اون وهاتفي مابه رصيد
ونة ضرير(ن) يالبصر محتاجلك
ما اقدر اقلك يالولف اني بعيد
وما اقدر اقلك يالغضي مشتاقلك
ولا صديق(ن) ينتخي شحنه يجيد
ولا رسالة عابرة تندزلك
المشكلة في ذاتها ماهي بريد
المشكلة في ضيقتي وما اسألك
المشكلة . في غيبتك دايم تزيد
والمشكلة في رجعتك ما اثقلك
واصطبر في غيبتك صبر الحديد
وارتضي رغم البعد انشدلك
ورغم المسافة الفاصلة عنك ماحيد
وبعد السنين القاسية بقلبي احملك
ولو النفوس العاذلة دوم(ن) تكيد
بترك هموم العامة وما ازعلك
وارفض اعيش السلطنة عيش الرغيد
وارضى اعيش بخيمة(ن) دامي الك
دامك معي فما على الدنيا سعيد
الا انا ولو تبعدي قلبي هلك
الغي غيابك وارجعي انا عنيد
واعرف عنادك وبالفعل ما اجهلك
لكن هوانا يبتغي الراي السديد
ورأيي ابنات المملكة ما ابدلك
وفي النهاية بعترف شوقي اكيد
شوق المعنى للفرج شوقي الك
ادعي لله راتبي لاجلك يزيد
واشحن بطاقة محرزة واغازلك
وابي اخترع في خافقي خط(ن) جديد
يجعل نجوم السما موبايلك
كل ماجا للقلب شوقي طريد
غنت ابراج الهوى في داخلك
قولي الو واسمعي قلبي يعيد
وارقبي كم من هوى ينساقلك
ساق المودة وانعطف يمك يريد
يسمع اصوات البحر في داخلك
رد مع اقتباس
رد: قل الرصيد
.gif "SnipeR (69)")
.gif "SnipeR (37)")
.gif "Eh S(9)")
مواقع النشر (المفضلة)