الرد على الموضوع

رد: شاهدوا استقبال جورج وسّوف في عمان

بدايةً اهلاً وسهلاص بضيوف الاردن ..وحيا الله الضيوف

بس فعلاً مجتمعنا متناقض .. بشكو الطفر وبنفس الوقت بضيعوا كتير من المصاري على أشياء ما إلها داعي

يعني أنا دايما بحكي إنه ما في عنا فقر قد ما عنا سوء تخطيط وإدارة!!
مثلاً لما تيجي على مواطن بشكيلك انه ما معاه يشتري خبز ولما تراقب حياته بتلاقيه بدخن.. بدل الدخان اللي بتسلقطه روح إشتري خبز لولادك!!!
.. وحامل 3 موبايلات وطول نهاره يحكي فيهم .. وبصير معاه وقتها يشتري بطاقة لحضور حفل فني هو بغنى عن حضورة لانه فيه بحياته أولويات أهم .. أو ممكن يضيع الراتب على شراء ملابس الموضة لمجاراتها مع العلم انه عنا ملابس ممكن نلبسها لتسد الحاجة الأساسية من كونها ملابس!!
المشكلة إنه ممكن البنات يكونوا او حتى الشباب يكونوا نسيوا انه الملابس وجدت لكي تستر جسمنا ونكون مرتبين ونظيفين وما وجدت ْ للتموّض والمباهه وتحميل نفسنا مصروف نحن في غنى عنه
وكمان نسيوا إنه الموبايل وجد للحديث المعتدل وللأطمئنان عن الأهل والأصدقاء أو لأستعماله عند الحاجة ومش لطق الحنك والمباهاة مين عنده اخر إصدار من الهواتف النقالة واللي ممكن يوصل سعر الواحد 400 أو 500 دينار إحنا بغنى اننا نكلف نفسنا مصروف زيادة !!
وببيته لا يطبق أدنى أفكار التخطيط والادارة أو بالاحرى ما بيعرف يدير المال يعني ممكن يشتري الغرض من مكان باهض الثمن مع إنه بالامكان يشتري نفس السلعة من مكان آخر بسعر أخفض
أو ممكن يشتري كماليات لا ضرورة لها ولما يخلص الراتب بحكيلك والله الر اتب ما بكفي!!!

يا ريت يكون عنا وعي وإدراك لما يجب أن ننفق من أجله ومما يجب أن نستغني عنه !!

أسفة على الاطالة بس هاد واقع الحال.. وكمان موضوعك أثار حفيظتي بالكلام
يسلموووووووو هدوء على المعلومات

رد: شاهدوا استقبال جورج وسّوف في عمان

مشكور أخي على نقلك الجميل

وأهلاً وسهلاً بزوار الأردن

بس والله لو أنه شيخ بدو يعمل محاضرة في حدا القاعات

ما كان أستقباله بهذا الشكل فعلاً شي بحير وغريب

نركض وراء أهداف وهمية

مودتي لك

رد: شاهدوا استقبال جورج وسّوف في عمان

والله كلامك صحيح دودو .. يا جماعة والله بحس فيه تناقض غريب عند هالعالم وحياة الله ، لما صارت شغلة البورصات بيّنت المصاري عند الناس، اي اكتشفت ناس بحياتي ما كنت اتوقع يكون معهم قرشين على بعضهم انهم معهم مئات الآلاف ، والناس بتشكي الطفر .. حسبي الله ونعم الوكيل ..

رد: شاهدوا استقبال جورج وسّوف في عمان

اه والله اهلا فيه
واللي دافعين المصاري ليروحو يشوفو شاطرين يحكو
خفضولنا الاسعار وزيدو الرواتب
شو رأيكم تخفضو روحة هالحفلات اللي اظن ما الها داعي
خلص بكفي بتشوفو بالتلفزيون لما تشبعو
شكرا هدوء

رد: شاهدوا استقبال جورج وسّوف في عمان

اول شي أهلاً وسهلاً احنا في الأردن بنستقبل الجميع على الرحب والسّعة ..

بس بدل ما تتدفعوا كل هل المصاري لحضور حفلة ادعموا الميزانية لخفض المديونية .. اي و الله ما حدا سائل .

شاهدوا استقبال جورج وسّوف في عمان

شاهدوا استقبال جورج وسّوف في عمان

استقبل جمهور كبير في عمان سلطان الطرب الفنان جورج وسّوف والذي يطل عليهم مساء السبت على المسرح الجنوبي في مهرجان جرش وهو الذي لم يغب عن جمهور الأردن وظل وفيا لمحبي صوته.

جورج وسّوف عرفه الجمهور منذ كان طفلا يردد الأغنيات الطربية ، قبل ان يحترف الغناء ويغدو واحدا من أكثر المطربين العرب من أبناء الجيل الحالي شهرة رغم ما أصابه من نكسات صحية كادت تنهي مسيرته الفنية.

الليلة يعانق صوت "الوسّوف" الالاف الذين ينتظرونه بفارغ الصبر ليرددوا معه "كلام الناس، والحبايب، والله كريم وغيرها من الاغنيات.