حتى لا نخسر رمضان لهذا العام

[طوق الياسمين]

[حبيبة نايف]

وكنت لسة حامل أول مرة بجنان واحكي والله لوطلع اللي فبطني متلك لأرمي للكلاب

يا اختي و احنا هون مو كل النساء بنروح عالمسجد لأنه هم بيحكوا انه صلاة المرأة محببة انها تكون ببيتها يعني كل واحد شايف حاله هو الصح بغض النظر مين الصح
المهم هاد مو موضوع نقاشي المهم انك تنتقي الفاظك منيح يعني هالكلام اللي فوق مو منطق لو سمحتي احنا بالقسم الإسلامي لازم تعطي صورة حلوة عن الإسلام شكرا الك

[حبيبة نايف]

أنا مو عارفة ليش بتحذفي مشاركاتي يالوسادة
إذا إنت حاسة إنو في كلمة غير لائقة بالمشاركة أنا معطيتك الصلاحية إنك تحذفيها
لكن ماإلك الصلاحية إنك تحذفي كل المشاركة عشان كلمة
يعني الموضوع الأول اللي بقسم الفن قلت مومشكلة يمكن عشانه مو بمكانه مع إنه النصيحة مالها مكان محدد
بس ممكن أفهم ليش مشاركتي بموضوع طوق انحذفت؟ مابكفي الكلمة غير اللائقة حسب كلامك حذفتيها وما حكينا شي عادي إنت أدرى
وليش قلبتي الموضوع علي بيطلعو للمسجد أساسا أنا بعرف إنه بالأردن مابروحوا النساء للمسجد وأناحبيبتي عشت 21 سنه بالأردن يعني عارفة إنه بطلعو للمسجد ولا لأ
بس الوضع مختلف تماما بالكويت مافي أي مرأة بضل فبيتها حتى صلاة الجمعة
بس أنا كان كلامي عن اللي بتطلع متبرجة كان بالأردن ولابالكويت
فإنت ياعمري مسحتي الكلمة الي ماعجبتك من المشاركة لو سمحتي بدي مشاركتي ترجع لموضوع طوق وأنا متأكدة إنه مافيها أي شي مخالف

[هدوء عاصف]

اختي الكريمة "حبيبة نايف" مساء الخير .. انا مطلع على الموضوع وكنت اتابع كل المشاركات اللي انضافت ، على ما اظن انو الموضوع انتهى بينك وبين هديل عند ردها الأخير المُضاف في نفس مشاركتك ، واللي هي مشاركة رقم 12 ، ومعلش لا انتي غلطتي ولا هديل غلطت ولو غلطتوا بتكونوا متعادلين ، ما بدي تزعلوا من بعض وانسوا الخلاف اللي صار ، احنا هون اخوان واخوات وما بدي نتخلف على موضوع بتختلف فيه وجهات النظر.

طيب بالنسبة لموضوع ذهاب النساء الى المساجد انا بخالفك الرأي يا حبيبة نايف لإنو النساء بالاردن بتروح على المساجد بمئات الآلاف يومياً ، المسجد اللي انا بصلي فيه التراويح وهو مسجد في الحصن بتصلي فيه يوميا اكر من 300 امرأة علماً انو عدد الرجال اللي بصلوا بالطابق اللي فوق ما بوصلوا الـ 300 واحنا بحي اغلب سكانه مسيحيين!! يعني المسألة نسبية وما فينا نطلق الحكم بهالشكل هاد ..

على كل حال ما بدنا سوء فهم وخلينا اخوات ومناح مع بعضنا واحنا بشهر الرحمة والتسامح

[حبيبة نايف]

أخي أنا موضوعي مش عن اللي بروحو مساجد ومابروحو وذكرت هالشي أنا حكيت عالمرأة الي بتطلع متبرجة يعني المرأة لو طلعت بضوابط شرعية مافي حد بمنعها بأي مكان موبس بالأردن أو غيرها
بس أنا زعلت ليش إحنا منشارك وأنا متأكدة مافي غلط بالمشاركة وبتقوم أخت الوسادة بتحذفها كلها ؟ مو حذفت الكلمة غير اللائقة؟
شو هاد مرة تانية ياريت لو كل مشرف حذف مشاركة لأي عضو لازم يكون عنده كوبي منها عشان المدير يشوفها ويحكم عليها
والإشراف مو معناته إنه في بيني وبين أي عضو تتش أروح أحذف مشاركته

[هدوء عاصف]

حقك على راسي يختي لا تزعلي ولا تعصبي ، وهديل بالمنتدى مش مجرد مشرفة ، انما هي عضو فاعل وفاعل جداً وادارية ناجحة لا بد انو في الها وجهة نظر بالموضوع ، انا ما بدي اوقف مع حدا ضد حدا انا معك وبقول من حقك ما تنحذف مشاركتك ، احنا بدنا عنب ولا نتقاتل الناطور؟ خلص انتي ارجع ونزلي وجهة النظر الل بتعجبك اظن انو الموضوع ابسط من هيك ، وبدي ما تطلعي من هاي الصفحة قبل ليكون قلبك صافي تجاه هديل وكل اعضاء المنتدى ، انتي كبيرة وواعية وملتزمة وبتعرفي الصحيح وبدي أمون عليكِ .. لو سمحتي .. ماشي؟

[الوسادة]

اول شي ما بدنا نقلب موضوع البنت لخلاف

و عشان ننهي الموضوع يا اختي يا حبيبتي

انا ما قلبت الموضوع عالمساجد انا اخدت مثال انتي بتفكري عندك صح و في اهل دين تانيين مو كلهم و الله مو كلهم يا عمري حطي تحتها خطين بخالفوا رأيط كا علينا من هالموضوع

و انا يا بيبتي يا روحي يا عمري ما حذفت مشاركتك الخلل اللي صار اني كنت بدي اقتبس بس من ذكائي عملت اقتباسس للجملة بس من خلال التعديل مو من خلال مشاركة جديدة و ما كان قصدي احذفه لأمه ما عمري حذفت مشاركة حدا الا ازا فيها ارقام هواتف او ايميلات او مو بمكانها المناسب

و بالنسبة لمشاركتك الأولى حقك عراسي ( بالمناسبة انا لما احكي حقك عراسي مو لأنك متل ما حكيتي انه انت بتحاسبيني بعرف انه ما حد بحاسب التاني غير الله و حقك عراسي هادي كلمة عادية ما بتنزل من مقامي )



مشاركتك الأولى

]الله يجزيكي الخير ياطوق الياسمين
والله مؤسف فعلا اللي منشوفه برمضان
أنا معظم الأيام بروح صلاة التراويح مع زوجي أقسم بالله بموت قهر من النسوان اللي بتكون متعطرة
واللي عباتها كنها فستان سهرة واللي حواجبها متل الخط بالورقة ومتمكيجة وغير اللي برن تلفونها غنية بالصلاة طيب ليش.
يعني ماكافيكي 11شهر بالسنة لتعملي الي بدك اياه ولحقتي عرمضان والتراويح والله غير إزعاج الزغار والله إني مرة كنت واقفة أنا وحماتي منصلي بالمسجد وفي زغير عمره يمكن 2سنتين بسم الله تقولي جني نتف كل المصاحف وكل شوي حامل شنتتي وبدو يعطيني ياها وأنا بصلي وأخرتها وقع حماتي وهي كبيرة بالسن وتعبانة يما كنت حموته وأموت أمه وكنت لسة حامل أول مرة بجنان واحكي والله لوطلع اللي فبطني متلك لأرمي للكلاب
والله أنا لما أروح المسجد طبعا ماباخد ولادي بنيمهم بالبيت وبستودعهم بحفظ الله والله بتكون الدنياعتمه والخمار كامل بكون على عيوني ومرات نايف بزعل مني إذا عباية الراس شوي بترفع وبتبين رجولي مع إني لابسة جرابات بس لازم تكون تجر عالأرض بحكيلي مالازم تخلي طلعة العبادة تطلع كلها سيئات عراسك وغير حواجبي والله ثم والله الي 4 سنين إيدي ماانمدت عليهم مع إني كنت مجنونة نمص وترسيم الله يهديني ويصلحني وجميع بنات المسلمين

[تحية عسكريه]

جزاكي الله خيرا صديقتي عشتي وعاش قلمك مبدع متألق

[طوق الياسمين]

في طوشة هون يلا حصل خير واتوقع انه بتصير مع اغلب المشرفين انا مرات بخربط بدل ما اقتبس بعدل والله الكلمات جنب بعض واحنا صايمين كيف بدنا نشوف ونركز

هديل بتجنن يا حبيبة نايف وما في منها وهيوها نزلت مشاركتك ان شاء الله تكوني راضيه اهلا فيكم بالموضوع حبايبي