دردشة وتعليله وسواليف..

[محمد العزام]

يعني موضوع نازل والناس بدنا تعلق عليه مافي داعي لندخل بموضوع ثاني اول باول وقانون الحياة بيحكي خطوة خطوة وقانون العامية درجة درجة

[دموع الغصون]

آها فهمت عليك لا عادي مو مشكله يعني حاول خد كل شي بروح رياضية

حلو كتير نلتزم بالقوانين و نبدأ خطوة خطوة لكن مو الكل ماخد هالمنهج بحياته

يعني متل مابتعرف المنتدى هو ملتقى فكري فبدك تهيئ نفسيتك تتعامل مع كل الألوان

و أكيد هدفنا نتبادل المعرفة و نتعرف على تفكير بعضنا البعض ونستفيد ونفيد

بالنهاية كل كلمة بتعكس شخصية صاحبها و كل فكر بنعكس من عقل صاحبه

[محمد العزام]

اكيد ويسلموا على الكلام العقلاني المتفهم للامور





نفس سؤال امبارح دراستك كيف .... اهم شي بهالحياة الدراسة واللي بيسمع بصدق انو كنت مهتم بدراستي بالجامعة

[دموع الغصون]

آها محمد بالنسبه للموضوع خلص هلا رجع تمام التمام وهو من أول تمام فماتضل حاطط ببالك

أما دراستي فالحمدلله هي أكتر شي زابط معي هالأيام وهي بالفعل أهم شي حالياً

طمنا عن شغلك وصحتك و أمورك و شو في مافي ؟؟ غير صافيه وافيه زبط موبايلك ولا خلص تكسر و فلاشة النت شو وضعها معك لسا ديكتاتوريه ؟؟ و اسئله حلوين ولا مجامله ؟

[محمد العزام]

والله الحمد لله ( هاي بداية كل شخص بحكيها ) شغلي تمام ( طبعا نفس الكلمة بتنحكى ) بس نزلوا عرض جديد هالشركة وخبرية للاعضاء التحويل لخط خليك طبيعي صار ب5 دنانير والله وكيلك ( كلمة تدل على المبالغة ) بس انا صادق فيها من الساعة 3 للساعة 8 لحتى طلعت دخنت 5 ساعات وانا قاعد بحول للناس على العرض الجديد ظهري بطل يتحمل والناس مابترحم خيتي ذبحوني كل واحد بده يمشي وما اشطر الشعب الاردني بكلمة يلا يازلمة مستعجل صاف سيارتي مزدوج اللي بيحكيلي هالكلمة بحكيلوا النظام فصل عشان مايكسب شي وفوق هيك يخالفوا سيارته
والتلفون الله يرحمه والله الشركة اللي صنعته مابترجعه يحكي والفلاشة اليوم ماشاء الله عليها عرفت غلطها الاخت ( الخوف كويس )
لا اليوم بشهدلك الاسئلة احلى من هيك مافي

[دموع الغصون]

الله بعين شو بدك تعمل شعبنا شعب عملي مافيه يستغني عن الموبايل لا والشركات نازله علينا بالعروض يعني مستغلينا صح
الله يعطيك ألف عافية و يلا يا زلمه استعجل وقفت مصالح الناس
الله يرحم موبايلك ويعوضك باحسن منه ويكون بعرف غلطه قبل ليواجه مصيره

[محمد العزام]

هههههههههههههههه امين يارب ويعوضك بلاب توب يارب

[دموع الغصون]

أمين يارب ويعوض الجميع
بس مو جاي تدعي الا هلا بس صلحته كان دعيت قبل بركي الله رزقني بواحد جديد

[محمد العزام]

لا انا بدعيلك هيك تصحي وتلاقي قدامك لاب توب جديد يمكن عن طريق بابا نويل

ومش غلط يكون عندك اثنين

[دموع الغصون]

بما انك بتدعي وبتدعي الله يرزقك متل ما دعيتلي بس لو نحولها لدعوه اكبر بهيك بستفيد انا وبتستفيد انته
اشتغل بشي اكبر متلا سياره موديل 2012 هيك شغلات