1- ليش بنرفع أكتافنا إلى الأعلى عندما نضطر للمشي تحت المطر من دون مظلة ...؟؟؟
يعني هيك ما رح نبتل...!!!
2- ليش بنخفض صوت المسجل أو الراديو بالسيارة عندما نشعر بأننا دخلنا بالطريق الخطأ ...؟؟؟
يعني هيك بنصير نعرف الطريق الصح ...!!!
3- ليش عندما تكون بطارية الريموت كنترول ضعيفة نقوم بالضغط بقوة على الأزرار ...؟؟؟
يعني هيك بنشحن البطارية ...!!!
4- ليش عندما نكون داخل المنزل و السماء تمطر نسأل:- شو بتمطر برا ...؟؟؟
يعني بحياتها مطرت جوا مثلاً ...!!!
5- ليش عندما نقرأ على الحائط احترس من الدهان لا نصدق بل نجرب ذلك من خلال وضع إصبعنا ...؟؟؟
يعني بدك إلي دهن الحيط يحلفلك يمين ...!!!
6- ليش عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك ...؟؟؟
يعني بيترك المواقف كلها وبيوقف جنبك ...!!!
7- ليش عندما يتأخر المصعد نضغط عدة مرات على الزر ...؟؟؟
يعني هيك بحس على دمو و بيستعجل ...!!!
8- ليش عندما تكون منتظراً المصعد و يأتي شخص آخر تجده يضغط أيضاً لطلبه ...؟؟؟
يعني مو شايفك بالمرة ..!!!
9- ليش نفتح فمنا عندما نقوم بإطعام الطفل الصغير ...؟؟؟
يعني إحنا إلي بنوكل و لا هوه ...!!!
10- ليش بنشعر دوماً بأننا بحاجة إلى 10 دقائق نوم إضافية كلما استيقظنا صباحاً ...؟؟؟
يعني العشر دقائق بتشبّعنا نوم ...!!!!
11- ليش بنقول هدية مجانية ...؟؟؟
ليش هو في هدية غير مجانية ...!!!
12- ليش لما بتشد برغي للآخير بتشد عا حالك و بتشدّ على سنانك ...؟؟؟
شو اذا ما شدّيت بينحل البرغي يعني ...!!!
13- ليش لما نشوف واحد بيوكل ليمون بنحمض و بتشط ريالتنا ...؟؟؟
يعني إحنا إلي بنوكل ولاّ هوِ ...!!!
14- ليش لما واحد بيتثاوب قدامنا بتقلّو نعسّتنا ...؟؟؟
يعني شو دخلنا إحنا ...!!!
15- ليش لما نكون ماشين بالسيارة ونشوف قدامنا غصن شجرة واطي شوي بنوطي روسنا ...؟؟؟
يعني رح يضرب فينا ...!!!
16- ليش بعد ما نشرب آخر شفة من فنجان الشاي او القهوة بنطلع فيه إذا ضل فيه كمان ولا خلص ...؟؟؟
يعني ما بنصدق إنه خلص إلا نشوفه ...!!!
17- ليش لما نسمع صوت عالي او تكسير صحون مثلا بنسكر عيونا ...؟؟؟
يعني شو بيخف الصوت اذا غمضنا ...!!!
رد مع اقتباس
العالي عالي
المشاركة الأصلية كتبت بواسطة العالي عالي
مواقع النشر (المفضلة)