نهافت طالب (قصص من الواقع)

[ayman]

بأذن الله راح ابلش بكتابة قصص من الواقع لمجموعة من الطلبة وهي قصص حقيقة وبتدور احداثها على ارض الجامعة بدون اي مبالغة او زيادة و ماراح تلاقوها بأي مكان تاني لأنها تجارب انا عرفتها وعشتها وبعرف اصحابها
بس قبل ما ابدا بدي تشجعوني

شورأيكم اكتب ولا لا ؟

[دلع]

اكتب ..يا ريت ..انا في الانتظار ..عفكره التصويت مو مفعل عندك ؟؟

[دلع]

عفوا التصويت مفعل

[العالي عالي]

مو غلط ليش لا

والتصويت ما فيه مشكلة دلع

[معاذ القرعان]

هات ما عندك خيوه

[العالي عالي]

شو لسا ما بلشت من اسبوع وانت بتحكي عن الموضوع

هات ما عندك

[ayman]

سوري كتير على التأخير بس صارت معي مشكلة بالشغل وبسببها راح ينخصم تلت ارباع الراتب لمدة خمس شهور من ورا رقم (صفر ) خربطت برقم تلفون شركة على اعلان ودفعوني حق الأعلان
يعني بدي اشتغل خمس شهر بس اسد حق الأعلان ( سامحيني حياتي بدي اقعد كمان سنة ) على كل حال بسيطة اهم شي الصحة وهلا لقصتنا الأولى

شاب خجول

احد اصدقائي خجول جدا من الجنس (كانو جنس لطيف) اللطيف بالرغم من الرغبة الشديدة منو للتعرف على الصبايا والقصة هاي صارت معو بالفصل التاني من السنة التانية
طبعا هي اول تجربة بحياتو مع بنت

الشب صاحبنا قاعد بالكرادور الرئيسي للمبنى القديم متركي على الخزاين ومطلع التفلون بيلعب سنيك كالعادة
وهو قاعد اجى عليه صاحبو وحكالو انو في بنت بدها تتعرف عليك صاحبنا فكر صاحبو عم يمزح معو فحكالو يلا ليش لا انا الي بتعرف
وراح متل السد (فكرو مزحة ) ولما قربو من البنت وحبيبة صاحبو وقف بعيد عنهم (تذكر انوو البنت الي بدها تتعرف كانت تتطلع عليه بالكرادور فعرف انو الموضوع فعلا جد
حكى لصاحبو بطلت ما بدي اتعرف (من الخوف ) لاكن صاحبو بهدلو وحكالو لمتى بدك تظل هيك جبان ومش زلمة يلا تعال صاحبنا صار يتحجج وحكالو انا زحمت بدي اروح على الحمام وبعدين بروح عليها
راحو على الحمام والزلمة قعد ساعة جوا فتح عليه صاحبو الباب لقاه عم يدخن وبيرجف من الخوف (تقول فايت لمعركة ,ليش الحكي البنات فعلا بخوفو )
المهم بعد نقاش حاد وعناد احد جرو معو على البنت
بس لما وصلو كانت البنت مروحة وحكتلهو حبيبة صاحبو انوالبنت اجى عمها وروحها بس بكرا جاي (طلعت البنت جاي زيارة عند بنت عمها بالكلية وهي توجيهي )
هلا اليوم التاني الشب بالمحاضرة هو وصاحبو خلصت الماحضرو واول ما طلعو من القاعة لقو البنت وحبيبة صاحبو (وقعتو سودة )
المهم اخذو الشب المسكين وراحو على المكتبة قعدو معهم شوي عرفوهم على بعض وتركوهم لحالهم طبعا قعدو ساعتين ماحكو الا كيفك وكيفك وشو بتدرس ومن الحكي هذا
روحت البنت وحكتلو الأسبوع الجااي انا جاية
مر اسبوع واتنين وأجت البنت بعد اسبوعين وشافها الشب لحالها الصبح بس خوفو منعو( خاف انو ما يكون عجبها المرة الماضية وخاف يسلم عليها تبهدلو) وعمل حالو مش شايفها وظلو ماشي
بعد ساعتين بالزبط اجى عليه صاحبو وحكالو تعال البنت عم تستنى فيك بالكفتيريا والشب استلم الخبر بدموع (دموع الفرحة)
قعد معها بالكفتيريا بس البنت ما كانت عاجبيتها الكفتيريا فحكتلو هون الناس عم يتطلعو علي خلينا نقعد عند المسرح راحو على المسرح وقعدو صاحبنا زحم ومستحي يحكيلها بدر اروح اقضي حاجة ومش عارف كيف بدو يحكيها
فحكالها تشربي اشي (علشان يروح على التواليت بطريقو) بس البنت كانت شاربة وحكتلو يسلمو
وبعد شوي الشب خلص بطل يقدر يتحمل وقاطعها بحديثها وحكالها بدي اروح اشخ اجبلك اشي معي (حكالها اياها بالحرف الواحد حسب كلام البنت مع حبيبة صاحبو )
راح بطلنا عملها واشترى عصير ورجعلها واعتذر منها وحكالها القصة البنت حكتلو لا عادي وقعدو كمان ساعة اتصلت على البنت بنت عمها وحتلها يلا بدنا نروح
البنت حكت لشب انا مروحة بدك اشي
حكالها لا شكرا
البنت ردت عادتها انا مروحة بدك اشي
حكالها لا شكر ا
البنت كامن مرة حكتلو بدك اشي
ونفس الجواب لقتو
هلا البنت كانت بدها يحكليها لا وين رايحو وخليكي وانا مبسوط ومن الحكي هذا علشان تحس باهتمامو بس لأنو الشب بعدو جديد بعالم البنات ماعرف شو يرد
البنت نجحت بالتوجيهي وسجلت بتخصصو علشان تشوفو وتقعد معو ( بصراحة الشب من الأخر جمال وركازة وبيستاهل ) بس صاحبنا كان دايما يستحي
يسلم عليها فالبنت فقدت الأمل فيه وطبعا الشب بفكر للحديت هلا انو هو ما عجبها وانو ناقص ما بيعرف انو البنت رايديتو بكل جوارحها بس هو ما قدر يتصرف

اول شي انا اسف ياصاحبي بس علشان مايقعو ناس تانين بغلطك انهم يثقو بحالهم مهما كانو شنعين او ناقصهم اشي فلا تخافو الدنيا أذواق ومافي حدا شنع بنظر الكل الا ما تلاقي واحد ينعجب ولو بشغلة وحدة تخليه يحبك على طول
وطبعا حاول تركز على شخصيتك لأنو الجمال مش هو الي بيبني العلاقة
الي بينيها هي شخصيتك وتصرفاتك مع الطرف الاخر

ملاحظة: هي القصة مش للضحك او السخرية هي القصة بتعبر عن واقع ثلث طلاب الجامعات