دردشة وتعليله وسواليف..

[محمد العزام]

مسا النوار


شو اخباركم

[دموع الغصون]

مساء الخيرات للجميع

مساء الأنوار محمد

كيفكو ؟؟؟

[محمد العزام]

اهلا وسهلا فيكي

كيفك دموع صارلك يومين غايبة
قلقت عليكي والله
خير صاير شي لاسمح الله

[دموع الغصون]

أهلاً محمد ما ينشغل بالك على غالي

يعني هيك تعب من الجو والدراسه

طمني انت كيفك شو اخبارك

وبلشت تراقب الجو او لسا ؟؟

[محمد العزام]

الله يقويكي وتتوفقي بكل شي


انا لسى بدي اسئلك عن الجو
بلشت تثلج والا لسى

[دموع الغصون]

للجميع إن شاء الله
آها بلشت تلج بس إن شاء الله لسا بكره بكون أكتر و أكتر
حاسه حالي معاقبه ممنوع اطلع بالبرد لهيك بتمنى ما تلج لحتى ما شوفه من جوا متل الزغار


كيفك انته وشو عامل وشو في مافي وكيف الشغل ؟؟

[محمد العزام]

اه ممنوع تطلعي خليكي جوا البيت كلي شبس وبسكوت


انا الحمد لله تمام وشغلي احسن من هيك مافي


بس ليش عندكم ثلوج وعنا لا بلشت اغار

[دموع الغصون]

وهو هيك مارح اطلع اما بالنسبه للتلج شو زنبي انا ازا كنتو منطقة ما بتتلج فيها يعني على الأغلب اربد ما بتلج فيها الا بمناطق قريبه من عجلون هيك حسب علمي
فنحنا اول شي منطقة مرتفعه تاني شي الله رحمنا ، والله يرحم الجميع برحمته
بعدين التلج مو كتير يعني زخات على فترات

شو كيف النت معك اليوم ؟؟؟

[محمد العزام]

يلا الله يبسطكم يارب ... بكرا بروح على عمان وبلعب شوي بالثلج وبروح



لا النت الحمد لله ماشي حاله بس بلاش احسده لهلا مافي جدال عليه

[دموع الغصون]

تخيل يعني تجي لتلعب بالتلج فكره حلوه بتتسلى لا ان شاء الله الخير بعم على الجميع

و ربي يديم النت عندك منيح