يا مره شو طابخيتلنا . . . . . ابو حمدان في رمضان(1)

[أميرة قوس النصر]

يركب أبو حمدان البكم ويذهب إلى سوق الخضار والفواكه ليشتري مستلزمات لشهر رمضان ،ومن ثم يستغل الفرصة ليذهب إلى اللحام ليشتري اللحمة قبل المقاطعة, وهنا يرتاح ضمير أبو حمدان (البيت مليان )لكن تعالوا نعرف أم حمدان كيف تصرفت مع أول يوم برمضان خليكوا اسمعوا شو صار بدار أبو حمدان
يجلس أبو حمدان مع مجموعة من أصحابه في أول يوم برمضان يتجاذبون الحديث,
أبو حمدان : بتعرفوا يا جماعة إني ريحت حالي واشتريت كل حاجات الشهر قبل ما الواحد يدخل بأزمة هالشهر الفضيل
أبو سالم : وشو اشتريت ؟ أبو حمدان : ما خليت وما بقيت حتى اللحمة اشتريت
أبو فايز : يا جماعة بعدنا بأول النهار، والله انكوا شهيتونا عالأكل يا زلمه بكفي حكي أبو حمدان : مهوه ما بيش حكي غير شو بدنا نوكل شو بنا نشرب (والحمد لله الدولة مأمنه كل إشي أبس الحكي عالقروش )
أبو سالم : أي ما هيه كل قروشنا بكروشنا بيقولوا إنه إحنا من أكثر الدول إلي عنا السمنة من كثر استعمال السمنة أبس الحمد لله العمر بالصحة وإنشاالله إنه يعدي رمضان علينا بصحة وسلام ؛ أبو حمدان : يا زلمه سديت نفسي شو كلامك هاظا معناته كل الناس بالأردن سمنه ,على حكيك لازم هساعة أحكي مع المرة وأسألها شو طابخة اليوم وأقولها ما تكثر دسم .
أبو حمدان :طوط ألوه –أم حمدان : هساع وقته بتحكي معاية أنا مش فاضي تارك كل الدار وقاعد بالمطبخ ترى مظلش عليه غير التطبيق أبو حمدان : يا مره إعطي فرزه خليني أحكي شو طابخيتلنا اليوم ؟؟؟؟؟؟؟؟؟
أم حمدان : قول شو ما طبختلكوا : سويت 1- صينية كفته بطحينية (حمدان الله يسلمه بحبها )
2-صينية كفته ببندورة عشان حميدة ما بتحب الطحينية 3- وصينية لحمة بخضار عشانك يا عمري 0
4- صينية كفتة بلبن عشان أنا بحبها هيني طبقتهن ما ظل غير الشوي مهوه إحنا صايمين 0
وبالنسبة للشوربات /: سويت شوربة شعيرية لحمدان، وشوربة خضار عشانك ،وشوربة فريكة عشان حميدة، أما إلي سويتلي مرقة عدس زمان ما طبختها 0
والسلطات : سويتلك سلطة سماق عشان تقظب معدتك ما إنت صايم ،وسويت لحميدة سلطة الملفوف عشان الرجيم
ولحمدان سويتله سلطة خيار بلبن، أبو حمدان غير قادر على استيعاب استنفاذ ما أحضره ول ول ول ول له له يا مره
والله إني فكرت إنه إحنا عازمين جامعة الدول العربية ؟؟؟؟ شو هاظا كله عشان أربعة بالدار0
أم حمدان : إهدا يا زلمه مهمة الولاد صايمين أكيد بكونوا جيعانين؛ أما شوه سويتلك شويت مقبلات : متبل بيتنجان /وكوساية / وسلطة مقدوس بلحمة مفرومة ، و العصير ياأبو حمدان :عرق سوس، وتمر هندي ،وعصير خروب هاي العصاير بتبل الريق وما بتشعر بالعطش أبس الله بيعلم بقدر ألحق إني أسوي لحميدة ورق دوالي مهوه جاي على بالها ،وأنا بدي أسوي تشكيله السفرة جاي عبالي مسخن بدي أسوي بس جاجة ,آه صحيح ما قلتلك إنه حمدان جاي عباله قطايف من عند النجمة وحميدة بدها هريسة أنا بدي أسويها ويا ريت إنك تجيب دفتر أوتومان عشان ألفلك دخان الهيشي ولا تنسى إنك تجيب معاك شوية تسالي عشان وهمه قاعدين عالتلفزيون بدهم إشي يتسلوا بيه مهمه صايمين ،تراك ما بتقصر 0
أبو حمدان : أي هوه أنا يا مستورة اللي جبته لشهر خلصتيه بيوم ؛هوه رمضان بس للأكل والنوم 0
أم حمدان : احمد الله إنه ما بيه حوم طول النهار بظل بالمطبخ 0
أبو حمدان : يا مرة اتقي الله هاظ شهر بحس بيه الواحد مع الفقراء ؛وإنت إذا ظليت عها لرشه غير ما تلاقي قشه ؛ أنا
ما بدي أزعلك لأنه الواحد صايم،وهاظ الشهر شهر عبادة وشهر الرحمة إذا الله برحم العبد ما يرحم وحسي معا يه
إذا طبايخك اليوم بتكفي قبيلة بحالها ؛ استنيني جاي عالدار0
يصل أبو حمدان للمنزل بعصبية الرجال 0000هيه يامرة 000أم حمدان : هريني بالمطبخ تعال جاي0
أبو حمدان يدخل المطبخ (لإمكان له في المطبخ ) شو يا شهلا كأنه هاظا مش مطبخنا؛تكود إنه هاظ مطعم فتت عليه بالغلط
أم حمدان : قول الله يعطيك العافية (الله يكثر خير (فتافيت ), أبو حمدان 00الله يعطيك العافية ؛ اسمعي يا مرة والله عقاب إلك غير تظلي تسخني وتوكلي من هالفتافيت لحد ما تخلصي الأكل هاظا ولا طبيخ ولا نفيخ من هون لما تخلصوه عشان تتعلمي مرة ثانية كيف إنك تبذري000000000 بس يله رمضان كريم 0والمسامح كريم يا بعد قلبي0
كل عام وكل المسلمين بالعالم بخير حقيقة نحن بحاجة إلى التثقيف في نمط الاستهلاك الحياتي اليومي وهنا كان في مجلس أبو حمدان وأصحابه العبرة والفائدة حيث التدبير وليس التبذير أم حمدان كباقي الأمهات الودودات ؛ إلا أننا نقول بأن الاقتصاد في النفقة نصف العيش ؛ ولا ننسى أننا نأكل 330 يوم بالسنة ؛فالله عز وجل له الحكمة في صيام هذا الشهر الفضيل،فلا بد من أن نرحم المعدة في رمضان وكما قيل (المعدة بيت الداء ) وسلامة الجميع ؛ينعاد بالخير عالمسلمين 0

الى اللقاء مع ابو حمدان في رمضان في الحلقه الثانيه

حكمت محمود البشير

[khaled aljonidee]

واللهِ احنا مسرفين كثيييييييييييير

[Ahmad zo3bi]

الكاتب بالغ شوي ... يعني ما بحياتها صدفت ببيت انو الام تعمل لكل شخص الاكلة اللي بحبها بنفس اليوم..هو كان بدو يوصل فكرة انو احنا بنصرف زيادة برمضان بس ما عرف كيف يوصلها ...

شكراااا