موبايلك تحت المجهر

[العقيق الاحمر]

استمتعت كتير باجاباتك عقيق جد انبسطت بتمنى تكوني أنتِ كمان استمتعتي وماتعبتي كتير
عقيق هلا الموضوع كوم والحلو كوم شهيتني جد لازم تصوريه يعني .. هلا جد بدي يلا المتل بحكي شوف ولادوق مع التعديل طبعاً
يسلمو جد مشاركة حلوه

تكرمي دموع الغصون بالحلو اللي بدك ياه

[دموع الغصون]

تسلمي عقيق بس شكلك فنانه بالحلويات لهيك الي معك مصلحه هههههههههههههه
صحتين وهنا يارب و يسلمو اديك بجد كلك زوء

[rand yanal]

1- موبايلك ... ماذا يعني لك ؟

البقاء على تواصل دائم مع الآخرين ..

2- ما هو نوع موبايلك ؟
Nokia XpressMusic 5530

5530-pink-1.jpg
3- كل شيء في حياتنا له اسم / ماذا ستسمي موبايلك ؟

رفيق درب

4- هل / صعب .. عليك استبدال موبايلك بغيره؟

مممممممم.. للأسف لانه غالي علي كتير


5- لنفرض أن موبايلك كائن حي .. ما هي أول كلمة ستقولها له ؟
بحبك

6- ما آخر صورة تم التقاطها ؟ إذا في مجال فرجينا ياها ؟
اهااا.. اليوم أنا روحت بكير من الجامعة ورجعت العصر تمشيت أنا وأخوي الصغير أمير ودخلت على الجامعة بما إنه صحباتي لساتهم مش مروحين ..

7- أنت كثير الاتصال أم كثير إرسال الرسائل ؟
الإتصال

8- كم خط موبايل عندك ؟
واحد

9- كم رقم مخزن عندك ؟
130 رقم

10- آخر مكالمة ( صادرة / مستلمة / لم يتم الرد عليها ) من أصحابها ؟
صادرة .. صاحبتي آلاء .
مستلمة .. البيت من أمي
لم يرد عليها.. برضو صاحبتي تمارا

11- أكثر شيء بموبايلك ( صور / بلوتوث / رسائل / أرقام / ) و لماذا ؟
رسائل , وصور ..

12- ثلاث أعضاء من المنتدى تتمنى وجود أرقامهم في موبايلك / ماذا ستطلق عليهم لقب ؟ و إذا موجودين احكينا شو أسمائهم بموبايلك ؟
شمس أيو ربيع .. موجودة عندي .. مسميتها بإسمها ..
طوق ..باسم المنتدى
وصديقة .. باسم المنتدى

13- تقدر تعيش بدون موبايلك ..؟
طبعا لأ هههههههههههه

14- آخر رسالة من صندوق الوارد ، الصادر / من مين و لمين ؟
صندوق الوارد ههههههه.. من رقم غريب ما بعرف لمين ,, وحدة بتسألني عن إمتحان ال archi مع إني ما بوخذ المادة شكلهم مخربطين بيني وبين حلا التانية
في وحدة تانية بالتخصص عنا بالجامعة إسمها حلا بس أنا وإياها ..
صندوق المرسل .. رساله لصاحبتي بحكيلها تجيبلي الورق على اللاب ههههههههههه

15- ما هي الرسالة رقم ( 20 ) بالوارد ؟
دعاية من أربيلا مول خصم بمقدار 20% على ملبوسات سبلاش هههههههههههههه

16- من ضمن الأسماء في موبايلك هل يوجد اسم غريب أو مضحك لأحد أصدقائك .. اذكره لـنا ؟
ممممممممم.. لأ ما بحب كلهم بأسمائهم

17- كم رصيدك هلا ، بدون إحراج أو مبالغة ؟
0.005 هههههههههههه آخر شهر ..

18- شو اسم البلوتوث عندك ؟
أمير لأسم أخوي الصغير صاحب الصورة بحبه كتير (الله يخليلي إياه )

19- شو أكثر استخدامك بالموبايل ( منبه / حاسبه / تذكير / بلوتوث / نت ) ؟
نت

20- آخر بلوتوث استقبلته ما هو ؟
أغنية لإليسا

21- كم عدد الرسائل بالصندوق الوارد .. وكم عددها بالصادر ؟

بالوارد .. 632
بالصادر .. 746

22- رسالة لن تقوم بمسحها أبداً ولماذا ؟
هههههههههههههه.. ما رح أحكي سؤال محرج .

23- ما هو الاسم رقم ((20)) المخزن عندك ؟
بنت إسمها أسيل من أيام المدرسة ههههههههه.. بس إكتشفت إنه وماااااااان ما حكيت معها

24- بكل صراحة حافظ رقمك أو لا ؟

لا حافظتيه ..

ههههههههههههههههههه.. تعبت وأنا أجاوب ... بسلموا دموع على الدعوه إستمتعت فيها ..

[طوق الياسمين]

ياي بدي انا اشارك

[دموع الغصون]

مشكورة رند على صراحتك واجاباتك استمتعت كتير بمشاركتك معنا و ماشاء الله عن اخوكِ ربي يحفظه من كل شر ، بتمنى تكوني انبسطتِ معنا متل ما نحنا انبسطنا بوجودك

[دموع الغصون]

ياي بدي انا اشارك

طوق بشكرك على تواجدك و أكيد بدك تشاركِ معنا لكن من بعد ازنك رح اختار هدوء قبلك و بعدها أنتِ

أكيد بنبسط كتير بمشاركتكو كلكو

[دموع الغصون]

ضيفنا التالت لـ موبايلك تحت المجهر



هدوء عاصف



ننتظر مشاركتك

[rand yanal]

مشكورة رند على صراحتك واجاباتك استمتعت كتير بمشاركتك معنا و ماشاء الله عن اخوكِ ربي يحفظه من كل شر ، بتمنى تكوني انبسطتِ معنا متل ما نحنا انبسطنا بوجودك

تسلمي يا دموع .. الله يخليكي يارب ..

إدعوا لــ أمير لأنه مريض يا روحي

[هدوء عاصف]

في البداية اسمحيلي "دموع الغصون" اني اتشكرك على الدعوة وعلى هالموضوع الرائع


1- موبايلك ... ماذا يعني لك ؟
موبايلي مهم جداً جداً جداً بالنسبة لإلي وما بستغني عنه واكيد دايماً بتفقده وما بنساه ولا بأي حال ..

2- ما هو نوع موبايلك ؟
آيفون

3- كل شيء في حياتنا له اسم / ماذا ستسمي موبايلك ؟
رفيقي الدائم

4- هل / صعب .. عليك استبدال موبايلك بغيره؟
نعم صعب خصوصي انو بحتفظ فيه بكتير اشياء يصعب جمعها على هاتف جديد

5- لنفرض أن موبايلك كائن حي .. ما هي أول كلمة ستقولها له ؟
آه ياااااااااني يا حلو يا لزيز يا رايق

6- ما آخر صورة تم التقاطها ؟ إذا في مجال فرجينا ياها ؟
صورة التقطتها في زيارتي الاسبوع الماضي لفلسطين وكانت في مدينة بيت لحم


7- أنت كثير الاتصال أم كثير إرسال الرسائل ؟
كثير الإتصال

8- كم خط موبايل عندك ؟
2 .. واحد اورانج وواحد زين

9- كم رقم مخزن عندك ؟
436 رقم

10- آخر مكالمة ( صادرة / مستلمة / لم يتم الرد عليها ) من أصحابها ؟
صادرة لإمي
مستلمة من زوجتي
لم يُرد عليها من مدير عام الشركة اللي بشتغل فيها

11- أكثر شيء بموبايلك ( صور / بلوتوث / رسائل / أرقام / ) و لماذا ؟
صور لإني باستمرار بصور كل اشي بعجبني وما بفوت ولا لحظة دون تخليد ذكراها !!

12- ثلاث أعضاء من المنتدى تتمنى وجود أرقامهم في موبايلك / ماذا ستطلق عليهم لقب ؟ و إذا موجودين احكينا شو أسمائهم بموبايلك ؟
حسان القضاة ومعاذ ملحم ومحمد حورية وغيرهم وجميعهم بأسمائهم الحقيقية..

13- تقدر تعيش بدون موبايلك ..؟
مممممم .. مش لدرجة عدم مقدرة العيش لكن الموبايل كتير مهم لدرجة اني ما بقدر استغني عنه .. مرات بهمله وبهمل المكالمات الواردة لما بكون حابب اريح راسي او اكون مشغول ، بمعنى انو مرات بكون الموبايل وجع راس ، لكن وبشكل عام ما بستغني عنه ..

14- آخر رسالة من صندوق الوارد ، الصادر / من مين و لمين ؟
الواردة من شركة اورانج والرسالة اعلان تافه صار واصلني مليون مرة
والصادر لزوجتي بخبرها انو لما يصير موبايلك متاح ترني علي دغري لإنو انشغل بالي عليكِ

15- ما هي الرسالة رقم ( 20 ) بالوارد ؟
اشترك بخدمة السيارات وشاهد اسرع سيارة بالعالم ، ارسل 75 لـ 98817 20ق/ر
ما ازنخهم

16- من ضمن الأسماء في موبايلك هل يوجد اسم غريب أو مضحك لأحد أصدقائك .. اذكره لـنا ؟
شوشو .. شوشو هو اسم الدلع لعمي واسمه "شريف" ههههه

17- كم رصيدك هلا ، بدون إحراج أو مبالغة ؟
4.32 دينار

18- شو اسم البلوتوث عندك ؟
Abu Tamim

19- شو أكثر استخدامك بالموبايل ( منبه / حاسبه / تذكير / بلوتوث / نت ) ؟
نت وتذكير ومنبه ..

20- آخر بلوتوث استقبلته ما هو ؟
أغنية موجوع لوائل جسار استلمتها من موبايل اخوي

21- كم عدد الرسائل بالصندوق الوارد .. وكم عددها بالصادر ؟
الوارد 50 والصادر 7

22- رسالة لن تقوم بمسحها أبداً ولماذا ؟
كل رسائلي ما بمسحها ابداً وخصوصي اللي من زوجتي واللي كانت ايام الخطبة وما قبل ايام الخطبة ، كل الرسائل بحتفظ فيها على كمبيوتري باستمرار ..

23- ما هو الاسم رقم ((20)) المخزن عندك ؟
ابو زيد ..

24- بكل صراحة حافظ رقمك أو لا ؟
بالطبع .. ولوووووووووو !!!



بتشكرك كتييييييييييييييير "دموع الغصون" موضوعك جميل ومميز

[دموع الغصون]

تسلمي يا دموع .. الله يخليكي يارب ..

إدعوا لــ أمير لأنه مريض يا روحي

سلامته ألف سلامه ، ديري بالك عليه هلا الجو جد بخوف وبمرض
الله يحميه من كل شر