دراسة: 87% من الاردنيات يعانين من نقص فيتامين (د) بسبب ارتداء الحجاب ...!!!

[N_tarawneh]

دراسة:

87% من الاردنيات يعانين من نقص فيتامين (د) بسبب ارتداء الحجاب ...!!!

سرايا - كشفت دراسة قام بها المركز الوطني للسكري والغدد الصم في الاردن ان 87% من مجموع الاردنيات ممن تتراوح اعمارهن بين 18-70 سنة مصابات بنقص فيتامين (د)نتيجة عدم التعرض لاشعة الشمس وتناول الحليب....وربطت الدراسة بين الحجاب والاصابة بنقص فيتامين (د).
وقد رفض الدكتور كامل العجلوني رئيس المركز الوطني للسكري التصريح حول هذه القضية ولم تقتصر ردة الفعل عليه فقد لاحظت سرايا تهرب موظفي المركز واطبته المشرفين على الدراسة من التصريح بأي شئ يخدم الامر متنكرين للدراسة ولكافة المعلومات الواردة فيها مؤكدين على عدم معرفتهم بأية تفاصيل تدور حولها.
و قد استنكرت اوساط اسلامية نتائج هذه الدراسة واصفة اياها بالربط الغير صحيح بين الحجاب و ظاهرة نقص فيتامين (د) مؤكدة ان الحجاب هو امر رباني انما جاء بغية ستر مفاتن النساء و درء الفتنة بين المسلمين و انه من ظواهر تعفف المرأة المؤمنة.

نقلا ً عن سرايا نيوز ...

[أميرة قوس النصر]

[align=center]طيب وين الدراسه المفروض احنا نقرئها علشان نقدر نفهم شو قصدهم بالزبط ![/align]

[Ola Al-otoum]

شو هاد يا نادر
ما بصير اساسا انك تساعد في نشر هيك معلومات ضوضائية عن الاسلام
وبعدين رب العالمين لما يؤمرنا بارتداء الحجاب
اكيد و100%
ما بكون فيه ضرر لإلنا بالمرة
اساسا بكون فيه شي صحي بس بسبب قصور العقل البشري
انه لحد الان ما تم اكتشافه
ويا ريت ما نساعد الضلاليين على ديننا الحنيف بكفي لحد هون
اللهم اجعلنا من الذين يعزون هذا الدين
آمين آمين

[Ola Al-otoum]

اولاً كان ردي السابق منفعل شوي فعذرا إلى الأخ الكريم نادر الطراونه
بس الموضوع غلط برمته لازم نحارب متل هيك مواضيع وما نساعد في نشرها بالمرة
وعذراً ان أسأت إلى أحد ولكن هذا من غيرتي على الدين الحنيف

[khaled aljonidee]

[align=center]يعني بدهم ال85% من النساء يخلعن الحجاب

لا حول و لا قوة الا بالله

اصلاً الحجاب الله امر فيه و الله سبحانه و تعالى ما امر بأشي الا للأنه فيه خير

و في دراسات بتحكي انو الحجاب بيمنع تساقط الشعر [/align]

[معاذ ملحم]

نادر مع احترامي الشديد الك

انا بعتقد 100% انه الموضوع غير صحيح

لانه لو الموضوع صحيح كان امي وامك وسيدات المجتمع بشكل عام اتضرروا

متل ما هوه مكتوب بالنص

[آلجوري]

انا معك يا علا ..
والفيتامين الي بدو يجينا من رفع الحجاب ما بدنا إياه وبناخدو من مصادره التانية ..
سبحان الله ... هما نفس الشخصيات الي ممكن تحكي للمرأة المفرعة ضرورة وضع طاقية على رأسها لتجنب ضربات الشمس والأشعة الضارة وتأثيرها ع الدماغ
يعطيك العافية أخوي ..

[khaled aljonidee]

انا معك يا علا ..
والفيتامين الي بدو يجينا من رفع الحجاب ما بدنا إياه وبناخدو من مصادره التانية ..
سبحان الله ... هما نفس الشخصيات الي ممكن تحكي للمرأة المفرعة ضرورة وضع طاقية على رأسها لتجنب ضربات الشمس والأشعة الضارة وتأثيرها ع الدماغ
يعطيك العافية أخوي ..

على فكره اخت ايات

الفيتامين د مصدره بس الشمس

بس الوالدة حكتلي انو قبل فترة جابوا على التلفزيون الأردني عن هاد الموضوع

و حكتلي الوالدة انو فترة ربع ساعة بتكون كافية.....يعني البنت لما تتفرع بدارها (وكل بناتنا هيك)لو انها تجلس في مكان في ضوء الشمس لمدة ربع ساعة بكون كافي

و انا ما بظن انه في بيت ما بدخله ضو شمس الا القليل

و برجع و بكرر انا ضد الكلام يا نادر

[Ahmad zo3bi]

يا جماعة شو مالكوا هاجمين على نادر وكأنه الناطق الرسمي بالسفارة الامريكية

بما انه في دراسة علمية بهذا الشي فما حد يناقش بطريقة غير علمية فليش بدنا نستر على حقائق علمية ونمنع نشرها

ومن المعروف للجميع انه اشعة الشمس مهمة للشعر وللجسم ككل سواء للذكر او للانثى ومن المعروف انه فيتامين د مهم للجسم فليش كلكوا معصبين وكأنه في حد ساب عليكوا

يا بنات ما حد جابركوم تشلحوا الاشارب بس افهموا انه الله لما فرض الحجاب فرضه عشان السترة وان تسبب بنقص الفايتمين فهنالك عناصر غذائية تعطي هذا الفيتامين وهيك ما بكون في ضرر من لبس الاشارب

هون ما سألتوا حالكوا لعاد ليش الاسلام أمر بتغطية كافة اعضاء الجسم عدا الوجه والكفين مع انه الشمس مفيدة للجسم

انا مع اخوي خالد بأن المرأة ممكن انها تحصل على اشعة الشمس داخل بيتها

فما بصير نلجأ للحكي الغير مبرر ..... طيب حدا يجاوبني مين أريح للفتاة واقل مشقة لبس الجلباب ام لبس بنطلون وقميص....... هون بنلجأ لموضوع انه البنت اللي بتلبس جلباب الها اجر عظيم عند الله بغض النظر عن المشقة اللي بتلازم الفتاة اثناء لبس الجلباب

بتمنى تكونوا فهمتوا قصدي الموجز

[khaled aljonidee]

يا جماعة شو مالكوا هاجمين على نادر وكأنه الناطق الرسمي بالسفارة الامريكية

بما انه في دراسة علمية بهذا الشي فما حد يناقش بطريقة غير علمية فليش بدنا نستر على حقائق علمية ونمنع نشرها

ومن المعروف للجميع انه اشعة الشمس مهمة للشعر وللجسم ككل سواء للذكر او للانثى ومن المعروف انه فيتامين د مهم للجسم فليش كلكوا معصبين وكأنه في حد ساب عليكوا

يا بنات ما حد جابركوم تشلحوا الاشارب بس افهموا انه الله لما فرض الحجاب فرضه عشان السترة وان تسبب بنقص الفايتمين فهنالك عناصر غذائية تعطي هذا الفيتامين وهيك ما بكون في ضرر من لبس الاشارب

هون ما سألتوا حالكوا لعاد ليش الاسلام أمر بتغطية كافة اعضاء الجسم عدا الوجه والكفين مع انه الشمس مفيدة للجسم

انا مع اخوي خالد بأن المرأة ممكن انها تحصل على اشعة الشمس داخل بيتها

فما بصير نلجأ للحكي الغير مبرر ..... طيب حدا يجاوبني مين أريح للفتاة واقل مشقة لبس الجلباب ام لبس بنطلون وقميص....... هون بنلجأ لموضوع انه البنت اللي بتلبس جلباب الها اجر عظيم عند الله بغض النظر عن المشقة اللي بتلازم الفتاة اثناء لبس الجلباب

بتمنى تكونوا فهمتوا قصدي الموجز