عكس التيار ..} اعتراف الأعضاء

[دموع الغصون]

كرسي الإعتراف لقسم سياحة وسفر – عكس التيار
سيم استضافة عضو/ه وطرح مجموعه من الاسئله عليه ...
ثم يستضيف عضو/ه آخر بعده ... وهكذا


الأسئله كالتالي ،،

1 : ما الدوله التى تعيش بها ؟ وما دولتك الحقيقيه ؟

2 : ما المدن التى سافرت اليها فى دولتك ؟؟ وكيف
( بالطائره ام بالسيارة ام بالقطار ام بالباص او عبر البحر )
؟

3 : هل سافرت خارج دولتك ؟ الى اين ؟؟؟ وكيف ؟

4: ما المدينه التى قضيت بها اطول وقت (( اي عشت بها فتره طويله )) خارج بلدك ..// وداخل بلدك ؟

5 : ما اكثر مدينه احببتها ولماذا ؟

6: متى اخر مرة سافرت فيها والى اين ؟

7 : ما المكان التى تحلم بالذهاب اليه ؟ ولماذا ؟؟

8 : ما الذى تحبه فى السفر ؟؟؟

9 : ايهما تفضل ؟؟
* السفر فى رحله مدرسيه / جامعية
* السفر انت واصدقائك فقط
* السفر مع العائله
*السفر للعمل

10 : هل يتعبك السفر وتصاب بالدوار ؟؟


11 : اذا عرضت عليك مهنه ذات راتب متوسط ولكنها تتطلب سفراً وتنقلا كثيراً فهل توافق ولماذا ؟؟؟

12 : هل تتمنى ان تسافر عبر الفضاء ؟؟؟ والى اي كوكب ؟؟

13: هل تسافر الى بلدك الاصليه كثيراً أم لا .. هذا السؤال للي مو عايشين في بلدهم الأصلي ؟؟؟

14 : هل تحب ترتيبات ما قبل السفر ؟؟؟

15 : هل سافرت من قبل فى رحله مدرسيه .. جامعية .. للعمل؟؟؟

16 : هل سافرت انت واصدقائك وحدكم من قبل ؟؟؟؟

17 : ما اكثر وسيلة سفر تحبها وترتاح فيها ؟؟ وما الوسيله التى تتمنى ان تركبها ولم تركبها حتى الان ؟؟

18: واخيرا ما الدوله التى تود زيارتها ؟ وما اول شئ ستفعله بها ؟ هات لنا صوره لمنظر جميل لهذه الدوله ..


الدعوة الأولى لــ " هدوء عاصف "

[هدوء عاصف]

شكراً دموووووووع على الموضوع الرائع ، ما اجمل الأفكار أفكارك ، يعني استحداث كرسي اعتراف لقسم السياحة والسفر شيء غير متوقع الصحيح ... مرسي يا رائعة


1 : ما الدوله التى تعيش بها ؟ وما دولتك الحقيقيه ؟
الأردن ... ودولتي الحقيقية هي فلسطين وبالتحديد مدينة حيفا الساحلية.


2 : ما المدن التى سافرت اليها فى دولتك ؟؟ وكيف
( بالطائره ام بالسيارة ام بالقطار ام بالباص او عبر البحر )
تقريباً اغلب المدن الأردنية زرتها ، وغالباً عبر الباص ومرتان كانت بالطائرة الى العقبة..


3 : هل سافرت خارج دولتك ؟ الى اين ؟؟؟ وكيف ؟
نعم سافرت .. سافرت الى فلسطين وبرطانيا والإمارات والكويت وقطر.


4: ما المدينه التى قضيت بها اطول وقت (( اي عشت بها فتره طويله )) خارج بلدك ..// وداخل بلدك ؟
داخل بلدي اربد .. وايضاً عمان ..
خارج بلدي كانت الناصرة ، قضيت فيها سنتين ، ايضاً ابوظبي وقضيت فيها سنتين
اليكم صورة للناصرة اللي قضيت فيها احلى سنتين بحياتي



ايضاً مدينة حيفا اللي عشت فيها سنة كاملة ودرست فيها الصف الثالث





5 : ما اكثر مدينه احببتها ولماذا ؟
دبي ، لإنها مدينة ساحرة بكل معنى الكلمة.


6: متى اخر مرة سافرت فيها والى اين ؟
آخر مرة قبل شهر وكانت الى ابوظبي.


7 : ما المكان التى تحلم بالذهاب اليه ؟ ولماذا ؟؟
اسطنبول ، يا جماعة بتجنن هالمدينة


8 : ما الذى تحبه فى السفر ؟؟؟
كل شيء ، السفر بجنن.


9 : ايهما تفضل ؟؟
* السفر فى رحله مدرسيه / جامعية
* السفر انت واصدقائك فقط
* السفر مع العائله
*السفر للعمل
بحب السفر مع الأصدقاء اكتر شيء وللعمل ، اغلب اسفاري كانت للعمل ، وبعض الأسفار اللي كانت مع الأصدقاء تركت عندي ذكريات ما بتنتسى.



10 : هل يتعبك السفر وتصاب بالدوار ؟؟
لأ لأ لأ .... السفر أحلى اشي بالدنيا



11 : اذا عرضت عليك مهنه ذات راتب متوسط ولكنها تتطلب سفراً وتنقلا كثيراً فهل توافق ولماذا ؟؟؟
مممممممممممممم .. 51% نعم



12 : هل تتمنى ان تسافر عبر الفضاء ؟؟؟ والى اي كوكب ؟؟
يا رييييييييييت ، مش مهم كوكب او قمر المهم اشوف الأرض من فوق ، يعني لو كانت السفر لنفس الإرتفاع اللي وصله فيليكس بوافق



13: هل تسافر الى بلدك الاصليه كثيراً أم لا .. هذا السؤال للي مو عايشين في بلدهم الأصلي ؟؟؟
نعم بإستمرار ، كل المدن الفلسطينية رحتها حتى تل ابيب



14 : هل تحب ترتيبات ما قبل السفر ؟؟؟
ههههههههههههه يا بنت الناس كإنك عايشة بقلبي ، ترتيبات السفر احلى من السفر نفسه



15 : هل سافرت من قبل فى رحله مدرسيه .. جامعية .. للعمل؟؟؟
بالمدرسة كتير وبالجامعة كمان ، بالجامعة رحنا عالعقبة 5 مرات ، وكل مرة كنا نقضي اسبوع ، قضيت اربع سنين ونص بالجامعة اغلب اصدقائي من الشباب والبنات كانوا من الرحلات ، لإنو رفقاء السفر ما بتنتسى رفقتهم ابداً ..
اما للعمل فسافرت 4 مرات كانت للخليج..



16 : هل سافرت انت واصدقائك وحدكم من قبل ؟؟؟؟
كتيييييييييييييييييييييييير.



17 : ما اكثر وسيلة سفر تحبها وترتاح فيها ؟؟ وما الوسيله التى تتمنى ان تركبها ولم تركبها حتى الان ؟؟
الطائرة من اروع الوسائل واحلاها واريحها ، حتى الآن ما سافرت من بلد لآخر بالباخرة ، طلعت مرة بالعبّارة في الإمارات ، لكن بحلم للآن اسافر بباخرة عبر المحيط



18: واخيرا ما الدوله التى تود زيارتها ؟ وما اول شئ ستفعله بها ؟ هات لنا صوره لمنظر جميل لهذه الدوله ..
بحلم بزيارة تركيا ، ونفسي ازور كل المدن اللي فيها ، واكتر شيء رح اعمله اني التقط صور لكل لحظة بالرحلة واليكم صورة لإسطنبول






شكراً مرة تانية على الموضوع الرائع

[دموع الغصون]

الله الله ابو تميم
انبسطنا كتير باجاباتك و بالتعرف على شخصيتك أكتر
بحسدك كتير على زيارتك لفلسطين

هدوء مارح تختار ضيف من بعدك عم ننتظرك تختار

[هدوء عاصف]

الله الله ابو تميم
انبسطنا كتير باجاباتك و بالتعرف على شخصيتك أكتر
بحسدك كتير على زيارتك لفلسطين

هدوء مارح تختار ضيف من بعدك عم ننتظرك تختار

وشكراً الك انتي يا دموع على الموضوع الروعة واستمري يا بعدي
بختار من بعدي "دموع الغصون" ، يعني مش نوع من رد الزيارة وانما لإني جد حابب اتعرف على زوقك بالسفر والتنقل ..

بإنتظار ردك

[دموع الغصون]

1 : ما الدوله التى تعيش بها ؟ وما دولتك الحقيقيه ؟
الأردن

2 : ما المدن التى سافرت اليها فى دولتك ؟؟ وكيف
( بالطائره ام بالسيارة ام بالقطار ام بالباص او عبر البحر )
؟
كل المدن الأردنية .. بالسيارة و بالباص

3 : هل سافرت خارج دولتك ؟ الى اين ؟؟؟ وكيف ؟
أمريكا ، فرنسا ، بلجيكا ، تركيا ، مصر ، لبنان ، سوريا .. كلهم بالطياره عدا سوريا ولبنان ، سيارة

4: ما المدينه التى قضيت بها اطول وقت (( اي عشت بها فتره طويله )) خارج بلدك ..// وداخل بلدك ؟
واشنطن ، سنة كاملة
داخل بلدي ما طلعت من عمّان

5 : ما اكثر مدينه احببتها ولماذا ؟
باريس ، الها روح وعشق خاص فيها

6: متى اخر مرة سافرت فيها والى اين ؟
بالصيف الماضي لـ لبنان

7 : ما المكان التى تحلم بالذهاب اليه ؟ ولماذا ؟؟
فينيسيا ، لأنه حلم حياتي

8 : ما الذى تحبه فى السفر ؟؟؟
كلّ شيء مميز بالسفر تجديد وتغيير ثقافة جديدة حياة جديدة عادات جديدة صداقات جديدة لكل دولة رونقها وعطرها الخاص وسحرها وجماليتها

9 : ايهما تفضل ؟؟
* السفر فى رحله مدرسيه / جامعية
* السفر انت واصدقائك فقط
* السفر مع العائله
*السفر للعمل
ذكريات المدرسية أحلى من تخييم و أنشطة لكن للجامعية رونق خاص فيها و بفعالياتها
مع الاصدقاء بكون سفر روحي اقرب للعائلة و للذات لكن للسفر مع العائله جو خاص مفيه يتكرر من بينهم بفضل مع العائلة

10 : هل يتعبك السفر وتصاب بالدوار ؟؟
ابدأ بالعكس كتير بصحصح

11 : اذا عرضت عليك مهنه ذات راتب متوسط ولكنها تتطلب سفراً وتنقلا كثيراً فهل توافق ولماذا ؟؟؟
أكيد لا

12 : هل تتمنى ان تسافر عبر الفضاء ؟؟؟ والى اي كوكب ؟؟
ياريت بتكون تجربه خياليه بختار كل الكواكب لحتى اترك بصمتي على كل كوكب ههههههه

13: هل تسافر الى بلدك الاصليه كثيراً أم لا .. هذا السؤال للي مو عايشين في بلدهم الأصلي ؟؟؟
بتمنى ما أطلع من الأردن إلا لفترات قصيرة و مارح يبعدني عنها إلا الموت

14 : هل تحب ترتيبات ما قبل السفر ؟؟؟
هي أحلى شي بالسفر وسريعه فيها بشكل خيالي ممكن بنص ساعه جهز لاطول سفره بس همه يقررو ومايهكلو همي

15 : هل سافرت من قبل فى رحله مدرسيه .. جامعية .. للعمل؟؟؟
بالمدرسة وبالجامعة ابعد مشوار العقبه و ممكن يكون في مخيمات حسب البرنامج


16 : هل سافرت انت واصدقائك وحدكم من قبل ؟؟؟؟
آها اكيد لكن بسافر مع اخواني و أصدقائي ضمن اطر العائلة

17 : ما اكثر وسيلة سفر تحبها وترتاح فيها ؟؟ وما الوسيله التى تتمنى ان تركبها ولم تركبها حتى الان ؟؟
بفضل الطائرة ، وبتمنى اركب بقطار


18: واخيرا ما الدوله التى تود زيارتها ؟ وما اول شئ ستفعله بها ؟ هات لنا صوره لمنظر جميل لهذه الدوله ..
حابه زور ايطاليا و اسبانيا لكن ايطاليا اكتر وبصراحة مفكره لقدام اعمل سياحة بالريف الأوروبي احكو يارب يزبط هالمشروع ، رح عيش كل لحظه بلحظتها ،

[هدوء عاصف]

راااااااااائع جداً دموع زوقك في اختيار رحلاتك كتير راقي وساحر ، وخصوصاً البندقية
ولإنك بتحبيها لفينيسيا الك مني هالإهداء بتمنى يعجبك ::




شو دموع ما بدك تختاريلنا عضو من بعدك؟