[fot1]كيف تصبح مواطنا أردنيا[/fot1]
. . . .
بداية وحتى تصبح مواطنا أردنيا يجب عليك إتقان الكشرة الأردنية
فهذا من أهم ما يميز الإنسان الأردني عن الإنسان العادي!
البوز الملوي . . . والحواجب المعقودة . . . وإذا نظر إليك أحدهم فقل له بكل استعلاء:
<أبو الشباب. . . ليش بتجح بخلقتي . . . مضيع بوجهي شلن?>
هكذا تكون قد قطعت شوطا كبيرا نحو الاردنة
تابعا للنقطة السابقة . . .فلتسير على مبدأ
اللي بيطلع عليك بعين . . . اطلع عليه بنص عين
يعني نظرة انقرافية بحته. . .
أي بالكلمات الأردنية:
<كلك على بعضك مش شايفك>
تعلم فن التعصيب. . . وأقل كلمه تطلع زيفك<عصبيتك>
عصب وصيح وبزق وانت بتحكي
على شرطي المرور . . . على الكونترول. . . على
سايق التاكسي
المهم تتهاوش هوشه يوميه
وتحرق وراها باكيت دخان
المواطن الأردني إنسان كالصخر
خارق للمنطق والعادة. . . ولا يخضع لأي عمليات حسابيه
نضرب مثال. . .
المواطن الأردني العادي بدفع ايجار بيت 150دينار
كهرباء ومياه حوالي 20دينار
عنده سياره قسطها الشهري 100دينار
وترخيص على بنزين على زيت تقريبا بالشهر 150
دخان بمعدل باكيت باليوم
<وهذا مش مدخن...بيعفط تعفيط>
بس 50 دينار شهري
احكي 150 أكل وشرب
وحوالي 30 بالشهر بطاقات شحن
<إذا ما كان حبيب....اذا كان بحب>
بده 100دينار . . .50 اله و 50 لحبيبته
ليش هي بتتنازل تشحن لحالها
<حبيت تحكي اشحنلي ما حبيت فيه غيرك كتييير>
صار المبلغ 650 تقريبا
وهو كل راتبه 250 دينار....
كيف بتزبط معه ؟؟؟ الله اعلم!!!
حتى تصبح مواطن أردني يجب ان يكون
لديك
او امتلكت في يوم ما
أو تحلم بأن تمتلك
احدى السيارات التاليه:
كيا سيفيا
هونداي اكسنت
زعرا<المقصودBMW 320>
نيسان سني<حصريا للتكاسي>
لف<المقصود مرسيدس 200 موديل 82 وحتى 85>
او 180 <المقصود مرسيدس موديل الستينات> . . . وانتا بتلفها براحتك
المواطن الاردني مواطن يحب المظاهر
يعني اذا لم يكن معك ولا قرش يجب أن تتعلم فن
العرط
<العرط> هو الكذب والإدعاء بأنك مليونير
أي أن تجلس مع الشباب وتوهمم أنك ولدت
وفي فمك ملعقة ذهب
مع ان الواقع هو انك
ولدت وفي ثمك ملعقة
خـ--- كلمة مشفرة!!
بعيد عنكو
يعني مارس فن التشبير وعلق الهامر على جنبك
وفضي بكيت الفيلادلفيا ببكيت مارلبورو
حتى تكون مواطن اردني
يجب أن يكون أحد أقرباءك من مواليد الف وتسعميه وتنكة
له سن ذهب
حتى تكون مواطن اردني يجب أن يكون جدك
قد امتلك نصف الشميساني أو عبدون
في يوم من الايام. . . وباعها بميتين دينار
حتى تكون مواطن اردني
عليك أن تكون دقرا. . . تعلم المداقره
واحد دق عليك الباب احكيله مين ؟
بس يحكيلك انا فلان. . . قوله ع طول لا مش انت
المهم تداقر شوي على أي موضوع
حتى لو كنت عارف حالك غلطان
حتى تكون مواطن اردني
يجب أن يكون لك واسطه في كل دائرة حكومية
قرابه
او نسب
او صحبه
او ابن عم خالة جدها لمرة جار اخوك
المهم تمشي حالك. . .
حتى تكون مواطن اردني
تعلم فن التقسيط. . .
موبايل اقساط
سيارة اقساط
اثاث بيت اقساط
جرابات اقساط. . .
لازم يصفي من راتبك كل شهر 13 دينار
لانه الباقي اقساط!!!
وتعلم ان تجد كفيلا يكون<خروف>
<الكفيل الخروف:يعني كفيل أهبل يدفع عنك الاقساط التي تتهرب من دفعها>
علشان يخصمو عليه هو
ويخفف عليك شوي من اقساطك!!!
[bor=#c964ba]
[fot1]مبروك. . . أنت أردني[/fot1]
[/bor]
رد مع اقتباس
مواقع النشر (المفضلة)