اكتر من 300 كان المبرر رح تتأخر لتتوظف ومافيني كمل الحياة على راتبي بس بدي راتبها لأقدر كمل حياتي

شرط تاني سمعته من أم شب بدها عروس لأبنها دارسة تخصص علمي وتوظيفه ماشي

شرط لشب تاني بدي طول البنت فوق 160 ووزنها ما يكون اكتر من 65

شرط تالت بدهم تكون سنه رابعه وبتدرس مكرمة أو منحه أو شي


بنت بدها واحد ما يكون عنده خوات
بنت بدها شب امه ميته لحتى ما تعبها وتدخل بخصوصياتها
الأهل
الأهل بدهم 5000 دينار بدل ما ربو بنتهم العريس اخدها على الجاهز

الأهل بزوجوها بس راتبها النا

الأهل بدهم لأبنهم بنت عالم وناس بس ممنوع تسكن لوحدها بدها تسكن معنا ومع اخوانه الشباب بنفس البيت والها غرفة مستقله

الأهل بدهم يدخلو بكل صغيرة وكبيره بكنتهم أو بنسيبهم بس حد يدخل بأمور أبنهم وبنتهم بقلبو الدنيا ولادهم خط أحمر ولاد وبنات الناس عادي

[صديقه بنت الشديفات]

طيب خذيلكـ هالقصه الواقعية
شب وبنت عنّآ بحبو بعض ،، بـ حفله الخطبة تركو بعض
ليش لانه اخت العريس مو عاجبيتهآ العروس ،،

،،

في اهل ما بزوجو بناتهم لانه راتبهم رح يروح لـ ازواجهم ،،


مشاركه انا :)
عجبتني الفكرة

[دموع الغصون]

ههههه نهفه هي طيب ماشافتها لحفلة الخطبه شو هاد
شو دخلها اخته جد مجتمع فيه تخلف بعض الشيء

انبسطت كتير بمشاركتك صديقه
عم بنتظر المزيد

[فيروز]

والله من كم يوم سمعت إنه شب ترك بنت "فسخ الخطبة" لأنه أكتشف أنه لون شعرها مصبوغ مش الحقيقي
بس على قولتها ما سألها هاد لون شعرك او لأ هههههـ

رح ارجع

[دموع الغصون]

لا حول ولا قوة الا بالله
جد تفكير غبي من الطرفين

مشكورة فيروز على المشاركة بانتظار عودتك

[هدوء عاصف]

مشكورة دموع ...

قصة صارت معي شخصياً .. أبو بنت كنت بدي اطلبها طلب مني مهر 10000 + 10000 اله هو .. يعني 10 للبنت و10 لأبوها وليش؟؟ قال لإنو تعب عليها كتير لحتى كملت دراسة وبعد ما تتزوج ما رح يشوف منها لا ابيض ولا اسود ورح يضيع جهده فيها سدى ..
الغريب بالموضوع انو بعدها سنة طلبت بنت بتسوى البنت الأولانية بمليون مرة واهلها طلبوا مهر ربع المبلغ اللي طلبه الأهبل هداك ، يعني كما هو متعارف عليه!
يعني بشكل عام أسعار البنات عنا بتختلف حسب فهم الأهل والنسبة طردية ، يعني كل ما زاد غباء الأب وجهله زاد المهر بالمقابل :hah:


قصة تانية اهل رفضوا شاب تقدم لبنتهم لإنو الشب من منطقة معينة كان بينهم وبين مختار المنطقة هاي مشاكل قبل 50 سنة ، طيب ما الزلمة وولاده ماتوا وشبعوا موت!!!


قصة تالتة انا بعرفها صارت مع صديق الي اهل رفضوه لما تقدم لبنتهم والسبب انو اخوان هالشب وابوه بدخنوا ، علما انو الشب نفسه ما بدخن ، طيب شو دخل اخوانه وابوه؟ هاد حرص ولا جهل ولا تخلف ولا شو؟ حدا يفهمني!!

[دموع الغصون]

في حال المتاجرة بالبنات يحق لنا ان نطلق مفهوم الأسعار بالقصة الأولى كانت تجاره رابحة للأب و خسارة للشب فأكبر مكسب لاله انه الموضوع أنتهى بأرضه

اما القصه التانيه فهي مرتبطه بالمجتمع ونظرة الأهل للعنصرية والنزعات يلي بلشت تختفي شوي شوي من مجتمعنا

القصة التالته بعتقد تخلف لأنه أنت ما بدك تزوج بنتك لأهله وعشيرته بدك للشب والسبب بسيط لأنه التدخين منتشر بين اغلب فئات المجتمع يعني ممكن يكون ابوها او اخوها بدخن على شو بتشرطو لو متلا اخوه أو ابوه بشرب ممكن معهم حق بس كتدخين لا

مشكور " هدوء " انبسطت كتير بمشاركتك
ولا حد جاي بساحة الشباب شو شروطهم ؟؟؟

[علاء سماره]

للأسف هذا فعلا وضع بلدنا
انا بلبلد عندي
قصة انوالشب راح اوشاف البنت او عجبته
بسكان عارف انها مخلصة جامعة او بدرسعلى اساس انها عل اساسي
تم كل اشي او وافقة على البنت
بس او هم طالعين من بيتها قالو ابوها
انها بدرس على الاضافي
فبطلعن البنت بنفس اللحظة

[دموع الغصون]

مابعرف هو بده البنت ولا راتبها
هون قمة التخلف بهيك ناس
للأسف يا علاء لسا كتير في شروط غريبه عجيبه ولما نسمعها بنضحك وبنحكي مستحيل تكون بمجتمعنا بس هي بالواقع موجودة
مشكور على المرور والمداخلة الجميلة

[دموع الغصون]

حبيت اقرأ كم طلب لارتباط باحدى المواقع

كانت في شروط غريبه عجيبه
بس لفت انتباهي كم طلب

- مطلقه سكان الزرقاء
- بنت تكون واعيه للأزمة الاقتصادية العالمية - شرطه الوحيد -
- واحد بده بنت طولها من 160 ل175 ووزنها من 60 ل65 بده مودليز مو شريكة حياة
- بنت سكان اقليم الشمال
- بنت بتبكي كتير - شو الحكمه ما بعرف -

[دموع الغصون]

- شب بده بنت معها جنسيه امريكية .. مهو زواج مصلحه
- اريد فتاه على استعداد للسفر
- اريد فتاة مأمنه صحياً
- اريد فتاه بتحب المرح ومش نكده وكشره
نقلا عن مواقع الكترونيه

[حبيبتي والمطر]

هههههههههههههههه جد غريبة شروطها الناس صايرة
ما عندي قصة بس انه الناس صايرة تحط شروط غريبة عجيبة
:icon6:

[دموع الغصون]

بالفعل مطر الشروط غريبه عجيبه كنو مو زواج كنو تعجيز
مشكورة على المرور

[اليتيم العماني]

أب لديه بنت تعمل , أخذها للبنك وأخذ قرضا بنكيا حتى يحرم الزوج من راتبها .

[دموع الغصون]

للاسف لسا في هيك جهل واستغلال
أصبحت العلاقات رهينة المادة
مشكور على المشاركة الجميلة

[shams spring]

هههههههههههههه نفسي اعرف شو بتهيئلهم وهم بكتبو هيك شروط ...!