•• Mr_HelL •• ضيفنآ في كرسي الاعتراف

[Mr_HelL]

مساء الخير خيو .؟؟ كيفكـ .؟؟
مسا الورد يا هلا ... تمام الحمدلله
اخبارك.؟؟
مآجي الحال

ما رأيك بعباره " آلفَاشِلُونَ فِي الحُبَ هُمَ دَوماً مَنْ كَانُوِا يُحَبَون بِصَفاء نِـيَـه " .؟؟
صحيح 100%
تشتاق لـ احدهم ولماذا ؟؟
بشتاق لأبن جيرانا ... احلى ايام الطفولة عشناها سوا وكنا نعمل كل شي بدنا اياه
ان كنت تمتلك يوماً ثامن في الاسبوع ,, فماذا ستسميه .؟؟
يوم الحزن
حلم تتمنى ان تراه في نومكـ.؟؟
الجنة "اجبت قبل شوي على السؤال من طرف دموع
برأيك ما الاجمل الواقع ام الاحلام .؟؟
الاحلام
,,
,,

[محمد العزام]

اهلا بحضرتك .....في كرسي الاعتراف
ونتمنى لك اقامة طيبة ...مع اسئلة طيبة من الاعضاء والمشاركين




اولا .... هل سالك احد يوما سؤال ولم تستطع الاجابة عليه
ثاينا .... هل تلذذت يوما بمعاقبة احد بالحياة ؟؟؟ ام ان العقاب لله فقط ....
ثالثا .... هل تخالط الكثيرين في حياتك ...وماهي الحكم الت يتعلمتها منهم ...
رابعا ...هل تتقبل نقد الذات من قبل الاخرين ....
خامسا .... هنا بدات وهناك انتهيت ...هل تمثل لك هذه العبارة مرحلة من حياتك ...احسست بانك ابتدات بها وانتهيت منها ...
سادسا ...الرابط مابين ماضيك وحاضرك ...ماهو ....
سابعا .... كلما رايت الشمس تشرق بماذا تفكر ....وكلما رايتها تغرب بماذا تفكر ....
ثامنا .... هل قلبت صفحات حياتك ورايت منها صفحات فقط صورية ...يعني بمعنى اخر بان هذه الايام لاتغني ولاتسمن من جوع





ولي عودة باذن الله

[Mr_HelL]

اهلا بحضرتك .....في كرسي الاعتراف
ونتمنى لك اقامة طيبة ...مع اسئلة طيبة من الاعضاء والمشاركين

اهلا فيك خيو


اولا .... هل سالك احد يوما سؤال ولم تستطع الاجابة عليه
لا ... الاسئلة الي ما جاوبت عليها بتكون اسئله خاصة بحياتي وما بسمح لحدا انو يدخل فيها بعمري ما حد سألني سؤال وما عرفت شو اجاوبو
ثاينا .... هل تلذذت يوما بمعاقبة احد بالحياة ؟؟؟ ام ان العقاب لله فقط ....
عمري ما عاقبت حدا على اشي عملو بس مرات بفكر بهالشي ... وعقاب الله هو الافضل ."دع الخلق للخالق"
ثالثا .... هل تخالط الكثيرين في حياتك ...وماهي الحكم الت يتعلمتها منهم ...
خالطت شباب وبنات وتعلمت اني ما احط ثقة بحدا واخلي اغلب اسراري لنفسي
رابعا ...هل تتقبل نقد الذات من قبل الاخرين ....
اكيد ... لحتى اعرف شو الاخطاء الي فيي واغيرها
خامسا .... هنا بدات وهناك انتهيت ...هل تمثل لك هذه العبارة مرحلة من حياتك ...احسست بانك ابتدات بها وانتهيت منها ...
لحد هلأ لا ما وصلتها يمكن اكون بدأت بس بعدني ما انتهيت
سادسا ...الرابط مابين ماضيك وحاضرك ...ماهو ....
كتآب ومجموعه صور
سابعا .... كلما رايت الشمس تشرق بماذا تفكر ....وكلما رايتها تغرب بماذا تفكر ....
شو بدي اشتغل اليوم .. وشو بدي اتعلم اشياء جديدة .... لما تغرب بفكر هل راح يطلع يوم جديد ع حياتي ولا هاي اخر ليلة
ثامنا .... هل قلبت صفحات حياتك ورايت منها صفحات فقط صورية ...يعني بمعنى اخر بان هذه الايام لاتغني ولاتسمن من جوع
نعم .. وبتمنى ارجع لأيام زمان لحتى اعدل كثير اشياء بحياتي واصير هاي الايام احكي انها احسن من الايام الي فاتت




ولي عودة باذن الله
بآنتظارك

[صديقه بنت الشديفات]

رائع شباب وصبايا الاسئله حلوه

بدي استخدم شبه اسلوب محمد العزام بـ برنامج افتح قلبك بهالسؤال ,,

حكيت انك رح تسمي اليوم الثامن يوم الحزن برأيك هل يستحق منّا الحزن ان نسمي يوما من اجله .؟؟

[Mr_HelL]

رائع شباب وصبايا الاسئله حلوه

بدي استخدم شبه اسلوب محمد العزام بـ برنامج افتح قلبك بهالسؤال ,,

حكيت انك رح تسمي اليوم الثامن يوم الحزن برأيك هل يستحق منّا الحزن ان نسمي يوما من اجله .؟؟


اذا عمرك ما ضحكتي من قلبك ... وعمرك ما عشتي اكثر من 5 دقايق الفرح .... وكل شي بدك تعملية لحتى تفرحي شوي وما بزبط معك ... فـ اكيد بستحق الحزن يكون الو يوم ويمكن كل الايام

[صديقه بنت الشديفات]

علاء الدنيا بدها اخذ وعطا رح تحكيلي انها توخذ منك بس ما تعطيك اصبر وربك يهونها ,,

سؤالي ماذا تعني لكـ صورتك الرمزيه .؟؟

[هدوء عاصف]

صباح الخير حجّي كيفك؟ الله يعطيك الف عافية مستر علاء .. وعاد الشباب نازلين فيك طخ وانت قال عادي بتجاوب وكإنو ما فيه اشي ، تعال تعال احرقك تعال
أكيد ما بنسى أشكر صديقة بنت الشديفات على دعمها المتواصل لقسم كرسي الإعتراف ، الله يعطيكِ الف عافية صديقة ..

- يا "فاقد الأمل" فيك تحكيلي شو الأمر او الحالة اللي من الممكن انها تمر على الإنسان وتخليه فعلاً يفقد الأمل؟! وهل لقب "فاقد الأمل" منطبق عليك فعلاً ام انه مجرد وصف قابل للصواب وللخطاً؟؟
- ما بتتمنى ترجع الأيام للخلف وتكمل دراستك؟ برأيي الإنسان ما بنقاس بالشهادات ولا بعمرها الشهادات رفعت من قيمة المرء انما قيمة الإنسان بأخلاقه ، انا بعرف كتير ناس وصلوا درجات عالية من العلم وبعيد عنك ما بفهموا الخمسة من الطمسة ، لكن هل سببلك هالأمر احراجات بحياتك او عقبات؟
- سكان وين انت؟ حدد احداثيات المنطقة بالدقة بدي ازورك على الجوجل
- كيف تعلمت التصميم بهالطريقة الرهيبة؟ قصدي عن تصميم الصور ، وأكيد بالمواقع كمان الك بصمة مميزة .. كيف نمّيت هالموهبة؟
- حطلي "حسان" بجملة مفيدة
- اكثر الأعضاء قربــــــــاً الى قلبك؟
- أكثر عضو بتحسه قريب منك ومواصفاته بتشبه مواصفاتك؟ مواصفات يعني كيف بدي اقولك ,, جير اتوماتيك فتحة بالسقف كراسي كهربا وفرش جلد وكونديشن الخ...
- اكثر الأقسام المحببة اليك؟
- ما رأيك بمنتديات الحصن؟ الحصن نيوز؟ الحصن اف ام؟ ادارة المنتدى؟ المشرفين؟ شركة حسان؟

الله يطعمنا ويطعمك الحج يا حج .. see u later

[Mr_HelL]

علاء الدنيا بدها اخذ وعطا رح تحكيلي انها توخذ منك بس ما تعطيك اصبر وربك يهونها ,,
وانا دايما بقول الحمدلله على كل شي


سؤالي ماذا تعني لكـ صورتك الرمزيه .؟؟
صورتي الرمزية بتعني اشياء كثير واهمها انو انا مش متكبر لما اكون احسن من حدا بشي معين بالعكس بكون حابب اساعدو ولما اعمل بصمة مميزة سواء كان بشغلي او بحياتي ما بروح وبحكي للعالم تعالو شوفوني شو بعمل

[Mr_HelL]

صباح الخير حجّي كيفك؟ الله يعطيك الف عافية مستر علاء .. وعاد الشباب نازلين فيك طخ وانت قال عادي بتجاوب وكإنو ما فيه اشي ، تعال تعال احرقك تعال
صباح الورد هلا حجّي ...الله يعافيك يارب ... مهو شو بدنا نعمل الحج وفيق سجل بالمنتدى عشان يشل املي بالاسئلة.... احرق احرق اخريتني احرق حالي قدام الديوان اروح مهي صارت موضه كل شوي واحد يحرق حالو قدام الديوان الملكي
أكيد ما بنسى أشكر صديقة بنت الشديفات على دعمها المتواصل لقسم كرسي الإعتراف ، الله يعطيكِ الف عافية صديقة ..
اكيد لازم نشكرها وبجد يعطيها العافية بتحرك اقسام حساسة بالمنتدى ولازمها حركة
- يا "فاقد الأمل" فيك تحكيلي شو الأمر او الحالة اللي من الممكن انها تمر على الإنسان وتخليه فعلاً يفقد الأمل؟! وهل لقب "فاقد الأمل" منطبق عليك فعلاً ام انه مجرد وصف قابل للصواب وللخطاً؟؟
انا راح احكيلك عن حالي حالة وحدة بس وانت شوف بنطبق علي هاد الامر ولا لاء ... لما كان عمري 16 سنة "توجيهي" طلعت من المدرسة وقررت اني ابلش حياتي وافتح مصلحة لألي ... اشتغلت بمليون شغلة شو ما يخطر ع بالك اشتغلت حتى بالطوبار اشتغلت ... لما صار عمري 22 سنة كنت مجمع مبلغ عشان افتح فيه المصلحة الي بدي اياها انا ... وفعلاً الصيف الماضي فتحت محل انترنت فيه 10 اجهزة ... ضليت بالمحل 3 اشهر ولو كملت السنة كنت راح اطلع كل المصاري يلي حطيتهم بالمحل تعب 6 سنين .... ما في 3 اشهر الا جاي على الامانة ... كنت ماشي بترخيص المحل .. قبل ما افتحو قعدت مع مدير الامانة وحكالي افتح المحل وبترخص بأسبوعين مش مشكلة ... بعد هيك بتفاجئ انو المحل ممنوع يترخص ... كونو بكون قريب من مدرسة وقريب من مسجد وقريب من منطقة سكنية " بالمختصر افتح بصحرا" .... حكولي ممنوع ترخص وبيوم من الايام اجو الامانة وسكرو المحل وممنوع افتحو بالمرة .... هلأ احكيلي برأيك لو انت 6 سنين تعب وشقا يروحو منك هيك بغمضة عين برأيك شو بصير بحالتك ؟ طبعاً هاي القصة 1% من الاشياء الثانية الي صارت معي
- ما بتتمنى ترجع الأيام للخلف وتكمل دراستك؟ برأيي الإنسان ما بنقاس بالشهادات ولا بعمرها الشهادات رفعت من قيمة المرء انما قيمة الإنسان بأخلاقه ، انا بعرف كتير ناس وصلوا درجات عالية من العلم وبعيد عنك ما بفهموا الخمسة من الطمسة ، لكن هل سببلك هالأمر احراجات بحياتك او عقبات؟
كل شخص بتمنى يخلص دراستو ويكملها ويكون حامل شهادة ... بس مثل ما حكيت انت بعمرها الشهادات ما رفعت من قيمة المرء... بس هاي الايام اذا بدك تتزوج بالشهادة ... واذا بدك تشتغل بالشهادة... واذا بدك تنام بالشهادة ... واذا بدك تشرب بالشهادة ... واذا بدك تتنفس بالشهادة ... والمشكلة الاكبر انو بعرف كثير ناس اخذت الشهادة وهيها من 5 و 4 سنين بدور على شغل ومش ملاقية وشغالة اي شي تسلك حالها فيه .... الامر هاد عمرو ما سببلي مشاكل بحياتي ولا احراجات ... واذا بدو يسببلي بعرف كيف ارد وكيف اتصرف ... مثل ما اتصرفت مع ابو بنت كنت بدي اياها .. لما شفتو حكالي معك شهادة .. قلتلو لاء بس انت معك شهادة .... سكت وبطل يحكي .
- سكان وين انت؟ حدد احداثيات المنطقة بالدقة بدي ازورك على الجوجل
يزم فكرتك بدك تيجي على عمان طلعت بدك تزورني على جوجل :| ما علينا ... شكلي راح اجيك ع اربد واسكرلك المطنقة ...
سجل عندك يا معلم ... عمان .. ماركا الجنوبية ... نادي السباق ... قرب مسجد اصحاب رسول الله .... عمارة 18 .. الطابق الرابع ... غرفتي الي بنص البيت ... بتلاقيني نايم تحت حرام لونو بني
- كيف تعلمت التصميم بهالطريقة الرهيبة؟ قصدي عن تصميم الصور ، وأكيد بالمواقع كمان الك بصمة مميزة .. كيف نمّيت هالموهبة؟
انا من وانا صغير بحب اشي اسمو الكترونيات ... وخاصة من جوا الجهاز "هاردوير" من وانا عمري 7 سنين كنت اضل على الكمبيوتر ... كان ابن عمي عندو جهاز معفن 7 ساعات لما يفتح صفحة ومع هيك كنت دايما ابعبش فيه ... تعلمت اول شي صيانة الكمبيوتر .. فورمات وهاردوير والقصص هاي ... علمني اياهم شخص اسمو ايهاب ولحد هلأ صديقي بعديها بلشت اشوف المواقع وكنت افكر دايما انو كيف بصمموهم وكنت حابب اصمم لو حتى صور او اي شي ... حكالي نفس الشخص ايهاب في برنامج اسمو فوتوشوب .... نزلتو وبلشت اتعلم عليه ... اولها كنت اخبص تخبيص ... بعديها صرت 40% عليه .... لما تعرفت على حسان وبلشنا شغل مع بعض ..كـ شركة تصميم لازم اضلك فاتح الفوتوشوب .. بلشت اتعلم اكثر واكثر ... صرت انزل دروس من النت ... صرت افتح ع اليوتيوب واتعلم شو في اشياء جديدة ... والسويتش ماكس نفس الشي تعلمتو ... بعد هيك حسان علمني كل شي بخصوص المواقع ... ولسا عم بتعلم كمان
- حطلي "حسان" بجملة مفيدة
اكثر انسان فوضوي "حسان القضاة"
وشكلي راح اصير مثلو ...
- اكثر الأعضاء قربــــــــاً الى قلبك؟
هيو بالمكتب الي جنبي
- أكثر عضو بتحسه قريب منك ومواصفاته بتشبه مواصفاتك؟ مواصفات يعني كيف بدي اقولك ,, جير اتوماتيك فتحة بالسقف كراسي كهربا وفرش جلد وكونديشن الخ...
معاذ ملحم ... مع اني ما اختلطت فيه كثير ... بس حسيتو قريب مني كثير خاصة انو خالي قص قلبان
- اكثر الأقسام المحببة اليك؟
البرامج والالعاب
- ما رأيك بمنتديات الحصن؟ الحصن نيوز؟ الحصن اف ام؟ ادارة المنتدى؟ المشرفين؟ شركة حسان؟
منتدى الحصن : من اروع المنتديات الي شفتها على النت ودخلت عليها بس في اقسام لازم تتحرك اكثر من هيك
الحصن نيوز : ناقصو بس تعليقات على الاخبار وانو يكون فيه حركة اكثر من هيك وناس شغلها تنزل اخبار عليه
الحصن اف ام : تعبان شوي من ناحية انو بضل اغاني بس .. لو في شوية تنوع راح ينجح اكثر واكثر ولو في فقرة مثلاً اغاني اجنبية ... برنامج ... واحد يطلع يحكي اي شي مثل هيك
ادارة المنتدى : الادارة رائعة وعندها حس بالمسؤولية وبدها تكبر المنتدى اكبر واكبر
المشرفين : بس في بعض الاشخاص يعني انا من اول ما دخلت على المنتدى لليوم ما شفتهم وفي اشخاص هم روح المنتدى
شركة حسان : حسان عندو غلط حالياً وان شاء الله راح يتفاداه ... مدلل العملاء كثير وهاد شي غلط
الله يطعمنا ويطعمك الحج يا حج .. see u later
امين يارب ... تعال كل يوم ... بس بدون ما نطخ على بعض

[Mr_HelL]

سامحوني على التأخير بالرد ... عندي ضغط شغل شوي