جريمه سويته وانتو صغار

[الوردة الاردنية]

هههههه يعني

شكرا لمرورك زيد

[حبيبة نايف]

ياويلي عهالموضوع دمار وفضايح خصوصا للشياطين متلي
أحداث وأنا زغيرة:
كنت أدور عقلم عشان أكتب وقلبت التلفزيون واتفتت والمشكلة ياريت كنت أعرف أكتب أساسا ماكنت بالمدرسة

سخنت قرش عالدفاية وحطيته عرقبة بنت أختي

شفت سلحفاة كبيرة قمت مسكت حجر وذبحتها نزلت دمها

كان عنا أرانب عالسطح مولودين جديد حملت واحد وبكل براءة حطيته بسطل الكاز وانحرق

أجيت بدي أخوف صاحبتي بالأرنب وحكتلها غمضي عنيكي وافتحي إديكي وحطيتو بإيدها من الخوف رئعته بلأرض ومات بوقتها وبابا لليوم مابعرف شو سبب موته

كنت نايمة بالليل شكلي كنت أحلم قمت وأنا نايمة وكنت محصورة ورحت قعدت عالكنباية غرفة الضيوف وعملتها على بالي طبعا إني قاعدة بالحمام ولما صحيت شلت المسند ونشرته عالشباك وماما تحكي أموت وأعرف مين اللي عمل هالعملة

وأحداث بعد الزواج أمر وأدهى
كان عمري 21 أول ماتزوجت

تاني يوم زواج جاب جوزي وجبتين شاورما هو أكل وجبته وأنا استحيت وماأكلتها المهم بس إجيت أرفع الميدة كانو الوجبات المأكولة والمش مأكولة مسكرين من فلاحتي (بما إني عروس لسة تاني يوم) كبيت الوجبة المليانة تبعتي بالزبالة عأساس إنها فاضية والوجبة الفاضية حطيتها بالتلاجة وتاني يوم بحكيلو بدي أجيب الوجبة تبعت امبارح وأحطها مع العشا المهم حطيتها وفتحتها قدامه لقيت الوجبة فاضية مافيها غير نواة الزيتون ونايف كاين ملحوسها عليه بالعافية وأنا وجهي يروح بالألوان وتفشلت بحكيلي كابة الوجبة المليانة ومحتفظة بالوجبة الفاضية ياإمي عهالموقف لاأحسد عليه

مرة طلعت كيلو لحمة عشان أطبخ ونسيتها 5أيام برة وعفنت وطبعا لو عرف أبو الشباب يومها كان حجزلي للأردن عأول طيارة

مرة يوم الجمعة صاحية من الصبح متشيكة وعاملة نسكافيه لنايف وجاي بدي أصحيه ليشرب النسكافيه وهو نايم عالأرض (عالفرشة) وأنا لما وصلته اختل توازني وقمت دالقة كاست النسكافيه عراسه كللللللللهههههااااا
وأنا من الخوف رحت بليت البشكير مية متلجة وحطيته عراسه بس الحمدلله قام فارط ضحك

كسرت مفتاح خزانته وحكيتله جنان كسرته!!!!

نسيت أقفل باب مكتبه دخلت بنتي جنان وخربشت بالحبر على شهادته الدوكتوراه وكشف العلامات انهبل عليه طبعا وحكيتلو أنا قفلت الباب بس جوجو فتحته!!!!

ياويلي كل هاد ولا إشي من جرائمي وماخفي أعظم

مشكورة حبيبتي عالموضوع النهفة