" رند ينال " ضيفة كرسي الاعتراف

[صديقه بنت الشديفات]

لـ ازهارها رحيق خاص ..

طموحه .. لا تعرف المستحيل ..

انسانه تمتلكـ احساس رائع .. وقلم ينثر حبره في صفحات الحب ..


مشرفتنا ~ رند ينال ..

اهلا بكـ على كرسي الاعتراف

[دموع الغصون]

أشكركِ صديقة على المجهود المميز و الإختيار الرائع

" رند "
أهلاً وسهلاً فيكِ على كرسي الإعتراف
بنتمنى تستمتعي معنا ونتعرف عليكِ أكتر من خلال هالمشاركة
في حال موافقتك على المشاركة أكيد لي عودة لطرح أسئلتي

[طوق الياسمين]

أهلا وسهلا بـ رند ينال وان شاء الله تنبسطِ

[rand yanal]

يا أهلا وسهلا بخواتي وصديقاتي وحبيباتي , , بطوق ودموع وطبعا أختي صديقة مشكورة على الدعوة

بتمنى إنه كمان إنتوا تنبسطوا معي ,, وبشرفني إني أكون قريبة وأخت لكل وحدة فيكم

أهلا فيكم منورين المنتدى

بإنتظار أسئلتكم .. ... ...

[دموع الغصون]

أهلاً وسهلاُ فيكِ " رند "
طبعاً بعد البطاقة التعريفية كما تشائين رح أطرح اسئلتي


بسم الله
السؤال الأول : ما هي حكمتكِ في الحياة ؟
السؤال الثاني : ماذا يعني لكِ " رند ينال " وماهو سر اختيارك له ؟
السؤال الثالث : أعطي الألقاب والصفات التالية للأعضاء
القلم المميز :
شاعر المنتدى :
مثقف :
طموح :
مبدع :
خلاق:
نشيط :
فراشة المنتدى :
دينمو المنتدى :

أكيد لي عودة

[rand yanal]

أهلاً وسهلاُ فيكِ " رند "
طبعاً بعد البطاقة التعريفية كما تشائين رح أطرح اسئلتي

أنا طالبة جامعية بمستوى السنة الثالثة في تخصص علم الحاسوب في "كلية الحصن الجامعية "

إسمي الأصلي " حــــلا " .. سكان مدينة الحصن في إربد ..

بسم الله
السؤال الأول : ما هي حكمتكِ في الحياة ؟

الصبر حتى يستطيع الإنسان أن ينال الأفضل ..

السؤال الثاني : ماذا يعني لكِ " رند ينال " وماهو سر اختيارك له ؟

وأنا صغيرة كنت بتمنى لو كان إسمي رندا مو رند بعد تفكير حسيت إنه رند أخف وأحلى وكنت رح أسمي بنتي رند ..هههههههه لكن هلا طبعا غيرت رأي أنا هيك دائما متقلبت المزاج رح أسميها " ميــــار " وعلى الأغلب هاد الأسم الثابت ..

أما ينـــال برضو إسم إبني هاد ثابت على الأكيد ما لقيت لهلأ أحلى منه غير اسم أمير وأخوي الضغير إسمة أمير


السؤال الثالث : أعطي الألقاب والصفات التالية للأعضاء
القلم المميز : دموع الغصون
شاعر المنتدى : قلعتي أبدية
مثقف : طوق الياسمين
طموح : هدوء عاصف
مبدع : زيد مراد (سكريبت )
خلاق: صديقة بنت الشديفات
نشيط : بسمة
فراشة المنتدى : مها عزمي ( أميرة قوس النصر )
دينمو المنتدى : طوق الياسمين

بإنتظار أسئلتكم الباقية

[هدوء عاصف]

مساااااااااااا الفل للكل
اجمل اشي شفته لما دخلت اليوم انو "رند" على كرسي الاعتراف

كيفك رند شو اخباراتك؟ طبعاً شو ما احكي عن رند بضل مقصر ، كان هون ولا ع صفحة المنتدى على فيسبوك رند بيبقى حضورها هو الاقوى والمميز ، شكراً كتير الك رند على كل شي

رند سؤالي الأول .. احكيلي شوي عن رند ومها .. شو بتعنيلك مها؟ وشو بتعني رند لمها؟

طبعا ما فيي الا واتقدم بجزيل الشكر لمها اللي كانت سبب قوي لتعريفنا فيكِ بس ما يكبر راسك يا مها

الي رجعة رند

[rand yanal]

مساااااااااااا الفل للكل
اجمل اشي شفته لما دخلت اليوم انو "رند" على كرسي الاعتراف

كيفك رند شو اخباراتك؟ طبعاً شو ما احكي عن رند بضل مقصر ، كان هون ولا ع صفحة المنتدى على فيسبوك رند بيبقى حضورها هو الاقوى والمميز ، شكراً كتير الك رند على كل شي

رند سؤالي الأول .. احكيلي شوي عن رند ومها .. شو بتعنيلك مها؟ وشو بتعني رند لمها؟

طبعا ما فيي الا واتقدم بجزيل الشكر لمها اللي كانت سبب قوي لتعريفنا فيكِ بس ما يكبر راسك يا مها

الي رجعة رند

هههههههههههههههههههههههه.. يا أهلا وسهلا بعريسنا منورنا والله

يا سيدي انت سألتني سؤال لو بضل للصبح أكتب وأشرح ما رح أقدر أطلع إللي جواتي ..

طبعا أنا ومها مواليد نفس الشهر مها ب 11/5 وأنا بــ 9/5 نفس العقل .. مها كانت أعز من أختي من لما تعرفت عليها تركت الكل بالجامعة وإستغليت كل لحظة معها قبل ما تسافر
وطبعا لأني هاليومين مشغولة بالإمتحانات اليوم على الفيس بوك لاني طولت وإلي زمان ما سلمت عليها ببتوعد إنها بالأكم يوم هدول رح تيجي على الأردن وبس تيجي بدها تمزعلي شعراتي

طبعا كانت أحلى أيام أيام الفصل الثاني من السنه الثانية يعني قبل ما تسافر مها ب 4 أو 5 أشهر بهاد الفصل آجى علينا فيه فصلين الشتاء والصيف كنا نمشي بالشتا ومرة نمشي بالصيف بس كنت أغلبها بالصيف دايما أحكيلها مها حبيبتي إنتي بيضا كتير الشمس ما بتحرقك بتحرقني أنا هههههههههههههههههه( بس أنا مش سمرا هاااااا أنا بيضا بس بالنسبة لمها سمرا ههههههههه ,, والله بنحرق بسرعة ),, كنت أقعدها بالشمس وأنا أعطي الشمس ظهري ..

كانت الخسارة الأكبر بالنسبة إلي إنه كان عرسها بفلسطين مو بالأردن كان نفسي أحضر عرسها الضرسانه ..

مها أعز من خواتي وهي أعرف كنت كل ما يصير معي إشي دغري على مهاااااااااا ,,

مها حبيبتي ديري بالك على حالك وعلى جوزك وعلى البيبي خلص عاد أنا بدي أصير خالة ..

وإنت هدوء كمان شد حالك أنا بدي أصير عمة

بعدين معكوا إنتوا الجوز خلصوني بدي أحفاد خخخخخخخخخخخخخ

والله إني بحب المنتدى وبحب كل إللي فيه ,, الكل هون أخواني سواء شباب أو صبايا

[shams spring]

رنــــــــــد اهلا وسهلا فيكي يا عمري ^_^
مش عارفة شو بدي اسألك يا جارتي .....
مممممم
رح خلي اسالتي لطيفة وخفيفة ^_^

احلى سنة بحياتك؟

اكتر اكلة بتحبيها؟

شو هي الدولة الي نفسك تزوريها؟؟

هل تشعرين هذه الايام بالسلام وراحة البال؟؟

لي عودة اكيــد ^_^

[rand yanal]

رنــــــــــد اهلا وسهلا فيكي يا عمري ^_^
مش عارفة شو بدي اسألك يا جارتي .....
مممممم
رح خلي اسالتي لطيفة وخفيفة ^_^

احلى سنة بحياتك؟

السنة الأول بالجامعة كانت بتعقد

اكتر اكلة بتحبيها؟

المندي

شو هي الدولة الي نفسك تزوريها؟؟

دبي

هل تشعرين هذه الايام بالسلام وراحة البال؟؟

مممممممم.. هاليومين انا مريضة " حلقي ملتهب " ,, بس مرتاحة الحمد لله ..

لي عودة اكيــد ^_^

حبيبتي شمس حقك علي كل ما أحكيلك رح أزورك بتطلعلي شغلة بس رح أفضي حالي وأزورك إنشاء الله على الأكيد

سلمي على الكل عندك