كيف هي علاقتك بوالدك ؟

[عقد الألماس العتيق]

السلام عليكم
كلنا طبعا متعلقين بوالدينا ونحبهم وتربطنا بهم علاقات خاصة تميزهم عن بقية الناس فهم الاجدر بالثقة ولا احد يخاف علينا مثلهم.
وطبعا مثل ماهو معروف الام تكون الاكثر حنانا من الاب وتكون في بعض الاحيان متفهمة اكثر منه وتسطيع البنت او الابن التكلم بطلاقة مع امها اوامه اكثر من الوالد كما لا ننكر ان في بعض الاحيان تجد الوالد هو الاكثر تفهم.
وطبعا في مجتمعنا الجزائري تختلف الثقافات بين الاباء بحكم ان بعض الاباء تربوا في مجتمع يسوده نوع من الكتمان ولا مجال للحوار .
لذا اردت ان اطرح موضوع عن الأب لانه كما نعلم ولا ننكر ذلك ان الاغلبية تجدهم متشددين ولا يتركون مجال للحوار
فالسؤال المطروح:



ماهي علاقتكم بالوالد ؟وهل هناك حوار يدور بينكما؟
هل هو متفهم؟
هل ارتكبت غلط فادح وتفهمك وسامحك؟
ومن هو الطرف الذي ترتاح معه اكثر الاب ام الام؟
ارجو ان تجاوبو بصراحة فنحن هنا لنسمعكم ونسمع حياتكم وبالمقابل ستجدون من يفهمكم
ودمتم بخير وارجوا ان ينال الموضوع اعجابكم

[هدوء عاصف]

صباح الخير وبتشكرك على الموضوع القيم الله يجزيكِ الخير ..

اول شي انا والدي رحمة الله عليه كان من أقرب المقرّبين إلي ، كنا متل ما تحكي اصدقاء ، وكانت تدور بيناتنا حوارات ونتناقش بكل شفافية وكان متفهم جداً وما ينفذ اي قرار بدون استشارتي ومناقشتي بالموضوع ومعرفة رأيي فيه ، وانا نفس الشي طبعا ..

بالنسبة هل اني ارتكبت خطأ فادح بتذكر مرة اعتديت على واحد من الجيران ، بصراحة عصّبني وطوّل لسانه كتير وسبني فما قدرت اتحمل فـ "مسحت" فيه الحارة فراح الولد وحكا لأبوه واشتكى علينا وألّف كم قصة علينا كمان وشحطنا انا والوالد عالمخفر ، حسيت يومها اني بهدلته بروحتنا عالمخفر ، زعل مني شوي بس بعدين سامحني

بالنسبة لمين برتاح .. فأنا برتاح مع امي اكتر .. حالي حال الجميع الإم غير بتضل ..!

بتشكرك على الموضوع القيّم وحيّـــــــــــاكِ الله ..

[طوق الياسمين]

ماهي علاقتكم بالوالد ؟وهل هناك حوار يدور بينكما؟

بـ صراحة في حوار بس عن الدراسة والزواج والنت

هل هو متفهم؟

ما أعتقد

هل ارتكبت غلط فادح وتفهمك وسامحك؟

اه مرة كسرت باب الخزانة لما دايقني وصلحوو وقعد فترة ما يحكي معي بس سامحني

ومن هو الطرف الذي ترتاح معه اكثر الاب ام الام؟

والدتي اكيد واكيد

الا ما توجد قسوة من الاب لـ حتى يقدر يسيطر عـ الاولاد لأنه ما حدا بـ انترك عـ كيفوو بس دائما الضغط الكتير بولد الانفجار وهاد الي ممكن يصير معي

مشكورة

[العقيق الاحمر]

ماهي علاقتكم بالوالد ؟وهل هناك حوار يدور بينكما؟
العلاقة ماشي حالها..نعم هناك حوار

هل هو متفهم؟
صراحة مش دايما بيكون متفهم ..وبنظري هاد طبيعي لفارق العمر بيناتنا
فنحن جيلين مختلفين وطبيعي يكون في عدم تفهم في بعض الامور

هل ارتكبت غلط فادح وتفهمك وسامحك؟
لأ..لحد الآن ما ارتكبت هاد الغلط..بس ما بعرف لو يصير هـ الاشي ممكن يتفهم أو لأ !!

ومن هو الطرف الذي ترتاح معه اكثر الاب ام الام؟
الأم ثم الأم ثم الأم....


الله يديم لكل حدا والديه ولو حدا منهم متوفي الله يرحمه
ويسلمو على الموضوع

[الوردة الاردنية]

علاقتي بوالدي ممتازة جدا ومن اروع ما يكون
ودائما هناك حوار بيننا وصراحة انا البنت المدللة عنده لاني الصغيرة بالبيت

وبرتاح اكتر شيء اكيد بحضن امي لاني بحكياها كل شيء بصير معي وفي اشياء ما بتقدر البنت تحكيها لابوها فلذلك برتاح مع ست الحبايب بس هاد لايعني اني ما برتاح مو الوالد
بالعكس انا بحبهم كتير والله لا يحرمني منهم الاتنين

مشكورة الموضوع حلو كتيرررررررررررررررر