{ روحي انتي طالق }

[هدوء عاصف]

بسم الله الرحمن الرحيم

الحمد لله الذي أحل النكاح وحرّم السفاح .. والصلاة على النبي الكريم الذي قال : "" يا معشر الشباب من استطاع منكم الباءة فليتزوج فمن لم يستطع فعليه بالصوم فإنه له وجاء"

احبتي الاعزاء // السلام عليكم ورحمة الله وبركاته

قبل شهر تقريبا كنت بعد العشاء عائدا إلى بيتي .. وبينما أسير بالشارع إذ بي أرى تجمعا لرهط من النفر , وحولهم البعض من الصبية والقليل من النساء .. أول ما خطر ببالي وقتها أن أحد الناس قد توفّاه الله .. أو تجمعا للفرحة بمناسبة سعيدة ..

تابعت خطاي ببطئ شديد وأخذت ألتفت يمنة ويسرة واستبعدت الاحتمالين اللذين ذكرتهما آنفا .. فآثرت أن أسأل عما يدور .. فأجابني المسؤول الذي سألته أن

فلان .. طلق زوجته

وكان الجو المعنوي ملتهبا ورأيت على ملامح وجوه البعض غضبا شديدا واستياء كبير .. علما أن فلان قد تزوج طليقته منذ أكثر من عشرة سنين .. وله بعض الأطفال منهاا ..

هنا .. بعد سردت عليكم مشهدا من الشارع العربي .. دعونا نتناقش في أسباب طلاق الرجل لزوجته .. وأسباب أن تطلب الزوجة الطلاق .. وكلاهما رغب الآخر بعد قصة طويلة من الحب .. روميو وجوليت .. ومنهم من كان وزوجته مثل الذهب الصافي .. وقليل ما كانت المشاحنة بينهم ..

على الجميع عند النقاش مراعاة الضوابط الشرعية
ومراعاة مشاعر الجنس والجنس الآخر ..
وعدم جرح أحساس أحد لغيره ..

[الوسادة]

[align=center]وكلاهما رغب الآخر بعد قصة طويلة من الحب .. روميو وجوليت .. ومنهم من كان وزوجته مثل الذهب الصافي .. وقليل ما كانت المشاحنة بينهم ..

:si (17)::si (17):

عين و طرئتهم

يعني يا جماعة يللي بشوف هيك ناس يصلي عالنبي ما بخسر شي و الله

( فعلا انتي طالق ابشع كلمة بس لما يحكي روحي انتي طالق اخف شوي لأنه فيها كلمة روحي ههههههههه )


على فكرة بعرف انه هو ئصده روحي يعني اذهبي او انصرفي بس جاي عبالي انغش

و بالنهاية يا جماعة عدوا للمليون قبل ما تنطقوا هالكلمة الجوهرية و انتي يا حوا مو عالطالعة و عالنازلة ( طلئنيييي طلئنيييي هههههه انا رايحة عبيت اهلي )

يسلمو هدووووئة عالموضوع نااااااااااااااايس


[/align]

[هدوء عاصف]

[align=center]( فعلا انتي طالق ابشع كلمة بس لما يحكي روحي انتي طالق اخف شوي لأنه فيها كلمة روحي ههههههههه )

والله وجهة نظر يا هدولة


بس فعلا غريب امر المتزوجين .. بكونوا ما شاء الله عليهم وفجأة بنقلبوا ، جد بكتير بأحيان بكونوا انطرقوا عين ، او شغلة تانية ، بكونوا من حبهم لبعضهم ايام الخطوبة او اول ايام الزواج مش شايفين عيوب بعض (من كتر الحب يعني ) وبعد الزواج بفترة ببلشوا يفهموا حقيقة بعضهم ، شغله غريبة عجيبة ، بس هون في دور للأهل ، يعني كونه الاب والام متزوجين من زمان والهم خبرة فلازم يكون الهم دور بإختيار زوج بنتهم او مرت ابنهم ونصحهم ..

هدولة انتي حكيتي عن شغلتين .. طرقة العين ، واخذ الطلاق انو لعبة!!

شو في كمان عندكم يا شباب؟ بانتظار اسباب اخرى منكم وحسب شواهدكم ..


شكرا هدولة ع مرورك القيّم ..[/align]

[طوق الياسمين]

يعني اشي بحزن لما يكونوو عايشين حياة حلوة وخصوصا يكونوو اختاروو بعض وبكل سهولة بنطقوها لمجرد انه حصل خلاف عصلج معهم شوي حله
بس حرام يصير هيك شي
من نتائجه
كلمة مطلقة للمرأة
اولاد مشردين ما بين اب وام
وحدة الرجل وعدم تأقلمه دون زوجته
وهو ابغض الحلال عند الله

والله لو كل واحد لما توصل معه للاخر يعد للعشرة ويطلع شوي من البيت رح يلاقي حاله بحب مرته وبحترمها ومجرد موضوع تافه ما بخلينا ننفصل عن بعض للأبد

وحتى لو ما انفصلنا وردها
بظل في شي انكسر

انا ضده بكل الاحوال الا بحالة وحدة


>>> الخيانة

[هدوء عاصف]

يعني اشي بحزن لما يكونوو عايشين حياة حلوة وخصوصا يكونوو اختاروو بعض وبكل سهولة بنطقوها لمجرد انه حصل خلاف عصلج معهم شوي حله
بس حرام يصير هيك شي
من نتائجه
كلمة مطلقة للمرأة
اولاد مشردين ما بين اب وام
وحدة الرجل وعدم تأقلمه دون زوجته
وهو ابغض الحلال عند الله

والله لو كل واحد لما توصل معه للاخر يعد للعشرة ويطلع شوي من البيت رح يلاقي حاله بحب مرته وبحترمها ومجرد موضوع تافه ما بخلينا ننفصل عن بعض للأبد

وحتى لو ما انفصلنا وردها
بظل في شي انكسر

انا ضده بكل الاحوال الا بحالة وحدة


>>> الخيانة

والله صحيح يا "زمردة" الطلاق شرخ كبير بالعيلة بخربها وبدمّر العلاقات بين الأب والأم وولادهم ، كمان لو على كل مشكلة بدنا نطلب الطلاق ما بتزبط معنا لإنو العلاقة الزوجية بصير فيها خلافات ، يعني تعي اسألي اي واحد انو بصير عندكم بالبيت مشاكل وشوفي شو بحكي .. صدقيني مستحيل اي بيت الا ويصير فيه سوء تفاهم يا بين الاب والام يا بين الوالدين وابنائهم ، بس مش لمستوى انو سوء تفاهم واحد يخرب عالعيلة ، والأدهى من هيك انو ما بحسوا الزوجين بقيمة الخسارة الا بعد ما يتم الطلاق ووقتها ما بنفع الندم ..

بس "زمردة" انتي جبتي سيرة الخيانة !! اتوقع هاي حالة في اغلب احيانها بتستدعي الطلاق ، اظن انها بتتعدى مستوى "سوء تفاهم" !! الله يجيرنا ..

شكرا ع مرورك الرائع "زمردة" ..

[تحية عسكريه]

والله يا صاحبي الموضوع مهم بصراحة أغلب حالات الطلاق عند بالاردن بجوز عدم الوعي الكافي بين الزوجين بأهمية وقدسيه الاسرة يعني صغار السن طبعا أول التسرع في الاختيار بين الطرفين او لأسباب تافه بكل معنى الكلمة

[هدوء عاصف]

والله يا صاحبي الموضوع مهم بصراحة أغلب حالات الطلاق عند بالاردن بجوز عدم الوعي الكافي بين الزوجين بأهمية وقدسيه الاسرة يعني صغار السن طبعا أول التسرع في الاختيار بين الطرفين او لأسباب تافه بكل معنى الكلمة

شكرا لمرورك عبود .. فعلا كتير من حالات الطلاق بتكون نتيجة التسرع والنتيجة كما قالت "زمردة" زوجة مُطلّقة وأولاد يعيشون صراع الأسرة المتفككة ..