جلسات رمضانية

[دموع الغصون]

الدعوة هلا لـــ














.


.


.



.


.


.


.
























الي انا لسا ما شاركت ولا مو من حقي

[الوردة الاردنية]

الدعوة هلا لـــ














.


.


.



.


.


.


.
























الي انا لسا ما شاركت ولا مو من حقي

لا كيف مو من حقك من حقك ونص
يلا تفضلي بالاجابة

[الوسادة]

له له يا دموع انتي بتشاركي بدون ما تسألي طبعاً من حقك

[الوسادة]

الوسادة انبسطت كتير باجابتك وتعرفت كتير عليكِ وعلى شخصيتك وتفكيرك أكتر
كيف مو مذكره طفولتك معقول في انسان بنسى احلى ايام حياته ولو
بس شو هي " حلو عني " ولو ما سألناكِ هيك الا لنتعرف على يومك الرمضاني وكل الأعضاء جاوبوا يعني مافيها شي لتجاوبينا هيك ولو ماحبيت جوابك
يلا بتمنى برمضان الجاي ما تحدري - تحضري - مسلسلات كتيره وتختمي القرآن الكريم أكثر من مره
و كل عام وأنتِ بألف خير وينعاد عليكِ وعلى أهلك بالف صحه وسلامه
بشكرك مره تانيه

لاااااااااااااااا الله يسامحك يا دموع و الله اللي ما بعرفني بجهلني وحديلي الله أنا هيك
بتئدري تحكي إني بدج الحكي و الله هادي الكلمة على لساني وااا لا تزعلي مني

[دموع الغصون]

" الطفولة "
1- كم كان عمرك بـ أول رمضان صمت فيه .. وكم يوم صمت .. ؟؟
صمت أول يوم كنت تمهيدي كان اصعب يوم صيام بزكره

2- شو كان يعنيلك رمضان بالطفولة ؟ بشو مرتبط بموقف معين بأكله معينه ... ؟؟
بجمعة العيله والأجواء يلي كانوا اهلي يعملوها .. مو مرتبط بشي معين

3- اكتر فترة اطفال أو برنامج أطفال ولهلا مخزن بذاكرتك ومرتبط برمضان .. ؟؟
وقت الفرح لعروب صبح على ما اذكر و دانا والبحر

4- أول مره سألت أهلك شو رمضان .. !! ليه بتصوموا ..!! مزكر شو جاوبكوا ؟؟
لحتى بس نكبر الله يدخلنا الجنه ويزيد حسناتنا و كمان لأنه اكتر شي بخليك تختبر قوة ارداتك وامانتك وخوفك من الله

5- شو الطقس الخاص الموجود برمضان بزكرك بطفولتك ؟؟
المرجيحه و شروق الشمس برمضان بكون غير لأنه بكون بداية جديدة ليوم بنظري وقتها كان طويل

6- اكله كنت تحبها برمضان ؟
كل شي زاكي

7- اكتر لعبة كنت تلعبها برمضان ؟
كرة القدم مع اخواني وولاد الحاره وبالبسكليت والسكوتر بس اتعب كتير العب العاب بنات باربي وهيك شغلات بالعابي

8- اصدقاء كانو يشاركوك لحظاتك الخاصة برمضان ؟
ولاد خوالي وكم طفل من الحاره


9- كيف كنت تستقبل العيد ؟
بستقبله بشوق وبنكد ليه خلص رمضان بوقتها ماكنت افهم منيح شو يعني رمضان بس كنت حب اجوائه كتير و ربكته وكركبته و التغيير يلي بسير فيه
كان العيد عندي بالسهره يلي بتسير المسا ببيت جدو


" الآن "
1- ما هي الطقوس الروحية الخاصة بهذا الشهر ؟؟
صلاة التراويح قيام الليل الصلاة قراءة القرآن

2- موقف يتكرر كل رمضان .. ما هو ؟؟
العزايم الكبيره يعني مو بس اجتماع لعيلتنا بكونو عمامي وخوالي وما يتبع لهم من حاشيه اجواء حلوه

3- شو شعورك أول ما يبدأ برمضان و آخر يوم برمضان ؟؟
اول يوم جد بكون حلو هيك شوق للايام الجايه اخر يوم بكون كتير حزينه لانه راح رمضان وراح الجو الحلو والخير والموده يلي فيه راحت الراحه النفسيه يلي كانت طول هاد الشهر

4- مكان لازم تروحله برمضان ؟؟
في مكان خاص كنت روحه مع ماما وهلا بروحه لوحدي بحس فيه بالآمان بحس فيه انه الله مفضل علينا بالصحه وبالعقل لما زوره بحس بالأمل من جديد

5- برأيك اين تكمن الأجواء الرمضانية في مدفع الإفطار .. السحور .. الليالي الرمضانية ؟؟
لكل منهم جو خاص فيه لمدفع الإفطار رونق و للسحور سحر خاص ولليالي الرمضانية نكهه مختلفه ومميزة

6- أكثر عبادة بتتقرب لإلها وتكثر منها في رمضان
الدعاء ، قيام الليل

7- بكل صراحه لما تجوع شو بتعمل .. بتقرأ قرآن !! بتصلي !! بتنام !! بتطاوش !! بتعصب !! ؟؟
بنام

8- هل أنت ممن يهجرون القرآن ولا يتذكروه إلى بهذا الشهر ؟؟
لا الحمدلله ما بهجره ابداً

9- كم مره بتختم القرآن برمضان .. وبالعادة كل كم بتختم القرآن ؟
بالعاده بتختم القرآن مرتين لهلا ختمته مره وإن شاء الله ضايل كم جزء وبختمه مره تانيه

10 – أكثر آية بتستوقفك و بتأثر فيك ؟
قال تعالى : " لَوْ أَنزلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ "
وقال تعالى : " إِنَّا عَرَضْنَا الأَمَانَةَ عَلَى السَّمَاوَاتِ وَالأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الإِنْسَانُ إِنَّهُ كَانَ ظَلُومًا جَهُولا "

11- أكثر شيء سيء بتعمله برمضان هيك موقف بتكرر و نفسك تتخلص منه ؟؟
قلة النوم

12 – شو هي الظواهر الإيجابية والسلبية يلي بمجتمعك أو بعيلتك بتظهر بهذا الشهر الفضيل ؟؟
التقرب من الله اكتر الرجوع للدين , كل حد بفكر بوضعه براجع اعماله ,حلوه هيك التواصل والعلاقات الاجتماعيه وصلة الارحام
السلبية كتيره بطل شهر عباده بحسه اقرب لشهر اكل و سهر و ترفيه

13- ما هي المتعة الروحية الخاصة التي تشعر بها أثناء الصيام ؟
بحس بالآمان وقيمة الشي يلي الله عاطينيا ياه من صبر وتحمل وقوة إرادة و أمانه وثقة و آمان و قناعه

14 – هل تحافظ على صلاة التراويح يومياً .. بالمسجد ولا بالبيت ؟
الحمدلله يومياً حسب بس على الاغلب بالمسجد

15 – أول شي بتعمله بس تكمل فطور ؟؟
بصلي المغرب مباشره وبعدها للمطبخ

16- احلى أكله بتحب تاكلها برمضان ؟؟
مافي اكله معينه بس بحب الفتوش بحسه شي اساسي واله نكه خاصه برمضان

17- احكيلنا شو بتعمل بيومك بالتفصيل ازا ممكن ؟
يومي برمضان مو مستقر ببداية رمضان كان دوام وامتحانات فكان بين الدراسه وقراءة القرآن و النت و الطلعات بعد ما خلصت امتحانات يومي طبيعي بنام ع 8 وبصحى الظهر صلاه و قرآن للعصر نت للمغرب بعدها بساعد ماما وتراويح وسهره ل 12 نت وقرآن للصبح

18- أكتر موقف محرج مر معك برمضان ..!!
مافي موقف محرج

19 – أكتر موقف مضحك ..!!
كتير مواقف رمضان هاد كله مغامرات

20- أكثر موقف مؤثر ..!!
لما شوف دموع كبير بالسن مو قادر ياكل ولا يطعمي ولاده وهكلان هم صدقة الفطر

21- هلا سؤال خاص للمدخنين .. بس يجي ببالك دخن شو بتعمل
.. .. ..

22- سؤال خاص لعشاق الارجيله انو اول بجهز قبل الآذان الأرجيله و لا المي ؟؟
.. .. ..

23 – فرجينا على شو رح تعزم الأعضاء ..!!! مقبلات وطبق رئيسي و شرب و حلويات و ارجيله ودخان لشباب ؟؟
كونه الكل طبخ وما شاء الله ما قصرو لهيك رح اعزمكو على نواشف
تخيلو هيك والله بطخوني
لا رح اعزمكو على اشياء زاكيه بحبها برمضان
مقبلات سمبوسه وقوالب توست باللبنه و بطاطا بانيه و سلطات كول سلو باذنجان باللبن وفتوش شوربة بروكلي و كفته بشعيريه و عدس و وكبه مقليه وباللبن و جعاجيل – بحبها كتير – وورق عنب ومحاشي
المشروبات عصائر وببسي قهوه عربيه وتمر هندي
حلويات كب كيك دونات و كيكة اناناس

24- شو هو الشعور يلي بتحسه بس تدخل المنتدى برمضان ؟؟ يتغير عليك شي او عادي ؟؟
المنتدى حلو اله جو ومتعه روحيه برمضان مابعرف بس كان بنقصه كتير تفاعل برمضان بس معلش

25- أمنية خاصة لالك .. أمنية عامة

أمنيه خاصه بتمنى تكون بخير دائماً والله يوفقك بحياتك و يبعتلك الأفضل
أمنية عامه بتمنى نشوف الوطن العربي بحالة افضل من هلا و يحمي الأردن ويحفظ هالوطن من كل شر

26- هديه منك لكل الأعضاء شو رح تهدينا


27- دعوة من الأعماق لـمن ..!! وما هي ..!!
لـ بابا وماما
الله يحميكو ويديم عليكو الصحة والعافيه