اللي ماعنده واسطه راحت عليه..موضوع نقاش

[شذى البنفسج]

انا ضد الواسطة طبعا ..
بس المشكلة كل الناس ماشيه عالواسطة يعني بنظلم كتير مش شوي..
انا كنت متاملة يطلعلي علم حاسوب بالتكنو كان حلمي بس مامعي واسطة ولا اشي ..
بعرف بنت معدلها بالتوجيهي اقل مني بكتييير طلعلها علم حاسوب بالتكنو ..
طلعلي كوني ابناء عاملين نفس التخصص بس بالبلقاء ..

جد وضع بخزي وفي ظلم كتيييييييير,,

[nawayseh]

اختي الكريمه مشكوره على هالموضوع
الي بنعاني من زمان وبحب اقلك احسن اشي وللي ما اله واسطه
في ناس عندهم واسسسسسسسسسطة اكبر
و احسن و افضل و بتساوي كل واسطات العالم كلها
و هي ركعتين استخارة لله تعالى على نية التوفيق و التيسير
هي الواسطة عند رب كريم رحيم رزاق رؤوف بعباده

[شذى البنفسج]

اختي الكريمه مشكوره على هالموضوع
الي بنعاني من زمان وبحب اقلك احسن اشي وللي ما اله واسطه
في ناس عندهم واسسسسسسسسسطة اكبر
و احسن و افضل و بتساوي كل واسطات العالم كلها
و هي ركعتين استخارة لله تعالى على نية التوفيق و التيسير
هي الواسطة عند رب كريم رحيم رزاق رؤوف بعباده

كلامك رائع جدا ..

[هدوء عاصف]

[align=center][/align]الواسطة تحايل على القوانين وخرق فاضح لها
ومهما كانت درجة الواسطة ما دامت على حساب الآخرين فهي حرام بنظري، لأن الكثيرين ممن يستخدمون الواسطة كوسيلة للوظيفة او التعليم يحرمون من هم أحقّ بذلك منه
ولا أظن أن بيننا أحد يحب أن يُفعل به ذلك..

[بياض الثلج]

بلى مصبر الواسطة ...

وظلم للبعض من الطبقات في المجتمع أيا كان هذا المجتمع ...بكل جنسيات العالم....

[saso 20]

انا بحترم الموضوع يلي منزله في المنتدى
ياريتني واصلله ومعي فيتامين واو
يوم من الايام احتجت الواسطه لاني بدي اسحب ماده بعد ماراحت عليه موعد السحب والاضافه والحمد لله دبرت الواسطه
لكن يلي مالوه حظ لايتعب ولا يشقى شنوه الواسطه يلي كانت معى ماكانت قويه
يله الخيرات بالجايات باذن الله^_^

[تحية عسكريه]

الواسطه يا صديق صارت ضروريه بالحياه لما بدك تعمل وتتعركس معك فورا تلاجئ الى أقرب واسطه

[العالي عالي]

واسطة واسطة واسطة

[bent_irbed]

أنا مع الواسطة بهاد الزمن لإنه لو كنت ضد الواسطه وغيري معها رح انظلم انا وانا ما بحب انظلم ...

حط راسك بين الروس وقول يا قطاع الروس