مقصلة الشرف” تثير فزع الأردنيات

[samoora]

السلام عليكم

يا جماعه الخير بنت الاصول ما بنخاف عليها وين ما كانت ووين ما راحت فلو كانت متربيه في بئيه صحيحه رح تحسب حساب كل اشي ومش خوفها من اخوها ولا من ابوها ولا من عشيرتها هوه الي بمنعها تعمل اشي بس تربيتها بتمنعها ، والي بتغلط خليها تكون عبره لغيرها من البنات ما بكفي الانحلال الموجود عند كثير بنات بهالزمن لازم الواحد يتابع عرضه ويحميه ويغسله لو لا سمح الله صار عليه اشي ..مش بالضروره نستنى لنوصل لغشاء البكاره بس بالنهايه ما واحد بقتل اخته وهيه اخته غير لما يكون عنده دليل ومتأكد انها طلعت عن عاداتهم وتقاليدهم وغلطت ..طبعا الغلط والعادات والتقاليد بتختلف درجاتها من ناس لناس ومن شعب لشعب وشكرا

اسمحلي احكيلك انه تخلف وهمجيه انه نعمل هيك،لو الشب ابن العيله وابن العشيره غلط اهله بيقتلوه ؟؟اكيد لا ..فيه مليون حل غير القتل ..لو ثبت انه فيه غلط او البنت غلطت يزوجها ويسترو عليها ..العار بيصير لما يقتلوها وكل الاردن تعرف بموضوعها ..جاوبني لو سمحت

[ayman]

شوفو يا اخوان وان شاء الله ما بتوخذو مني غير الحكي الصحيح بدون تنظير ولا مجاملات

الاسلام دينا ودين الدوله واكيد قتل الروح غلط وحرام ومن الكبائر بس لما تكون انته لا سمح الله بموقف زي هيك مش رايح تفكر او تسال شو الحكم الشرعي اشي واحد بيشفي غليلك وبيغسل عارك وانته عارفه والناس كلها عارفيته والمجتمع وعاداتنا وتقاليدنا هيه بتكون الحسم بالاضافه لغريزتك كرجل كلها بتوديك لنتيجه وحده وانته عارفها انا لا بحرض ولا مع قتل الروح ولا ظلم بنات الناس بس احنا هيك ورح نظل هيك خصوصا بالمواقع الي زي هيك وفهمكم كفايه وبظل على بنت الناس تدير بالها على حالها وتتذكر هالموضوع وما بيصير اشي غير الي ربك كاتبه

هذا الصح

بس انا حاب اعرف كيف يعني غسيل الشرف ؟؟

يعني هلا لما تقتلها الشرف بيرجع؟؟

انا برأيي بالعكس لما تقتلها راح تفضح نفسك وعيلتك وراح تدمر مستقبل اخواتها ومستقبلك انت لأنو الناس بهمها السمعة واذا كانت السمعة هيك لاسمح الله فما أظن احد راح يرضى يناسبكم او يتعامل معكم

برأيي انا الحل الوحيد لغسل الشرف هو التوبة النصوحة والزواج فقط وليس القتل

[مواطن اردني عادي جدا]

اسمحلي احكيلك انه تخلف وهمجيه انه نعمل هيك،لو الشب ابن العيله وابن العشيره غلط اهله بيقتلوه ؟؟اكيد لا ..فيه مليون حل غير القتل ..لو ثبت انه فيه غلط او البنت غلطت يزوجها ويسترو عليها ..العار بيصير لما يقتلوها وكل الاردن تعرف بموضوعها ..جاوبني لو سمحت

شوفي يا اختي ما وصلنا للي احنا فيه من تخلف وهمجيه على قولتك الا انه انتو البنات بتقارنو الكو بالشباب بكل اشي صغير او كبير ..الشب اشي والبنت اشي ..الشب لو غلط الناس بتحكي مراهق وبتتقبل غلطه اما البنت مثل لوح القزاز ...

[باريسيا]

يا باريسيا الموضوع مش انها انقتل على فعلة اخرى واستخدمو الحكم المخفف لجرائم الشرف كعذر للهرب من العقاب

الموضوع أيضا لماذا تقتلها ؟؟

ولماذا الحق عليها دائما
كلنا بنعرف انو المراءة بتتحكم فيها عواطفها والرجل هو العاقل ومهما كانت البنت متعلمة وقوية لاتحتاج اكثر من لحظة ضعف ويصير المحظور اذا لو كان العقاب هو القتل فالحق ان نقتله هو لاكن للأسف مجتمعنا متخلف بكل معنى للكلمة

طيب مو هاي الي انا بحكيه

ليش بيقتلها احكيت انا قبل هيك
اما اتخانق مع حدا وحكاله روح شوف اختك
او انه يتنافس هو ورفقاته مين الرجال وللاسف هي عنى
اما عنده حاله نفسيه الشخص هاد وقتل وخاف وحكى لامشان الشرف
اما القال والقيل في عنى بالحاره واحد هو وابنه حكموا على بناتهم بالقتل وهددوا بناتهم انهن يقتلن حالهن بسبب الشرف لان وصل لاخوهن حكي عنهن وقتلوا البنات نفسهن وبالاخر طلع حكي نسوان كل وحده غيرانه من جمال هل بنتين ورجال الحاره دايما" بيثنوا عليهن بالادب والجمل حكوا فيهن بالعاطله وصل الخبر ونقتلوا البنات وحده قتلت نفسها والتانيه خافت وقتلها اخوها

قلنا البنت المربيه اما معها شهاده او لا الي صانت نفسها مابيهمها كلمه
والبنت الي بتركض ورا صحباتها او ليش افلانه وكلها عواطف وبدها حب وحبيب لو معها الدكتوراه مابيهمها وراح تحكي مع الشب

بس ليش القانون بعقاب القاتل مخفف والي بيسهل للكل يقتل ويعمل حاله رجال العيله كلها لانه قتل بكل شرف وهو عارفه حاله كزاب بس اهله بيكزبوا ليساندوا ابنهم
وبعدها الولد بيكزب الكزبه وبيصدقها وبيحكي انا رجال مش متلكم

[مواطن اردني عادي جدا]

هذا الصح

بس انا حاب اعرف كيف يعني غسيل الشرف ؟؟

يعني هلا لما تقتلها الشرف بيرجع؟؟

انا برأيي بالعكس لما تقتلها راح تفضح نفسك وعيلتك وراح تدمر مستقبل اخواتها ومستقبلك انت لأنو الناس بهمها السمعة واذا كانت السمعة هيك لاسمح الله فما أظن احد راح يرضى يناسبكم او يتعامل معكم

برأيي انا الحل الوحيد لغسل الشرف هو التوبة النصوحة والزواج فقط وليس القتل

يا خوي يا ايمن انا بحكيلك بلحظه تفكير ومناقشه مثل هيك انا معك انه القتل حرام ومن الكبائر والحل الصحيح يسترو على عرضهم وبنتهم ويزوجوها .لكن بلحظه فورة الدم ما حدا بحكي هيك.

[samoora]

لا حول ولا قوه الا بالله صبر جميل والله المستعان

[khaled aljonidee]

انا مع رأي المواطن الأردني

و ببصمله بالعشرة

[ayman]

يا خوي يا ايمن انا بحكيلك بلحظه تفكير ومناقشه مثل هيك انا معك انه القتل حرام ومن الكبائر والحل الصحيح يسترو على عرضهم وبنتهم ويزوجوها .لكن بلحظه فورة الدم ما حدا بحكي هيك.

وليش اكون مثل الثور بهيج على اقل كلمة

الله عز وجل طلب اربع شهود فهمك كفاية والله عز وجل امر بالستر ليش انا اكون حيوان بهمية وين العقل

طيب يعني هيك اذا انا بكره وحدة بنشر خبر فظيع عنها وبخلي اخوها يريحني منها والله شغلة حلوة

[ayman]

انا مع رأي المواطن الأردني

و ببصمله بالعشرة

ابصم ياسيدي
بس لو اكتشفت انو البنت كانت مظلومة انت وين وقعت ؟؟؟

[مواطن اردني عادي جدا]

انا مع رأي المواطن الأردني

و ببصمله بالعشرة

شكرا اخوي ...