تخيل أختك تصارحك انها تعيش قصة حب

[زهره التوليب]

اقتباس:
المشاركة الأصلية كتبت بواسطة Ahmad zo3bi



بتمنى منك تحتفظ بهالكلام على كمبيوترك الشخصي ولا تنشرو....اي حب شريف بتسولف عنو ... وحب روحاني ... هاي السواليف هي بداية انهيارنا

غلطان انت يا احمد....الدنيا لسه بخير...والناس النظيفه بعدها موجوده

[Ahmad zo3bi]

قسما بالله اني تفاجأت بردود افعالكوا وما كنت متوقعها بالمرة ....

[زهره التوليب]

اقتباس:
المشاركة الأصلية كتبت بواسطة Ahmad zo3bi
قسما بالله اني تفاجأت بردود افعالكوا وما كنت متوقعها بالمرة ....

وانا كمان تفاجأت برده فعلك

[أميرة قوس النصر]

احمد الزعبي
رايك شو بدك تعمل باختك حر تموتها تشنقها تعدمها انت حر وهاد رايك
تجي بالحب وانه كلام فاضي لهون وقف واضرب بريك انت بتذكرني بحد بعرفه ما بصير تسخر ولا تحتقر مشاعر ما النا دخل فيها سيدي بلاش الحب اللي بتعرفه حبك لعيلتك لابوك لامك لصاحبك مش مشاعر خفيه ما بتقدر تقدرها بالله عليك خلينى بالمرحومة (( اختك)) ولا تغلط بتعريف الحب ما بحكي عن قلت الادب بحكي عن الحب وهناك فرق وفرق كبير بجوز مداركك ما وصلت تفرق بس اللي بنحكي عنه اشي وانه تحكي عن المشاعر اللي بتقوينا اشي ثاني

[غسان]

احمد معه حق ... الحب الروحاني والمقدس ... مش موجود ... او نادر الوجود ...
اصبحت الهواتف الليلية والقعدة تحت الشجرة ثاني يوم بالجامعة جزء لا يتجزء من الحب ... وحتى احيانا كثيرة لا يكون حب انما هو مجرد تسلاية من الشب ..
.
ولكن مهما كان لن يكون موقفي هو الضرب والشتم والمنع ... وانما التفهم قدر المستطاع ... واحاول فهم طبيعة العلاقة بالضبط وعلى اساسه اتصرف

[mohammad qasaimeh]

تماما مثل ما حكت مها

-------------------



واضح سيد احمد انك بتتكلم عن القعده تحت الشجر و التلفونات باخر الليل و و و والله ما بقدر اعدلك اياهم لانه ما بعرفهم ولا عمري جربتهم اصلا

لكن حبيبي احمد مين فينا اللي لازم ما ينشر كلامه اللي بحكي انه انا ما برضى على حالي اعمل علاقة ولدنة - وللي هوه انا - ولا اللي بحكي انا بدي اعمل و اختي لا

لنفرض انه هالثنين مش انا و انت

لو نظرت الهم من بعيد مين بتحكي انه ملتزم دينيا أكثر ؟

واضح من ردك هذا سيد احمد

لعاد كيف بدها تحب من بعيد لبعيد مث او لاسلكيا...ما دام صار في حب معناها في رقم تلفون ومسجات ومكالمات.وهون مستحيل تظل عايشه ...اما اذا كان من بعيد لبعيد وبدون حكي هذا تخويث مش حب واذا فكر يحكي معها بحكي معها بالخطبة وبس.

انك بتفكر علاقات الولدنه هيه الحب ،

لكني يا صديقي اتحدث عن شيء اخر ، و اه ، عن اللاسلكي هذا اللي مش عاجبك ، اللاسلكي هذا هوه اعنف حب ، و بنظري الشخصي هو اشرف حب

اذا بدنا نشتغل عالسلكي ، لازم يكون كل اشي قانوني دينياً ، عدى ذلك انا الشب ما برضاها على حالي ، واسال اللي بعرفني اذا كنت بكذب


و بالنهايه احمد اختلاف الراي لا يفسد للود قضيه ، رأيك انت حر فيه و انا بحترمه

[Ammar Qasaimeh]

كل واحد يحكي عن حاله .. هاذ اهم شي.. وحسب تفكيره بتصرف ..والكل مقتنع بطريقة حياته وما حد بجبر الثاني على اي شي.. المطلوب الاحترام للرأي الاخر وخلص والسلام وانتهى الموضوع ..

[زهره التوليب]

اقتباس:
المشاركة الأصلية كتبت بواسطة GHASSAN

احمد معه حق ... الحب الروحاني والمقدس ... مش موجود ... او نادر الوجود ...
اصبحت الهواتف الليلية والقعدة تحت الشجرة ثاني يوم بالجامعة جزء لا يتجزء من الحب ... وحتى احيانا كثيرة لا يكون حب انما هو مجرد تسلاية من الشب ..
.
ولكن مهما كان لن يكون موقفي هو الضرب والشتم والمنع ... وانما التفهم قدر المستطاع ... واحاول فهم طبيعة العلاقة بالضبط وعلى اساسه اتصرف

انا ضد هالحكي...انا شفت بعيني شباب زي الورد...محترمين جدا وملتزمين...وبحبو عن بعد ومابسمحو لانفسهم يتنازلو عن مبدأ تربو عليه...وشفت بنات زي هيك...الناس النظيفه بعدها موجوده

اما الحب الي من النوع الي بتحكو عنه...فهو مرفوض من الدين ومرفوض من قبل مجتمعنا وما بنقبله ولا بنفكر فيه اصلا

[mohammad qasaimeh]

اصبحت الهواتف الليلية والقعدة تحت الشجرة ثاني يوم بالجامعة جزء لا يتجزء من الحب ... وحتى احيانا كثيرة لا يكون حب انما هو مجرد تسلاية من الشب

وحيااااااااااااااااااااااااااااااااااااااااات الله ما بحكي عن هذا ، شو مالكو بحكي من الشرق بتردو علي من الغرب

يا حبابي ، هذا اسمه هماله ، صياعه ، فلتان ، قلة تربيه ، انحراف>>>>> كل المصطلحات اللي الها علاقه بالرذيلة

انا بحكي عن الشعور الداخلي ، عن المشاعر ، عن اشي فينا ، عن اشي بعيش داخلنا

انت حكيتها يا غسان هذا تسلايه ، هذا مش حب

[Ahmad zo3bi]

اقتباس:
المشاركة الأصلية كتبت بواسطة maha
احمد الزعبي
رايك شو بدك تعمل باختك حر تموتها تشنقها تعدمها انت حر وهاد رايك
تجي بالحب وانه كلام فاضي لهون وقف واضرب بريك انت بتذكرني بحد بعرفه ما بصير تسخر ولا تحتقر مشاعر ما النا دخل فيها سيدي بلاش الحب اللي بتعرفه حبك لعيلتك لابوك لامك لصاحبك مش مشاعر خفيه ما بتقدر تقدرها بالله عليك خلينى بالمرحومة (( اختك)) ولا تغلط بتعريف الحب ما بحكي عن قلت الادب بحكي عن الحب وهناك فرق وفرق كبير بجوز مداركك ما وصلت تفرق بس اللي بنحكي عنه اشي وانه تحكي عن المشاعر اللي بتقوينا اشي ثاني




كلو هاذ كلام فاضي وما بقتنع فيه.... الحب موجود وما حد بينكروا ولولا الحب احنا البشر مش عايشين مع بعض ...انا ما الي بالحب وانا بجوز عندي مشاعر قد اللي عندك عمرتين ...احنا بنحكي عن موضوع طرحو غسان وما دخلني بكلمة حب ...انا دخلني بالشب اللي بسمح لاختو تحب او لأ ...هون موضوعنا .....

اي حب شريف اللي بتحكي عنو بأيامنا .... وينو....وكيف شكلو...وشو هو ...حب من بعيد لبعيد يعني او كيف ... مجرد ما كان الحب بين شاب وفتاة لازم يكون في كلام وهون بداية المصيبة وهون اللي مستحيل اسمح في مشان هيك برفضو لاختي من البداية... بالنهاية لما الواحد يروح يخطب بسأل عن اخلاق اللي بدو يخطبها وكيف كانت بالجامعة وبتلاقي الو اسباقيات مع العلاقات الغرامية...بس مين سائل عن ماضيه...مهو شب وهذا هو مجتمعنا وبدون تنظير زايد...

وليش لما واحدنا بروح يخطب بسأل عن اصلها واخلاقها .... مادامكوا عقلياتكوا متفتحة لهلدرجة بس تروح تخطب قلها انا عقلي متفتح ...وهي رح تقلك انا كنت احب ...حضرتك رح تسكت ....اكيد يا بتتركها يا بتعيش معها وبتظل تشك فيها...هذا اللي صاير وبدون مثاليات