الشعب يريد الاصلاح

[محمد العزام]

عدنا
بسطر جديد


كتبت هذه الكتابات ...بخاطر نفسي ولم اجسدها على ورقتي الخاصة ..لم اصحح الاخطاء ولم اصحح الاملاء ...
للك من الطبيعي ان يشاركني غيري بمستوى كلامي ..فقررت يوم امس ان اجلس مع من اعرفهم واصارحهم بهذا الامر الخطير ..فقلت لهم نحن شعب كذا ونحن شعب كذا ...فاصبحت امامهم مثل القرارات التي تطرح بمجلس الامن ...فقاموا بالتصويت على عقليتي كانت النتيجة بانني اعيش في زمان ولى ونحن الان في زمان ..نحن في زمان التطور والتقدم لذا من الطبيعي ان يكون الشعب على هذه الشاكلة وعلى هذه الطبيعة ...فقررت ان اقاطعهم لفترة الى ان تجمعت من ذاكرتي واقع عشته في عملي وبالفعل قدمت هذا الواقع امامهم وبقدرة قادر اصبحت انسان عقلاني اماهم وانسان جدي وانسان متحضر فاسمعوا ماذا قدمت لهم

نرجع للهجايص اللي حكينا عنها قبل هيك

بيوم دخلت علي ام وبنتها والبنت حرام صغيرة ...دخلوا وصار نقاش بيني وبين والدتها وصارت تبديلي تخوفها من هالحياة واللي بصير فيها والخوف على بنتها من مغريات الحياة وخاصة الفيس بوك اللي بيقلق الكثيرين بحياتهم وخوفهم على بنتاتهم ...انا صراحة اتوقعهتا ام متعقلة لدرجة كبيرة وخاصة لاحظت موقفها من خلال هالحكي ضد هالتطور اللي قاعد بصير ..وصرت انا وياها نهدي على بنتها ومن هالحكي والبنت لساتها صغيرة عمرها 16 سنة ...بالاخر تحكيلي الام بدي منك طلب صغير ..اذا بتنزلوا برنامج الفيس على الموبايلات عشان بنتي بدها تنزله عشان صاحباتها منزلين البرنامج ومش حلوة بحقي وبحق بنتي انهم يحكوا عنها متخلفة ..... فسروها وكثر الله خيركم



نقطة وسطر جديد
سنعود

[دموع الغصون]

هههههههههههههههه جد مو حلوه
ازا الأم هيك بتفكر كيف فينا نلوم البنت
وازا هو هيك بفكر كيف بدنا نلومهم همه
قياساً على هالموضوع رح نروح فيها لو ضلينا ورى الفيس بوك و ورى التقليد الأعمى
والاهتمام لنظرة الغير والإنسياق نحو الكماليات دون وعي أو إدراك
ما ينطبق على هذا المثال ينطبق على المجتمع بشكل أوسع و أشمل

[علاء سماره]

هههههههههههههههههههههههههههههههههههههههههههههههههه هههههههههههه

التفسير بصلاه على النبي
البطيخة

ولله في خلقة شؤون
مشكور محمد رائع

[محمد العزام]

عدنا

لاتنسوا الهجايص ...رح نذكرها كثير


فعلا شباب راقي ومتعلم ومثقف لابعد الحدود ...بيتخرجوا من الجامعات ...كانهم يحملوان اسفارا ...تشبيه وصفي لما شاهدته اليوم لشخص كان مبسوط وقعدت معاه قعدة بدكم تحكوا تقريبا نص ساعة ....هالشب مبسوط وبضحك من حاله ...طبعا خريج ومش راضي يشتغل ...جبتله شغل كثير والاخ مابده ... المهم صارله فترة بشتغل عند الناس يعني برفع رمل وحجارة ..شغل عادي يعني صارله تقريبا شهر بشتغل عند واحد هيك شغل والاخ مجمع تقريبا 100 دينار ....لما قعدت معاه القعدة وهو مبسوط بحكيله الله يبسطك ..مالك مبسوط شو صاير معك .... بحكيلي قبل ما احكيلك بدي منك مصاري اشتري دخان مامعي وهو طبعا انا عارف انو معاه 100 دينار وخجلت منه وحكيتله هاي مصاري واشترى دخان وغيره وغيره ...والا شوي قاعد ببوس في ...انا ضليت ساكت ...
بحكيلي يا ابو عريب ياعقيدنا اليوم شفت صاحبيتي ..زارها بجامعتها وراح شافها وقعد معاه ...عددلي الهدايا اللي اشتراها والا الاخ مشتري ب70 دينار هدايا ...غير اجار الطريق والاكل والشرب ولو عرفنا انو راح على عمان ليزورها ...روح مامعه ولا قرش من هال100 دينار

طبعا مع العلم انو من الطبقة الفقيرة وابوه من ساسه لراسه مديون ...وابوه كان طالب منه مصاري ومارضي يعطيه

نقطة وسطر جديد

اذا حابين تبدوا ارائكم بهالموضوع

[دموع الغصون]

حسبي الله ونعم الوكيل
الله يقويه حرام يعني مو حابب يروح يزور البنت من غير هدايا ما اسمه الا خريج وبشتغل فلازم تكون هديه مميزه
بس كيف بفكر هاد جد
المفروض بهيك مرحله الشب او البنت يطلعو كيف رح يبنو مستقبلهم كيف رح يساعدو اهلهم لو كانو بحاجة مساعده مو يتصرفو بغباء

[علاء سماره]

والله يا شيخ محمد
أغلب شبابنا من هل نوعيه
يعني أنا لو أقلك عن بعضهم شلون بعمل لا تقول هذا ولا أشي

[علاء سماره]

أغلب الشباب هيك مع الأسف او انا بحمد الله
اني مش من هالنوعية
ببيعو كل شي عشان ما تزعل الحبيبة
صاحبو ابو امو كل شي كل شي

[محمد العزام]

عندما نفكر مليا بحياتنا ...نجدها كارادة وليش كانهزام ...فمثلا عندما يتعرض احد منا لموقف يهبط من معنوياته ..نجد يتكلم عن الارادة وانه سيصلح نفسه لكي لايقع بهذا الخطأ من جديد
اذا نتفق على ان الارادة موجود لدى الجميع ..على حسب الظاهر يعني وعلى حسب المواقف اللي بنعيشها واللي بنشاهدها واللي نسمعها من غيرنا ....

فلماذا لاتظهر ارادتنا امام من نعتبرهم من اقتطعوا وابتلعوا نصيبنا من حياتنا
فعندما نقابل شخص تعرض لقصة حب وفشل بها نجده يقول انا وانا وانا ..وانا اقوى من ذلك وانا سوف افعل وانا سوف احقق طموحي بارادتي وانا سوف اظهر كل ارادتي لكي انسى ... سبحان الله قوة الارادة تظهر بمواقف قد نعتبرها بعد مرورها بانها مواقف سخيفة ...ام هل طغى على تفكيرنا بان هذه القضايا اهم من حياتنا واهم من لقمة عيشنا لكي نفكر بها

شاهدنا هذا الشعب الذي يريد تحقيق الاصلاح يرفع اللافتات ويخرج ويتكلم باعلى صوته وما اشطرنا بتنظيم المسيرات التي تنتهي غالبا بالتكسير والتخريب ..ولكن لافائدة
لنفترض اننا بالفعل شعب قد حقق المطلوب منه باصلاح نفسه بسلوكه واخلاقه ودينه وعفته وكرامته ...وحكوماتنا مازالت مقصرة ..لماذا لانجرب مبدا المقاطعة ..التي يستعملها غيرنا ويحققون منها الفائدة المرجوة ... فمثلا للتذكير نحن على اعتاب شهر رمضان الكريم ..لاحظوا كيف يكون حال الشعب ...كاننا في سباق على كل شيء يرتفع سعره او ترتفع سلعته ... نتسابق لكي نحقق الامل المرجو منا لحكوماتنا ولتجارنا ولغيره وغيره ....

امور بحاجة الى التفكير


سنعود

[هدوء عاصف]

مساء الخير .. تعقيبي اخ محمد على الشب اللي مشتري بـ 70 دينار هدايا لحبيبته ، السؤال الذي يطرح نفسه هل حبيبته فارق معها حاله واحواله او بتعرف عنه انو مديون ومجمع حق الهدايا من شغل وتعب شهر!! وبتعرف عنه انو منع هالمصاري عن ابوه واهله مشان يجيبلها هالهدايا؟؟ يعني بلا مؤاخذة من هالكلمة البنت حالة من 3 حالات اما بتعرف عن وضع الشب واكيد ما بترضى انو يكون حبيبها من هالنوع او ما بتعرف عن وضعه واكيد ما بترضى من واحد خريج يصرف كل هالمصاريف وطبعاً معلوم عندها وعند الكل شو وضع الخريجين ، والحالة الأخيرة انها تكون تعرف بكل اشي من اللي انحكى ومع هيك مبسوطة ومستغله هالشب وبجميع الحالات الشب بطلع "غبي وأغبى غبي كمان" ويا سيدي بكرة بتروح السكرة وبتيجي الفكرة وبعرف قيمة افعاله ، وبالنهاية هو الخسران ورح يعرف بيوم انو ما فيه بنت بالدنيا بتسوى يزعل ابوه وامه مشانها وما فيه شب او حدا بالدنيا بستاهل انو يبدّي اولوياته مشانه ..
طبعاً احنا موضوعنا ما طلع عن سياق "الاصلاح" لإنو موضوع الاصلاح كله بنصب في هالاتجاه انو هل شبابنا جاهزين ومؤهلين للمطالبة بإصلاح الدولة ، انا برأيي انو لسا بدنا وقت طويل وشغل على انفسنا لحتى نكون على وعي سياسي واجتماعي .. والسلام

[محمد العزام]

عايشت كثيرا واختلطت بالكثير ....فاقل مايكمكن ان يقال ...باننا نعيب زماننا ومالزماننا عيب سوانا ....
نعيب الظاهر ولانعيب الباطن ..فاصبحت الكماليات هي مطلبنا وننسى بانها مقتلنا .....
نعيب غيرنا وننسى انفسنا ....يا فلان عندما تتفوه بكلمة فحاول ان تطبقها على نفسك ولاتعمم على الكل ...بل اختصرها على فئة من الناس ...والافضل ان لاتتفوه بشيء



لا اريد ان اتكلم عن الاصلاح السياسي ...والاقتصادي ...بل عن الاصلاح العقائدي ....الوازع الديني لكل شخص منا ....
شاهدنا جميعنا مانشرته المديرة العامة دموع من موضوع حول منع الفيزون في الجامعة الهاشمية ....وعمم الخبر وزادت التعليقات على الخبر ....من مؤيد ومعارض ...ولكي نصل الى قمة الرذلة والانحطاط ...الجامعات الاردنية اصبحت تنفي ان تقوم بمنع الفيزون مثل الجامعة الهاشمية بتعبير بسيط (حرية شخصية )
بالله عليكم اين هي الحرية الشخصية ...ولا الوم رؤوساء الجامعات بل الوم من يلبس مثل هذا اللباس الفاضح والوم الاهل والاخلاق

لو منعت الجامعات الاردنية باكملها لبس الفيزون ...لنجد في يوم مبارك مثل يوم الجمعة مظاهرات نسائية تخرج ويكون عنوانها (جمعة الفيزون) وشعارها (نحن نطالب بلبس الفيزون )

الفتاه عندما تخرج متبرجه من امام والدها او والدتها او حتى اخوانها .... كاسية عاريه ... ملفته للانتباه ....والاهل يشجعون على ذلك بمبدا (يلا البنت كبرت ...مابدنا نضغط عليها )
والاخ بيفتخر بانه اخته تلفت انتباه الشباب او بالاحرى مش قادر يحكي لانه في والدته بتحكيلوا ماتدخل بلباس اختك وتحكيله قلمة (انطم ) وبعد هي تتندم على كلامها طبعا مش كل كلامها لابنها تتندم على كلمة انطم (لانه خرب البرستيج لالها )
ذكرت كل هالشي لموقف صار قدامي بعد قرار الجامعة الهاشمية ...قاعد مع شخص اعجبني كثير بطبيعة تفكيره وحكينا بموضوع الفيزون ومابعرف شو ومن هالحكي وبحكيلي اه لازم كل الجامعات تعمل هيك وهالشي مفسد للاخلاق ومنبع للفتنه ...شوي ودخلت صبية على المول ولابسة من هاللباس ...بحكيلوا مثلا هاي مش طخها حلال ...ومالقيت الا وهالشب عصب وبحكيلي ارجوك يامحمد ماتتدخل بهالبنت ولاتجيب سيرتها وسحب حاله وراح ....اكتشفت بالنهاية انها اخته ....اممممممممممممممم ...جد ماحسيت حالي غلطان ولو عرفت انها اخته وهو قاعد معاي كان شربت من دمه على المواعظ اللي اعطاني اياها ....



بعتقد انو صار لازم احكي
نقطة وسطر جديد




سنعود