اول شي بتجيب المواد التالية
1-بكيت دخان مالبورو لايت (فاضي)
2- بكيت ال ام احمر اجنبي
3- علبة جل بل ام الليرة
4-بنطلون ديرتي ويحبذ يكون مخزق
5- بلوزة من البالة (الأربعة بليرة )
6- اذا كنت طنط عل الأخر بتجيب علبة مبيض وسشوار
7-تلفون ان سبعين ومافوق وعليه اغاني مجوز
8- قشاط ابو حديدة نص كيلو
9- ملقط حواجب
طبعا كالعادة بتصحى متأخر على السريع بتفضي بكيت الدخان الأجنبي ببكيت المالبورو بتروح تحط جل وبتوقف شعراتك سبايكي بعدين بتجيب ملقط الحواجب بتشيل شعر خشمك ودير بالك تغسل وجهك لازم تحافظ على لوك الديرتي بتلبس البنطلون وبتسحلو على الأخر مش مشكلة بتغطيها بالبلوزة بتحط بكيت الدخان بجبتك وبتطلعو لبرا علشان الصبايا يشفوه هيك وبتكمل لبس ولا تنسى جراباتك المخزقة بعدين بتروح صحي ماما وبتاخذ الدينار مصروفك بتطلع من البيت على باصات الحصن وهناك انسى الباقي احسن الكنترول ما يضربك موس او يبهدلك قدام الصبايا بتنزل على باب الكلية بتروح على الكفتيريا بتشتري كاسة نسكافي بتخليه يعبيها سكر بتفوت على الكلية رافع راسك ودير بالك من حسان وتوفيق احسن ما يتسلبطو عليك بالدخان اول محاضرة راحت عادي مش مشكلة اصحابك سجلو اسمك بتقعد بالكرادور بطلع التلفون بتلعب فيه واذا قدرت تصور لقطة لصبية لاتوفرها بيجي عليك محمود بيقلك زبطت بنت من الأخر بتروح انت معو علشان تشوف البنت بتلاقوها مع شب تاني بتروح تنادي عز وسمير وفادي علشان تقتلو الشب بيطلع الشب مخابرات بتصيرو صحبة بتطلعو على النافورة بتشغلو المجوز من التلفون وبتقعدو تدبكو ..
عفوا شباب بس هي حلقة من حياتنا اليومية بالكلية انا تخرجت من الكلية قبل سنتين وزرتها بالعيد الصغير تفاجات ما اظن بسموهم شلة (...) كل واحد فيهم خشمو قد الباخرة والي بيقهرك انو مبسوط على حالو بدون زلومية وبفكرك غيران منوعلى ايش صار هم الشباب انهم يزبطو بنت وبيعملو شغلات بوجوهم بتخليهم هما البنات وكمان ظاهرة انو الواحد فيهم يشغل اغنية على الموبايل ويمشي فيه بالكرادور لاهو سامع اشي ولاحتى بعرف مين بغني وبتلاقيه بتمايل
وين الزلم ياشباب اذا البنت مش عاجبها شكلك عادي الدنيا نصيب واذواق غيرها بتنعجب بس ماتعمل من حالك مسخرة للبنات نفسهم او زي بعض ناس بيروح يجيب حبوب وربع خمرة وبيشربهم بالحمام بعدين بياخذلو زاوية وبجحر بالناس خلص صار زلمة وانو هو مدمر على الأخر
والله اشي بيضحك
سامحوني اذا اخطت بحق احد والأسامي هي وهمية ماعدا شلة (....) هم موجدين فعلا
رد مع اقتباس
مواقع النشر (المفضلة)