" هدوء عاصف " ضيف كرسي الاعتراف

[هدوء عاصف]

حمادة شو أكثر اشي بشغل بالك كثير

والله يا عبود بشغل بالي المشروع اللي حكيتلك عنه .. بالك بزبط؟؟؟

مع نهاية العام رح تسمع اخبار طيبة ان شاء الله وتزورني بالمكتب

[بياض الثلج]

معلش تأخرت .... يعطيك العافية

1- هل تحلم ؟؟؟
2- ما رأيك بمن يقول حلم يقظة ؟ أتأيد أم ترفض ؟؟
3- من أين تأتي الأحلام برأيك الشخصي؟؟ وكيف بنيت رأيك؟؟
4- ما أكثر وجوه السعادة التي حصلت عليها؟؟
5- تعريف كرسي الاعتراف ما هو لديك؟؟
6- أمر عليك كراسي اعتراف ؟؟ كم عددها سواء بالمنتدى أو خارجه؟؟
7- كوبونات السحب ما رأيك فيها ؟؟
8- متى حفظت جدول الضرب وكيف حفظته؟؟
9- كم كان معدلك بالتوجيهي وما هو فرعك؟؟
10 - أي الايام أجمل المرحلة ما قبل الجامعة ام فترة الجامعة نفسها؟؟


لـــــــــــــــــي عودة

[بنت الشديفات]

مرحبا هدوء تعرف انك جوعتني تسولف عن المنسف نيالك
شو يلي بتعمله لما حظك يصير سيء كثير وما يزبط معك اشي الا نادر

[هدوء عاصف]

معلش تأخرت .... يعطيك العافية

1- هل تحلم ؟؟؟
2- ما رأيك بمن يقول حلم يقظة ؟ أتأيد أم ترفض ؟؟
3- من أين تأتي الأحلام برأيك الشخصي؟؟ وكيف بنيت رأيك؟؟
4- ما أكثر وجوه السعادة التي حصلت عليها؟؟
5- تعريف كرسي الاعتراف ما هو لديك؟؟
6- أمر عليك كراسي اعتراف ؟؟ كم عددها سواء بالمنتدى أو خارجه؟؟
7- كوبونات السحب ما رأيك فيها ؟؟
8- متى حفظت جدول الضرب وكيف حفظته؟؟
9- كم كان معدلك بالتوجيهي وما هو فرعك؟؟
10 - أي الايام أجمل المرحلة ما قبل الجامعة ام فترة الجامعة نفسها؟؟


لـــــــــــــــــي عودة

هلا بإم الأسئــــــــــلة




1- هل تحلم ؟؟؟

غالبا نعم..



2- ما رأيك بمن يقول حلم يقظة ؟ أتأيد أم ترفض ؟؟

ياما شفت ناس بتعمل من البحر (مقاثي) !! هدول بحلموا احلام يقظة وما اكثرهم ..




3- من أين تأتي الأحلام برأيك الشخصي؟؟ وكيف بنيت رأيك؟؟

معظم الأحلام بتكون نتاج الشيء اللي بصعب تحقيقه ، بنيت رأيي على تجربة خاصة ، لما ما بقدر احقق اشي بعيش فيه بالأحلام .. وبقعد يا ستي ازيد عليه لحتى يصير اشي كبير يستحيل انو يصير في الواقع!! الناس اللي متل هيك بسمّوا شخصياتهم بالشخصية (الحالمة) .. بكونوا هالأشخاص قادرين في معظم الاحيان على نصح غيرهم بس للأسف ما بقدروا يفيدوا انفسهم بهالنصائح!



4- ما أكثر وجوه السعادة التي حصلت عليها؟؟

في الحب .. في العائلة .. في الصداقة .. في الشخصية .. (لاحظي ان السعادة لو حصرت في هذه الأمور لكفت).




5- تعريف كرسي الاعتراف ما هو لديك؟؟

التعرف على العضو عن قرب .. على حياته وتصرفاته .. وعلى شخصيته .. جو الصراحة والشفافية يبني الألفة المطلوبة بين الاعضاء..




6- أمر عليك كراسي اعتراف ؟؟ كم عددها سواء بالمنتدى أو خارجه؟؟

نعم مر علي من قبل ولكن في منتدى آخر .. كان حافلا جدا .. واحتاج للإجابات فيه الى انقطاع عن المشاركات في باقي المواضيع وبشكل تام ولأيام عدّة!!!!!!!!!




7- كوبونات السحب ما رأيك فيها ؟؟

ما بيجي ببلاش غير العمى والطراش !ّ!
واصحاب الحظ هدول نادرين .. وحتى لو ربحوا بسحب .. رح يطيروا ثروتهم .. وقريبا




8- متى حفظت جدول الضرب وكيف حفظته؟؟

اسكتي والله قصتي قصة مع جدول الضرب .. ما حفظتة غير لما بعت استاذ الرياضيات ورقة لأهلي انهم يحفظوني جدول الضرب خلال يومين.. وكان هاد الحكي بالصف الخامس!!
الله يخليه هالاستاذ لو ما عمل هيك كان بعدني لليوم بخربط بين جدول الـ 7 وجدول الـ 9 .. بتعرفي اني بجوز بجوز بخربط فيهم؟؟ بدي اراجع نفسي




9- كم كان معدلك بالتوجيهي وما هو فرعك؟؟

94.4 تخرجت عام 1999 من الفرع العلمي




10 - أي الايام أجمل المرحلة ما قبل الجامعة ام فترة الجامعة نفسها؟؟

بقولوا اليوم اللي بروح ما بيجي متله .. وفعلا كل ما رجعتي لورى كان افضل .. ايام الدراسة اجمل بكتير .. وايام الطفولة ما قبل المدرسة كانت كمان اجمل ..







شو هناء .. كيفك اليوم ؟؟ لا تطولي الغيبة وكل عام وانتي بألف خير

[هدوء عاصف]

مرحبا هدوء تعرف انك جوعتني تسولف عن المنسف نيالك
شو يلي بتعمله لما حظك يصير سيء كثير وما يزبط معك اشي الا نادر

عوافي يا بنت الشديفات .. تسلمي كلك زووووووووووق


لما يسوء الحظ معي .. بصلي وباخد نفس عميق .. وبنسى كل هموم الدنيا وبرميها ورا ظهري .. ما عاش النكد يا جماعة

بتفرج آخرتها والله لتفرج

[تاج النساء]

شو بتعمل لما تبعد عن حبيبتك وما في وسائل اتصال بينك وبينها

[هدوء عاصف]

شو بتعمل لما تبعد عن حبيبتك وما في وسائل اتصال بينك وبينها

اخخخخخخخخخخ من هالسؤال .. ليش يا اختي في اصعب من هيك موقف!!

لما بتغيب عني ساعة بحس بضياع وفراغ كبير .. اذا كنت بشتاقلها وهي معي .. كيف رح يكون شوقي الها في بعدها؟؟؟


لما بتبعد عني .. بتخبط وبحس بالوحدة .. وبضل ملبّك ومدووش .. وما بتهدى حالتي لحتى اشوفها او اسمع صوتها ...



شكرا الك انوس نورتي

[بياض الثلج]

آسفة تاخرت عليك محمود أسئلتي اليوم ستتطرق في مجال عدة كل على حدة ..

صعيد عام //
1- أ للأسئلة أم ؟؟
2- ما الذي جذبك لكرسي الاعتراف الحافل عن ماذا كان التميز عن الشخصية نفسها أم اكتشاف الاسرار العالقة خلف الشاشات الصماء ؟؟
3- كيف كنت تحفظ الإملاء لمادة العربي بالصفوف الاولى ؟
4- كنت تطلع على الطابور تغني ؟؟
5- الحنين الى الماضي أيؤلمك أم تحتاجه كاحتياجك للماء ؟؟

صعيد فني//
1- أتحب الرسم؟؟
2- اذا أعطيتك ورقة بيضاء كبياض الثلج ماذا ترسم ؟؟ واذا أطفأت النور وأمرتك بالرسم ماذا سترسم؟؟
3- الأعمال الفنية كالثراث القديم والتي منها الأثواب سواء للرجل أو المراة اتجذبك أتتمنى ان تلبسها يوما وتلبسها لأخواتك ؟؟
4- ان اعطيتك دفتر تلوين ماذا ستستخدم من الالوان أي نوع وكيف ستبدأ بالتلوين ولماذا؟؟
5- روسمات الفحم وقلم الرصاص ماذا تعرف عنهم ؟؟

صعيد نكشات المخ //
1- هريت وبرك لمنو صرت لونك ابيض مو ؟؟
2- شو بدك تعشينا اليوم ؟؟
3- كويت اوعايك اليوم ولا كالعادة مهمل وراميهم عالارض؟؟
5- بتعرف تشغل الغسالة ؟؟
6- جليت مع أمك اليوم الجلي ؟؟؟
7- حدا أجى عندكو ؟؟
8- شو بضيفوني لو اجيت عندك على فجأة أو أجيت باخبار سابق ؟؟
9- في مواقف نقوا عليك فيها وفعلا حسيت انه هاد الحسد بعينه ؟؟
10- احكيلي مبارح شو كان حلمك ؟؟ أكيد بمنسف أبيض

صعيد سياسي //
1- الامة نايمة ليش بغض النظر عن الشعب؟
2- ما رأيك بت جيفارا ؟
3- الديمقراطية والديكتاتورية بمفهومك السياسي ماذا تعني ؟؟


لي عودة

[هدوء عاصف]

[align=center]
بياض الثلج .. شو بتنتقمي مني



لقائنا غدا ..........
[/align]

[بياض الثلج]

[align=center]
بياض الثلج .. شو بتنتقمي مني



لقائنا غدا ..........
[/align]

أنتقم ؟؟؟؟ ياريت لو الانتقام ع هيك كان انتقمت زمان

بس دخلك ليش بدي انتقم عامل شي انت ؟؟

ما بدك تجاوب بلاش عادي ما بتفرق