زمان لما كان قرص الفلافل بقرش كان لسى بعد في مجال نحكي بدنا نتعشى فلافل ، وأبوي بيوصيلنا قال شو بنص ليرة وبنوكل وبنبعزق وبنكب الباقي ..
وقبل هذيك الأيام لغاية مش عارف قبل قديش بس بتذكر أنه صار حق قرص الفلافل قرشين ونص وصارت أمي تقول لأبوي صار القرص قد التعريفة وبطلنا نشبع ، وصار أبوي ياحرام يجيب بليرة ويااالله مكفي وإحنا نحط بكل ربع كم قرص وكأنه ربنا خسف منهن البركة وعلى رأي ستي الله يرحمها "كثار وقليلات بركة"
وهسه صارت وجبة الفلافل ناااار وغالية وصرنا نوكل شاورما أرخص وأفيد ،بس المشكلة أنه القرص كان يغلى ويصغر مثل حال الموظف المعتر برتفع راتبه شوي وفجأة!!!!!
قبل حتى ما يفرح بالزيادة كل شيء بيصير نار "أجار الدار..عداد المي....وفاتورة الكهرباء..حتى الضريبة إلي بيدفعها للجامعات بكل شهر بترتفع "
والمشكلة إنه ربنا ما عطاااه أولاد.
زمان بتذكر كان كل إشي أحلى وإله طعم وهسه كل شيء باخ وساخ على بعضه وصار الواحد يحرث طول النهار والليل بس عشان يقدر يتعشى فلافل تواصي من عند أبو محمود أو إذا بدنا نطبشها جد من عند الضيعة وعلى فكرة أنا ساكن بإربد وزي مابيقولوا أسعار إربد رخيصة ، يعني إذا حسبناها عن جد بالورقة والقلم وحبينا نوكل فلافل بالصويفية مثلاً أو بعبدون أو من نفسنا مرة وحدة نزور الشميساني ورحنا ع "لبناني سناك"وقعدنا والخضار حوالينا من كل جانب ..
تخيل منظر الجرسون وهو بحظر حاله يجيييك وبزبط بقرافته وبشد البنطون أكثر عشان كسماااته طبعاً وبيروح مرتين وبيجي يمسح بالفوطة الطاولة إلي بتلمع قدامنا ..وبعدين بيرحب فينا وبسألنا شو بتحبوا تتغدوا ؟؟؟
كل شيء عنا طازج ..
وفجأة!!!!!!
يسمعنا نحكيله بالله عليك ياحبيبي..... "ياأبو الزوز ".....
بربع ليرة فلافل سخن !!
إيش بيكون موقفه ؟
المستحيل المنتظر
أماني النجار
رد مع اقتباس
رد: بربع ليرة فلافل
.gif "Eh S(17)")
مواقع النشر (المفضلة)