العيــــــادة النفسيــــــة

[هدوء عاصف]

فكرة كثير حلوة
ان شاء الله تلاقي قبول من الاعضاء

اختي المتميزة أدامك الله وحيّـــــاك وطاب سعيك وممشاك

شكرا كتير على تثبيت الموضوع وعلى فكرة ردك على بنت الشديفات كتير لامس الصميم شكرا كتير.. وأشكرك أيضا على تثبيتك الموضوع

[بنت الشديفات]

الخجل عند البنت شي طبيعي او بالاحرى شي مميز فيها بس لما يزيد الشي عن حده لانو الحكي في الدراسة شي عادي
و الشي اللي انتي شايفتو مشكلة عندك لازم تحاولي تتخلصي منو بخطوات مو صعبة ابدا

حاول أن تزيدي الثقة بنفسك و بقدراتك لانو ما في انسان كامل بهالعالم لانك يمكن تخجلي من الرد عليهم لانك مو واثقة في معلوماتك منيح فمشان هيك لازم من الاول تقولي انا هيك رايي بالقضية الفلانية او انا هيك بشوف يمكن اكون صح ولا غلط
وكمان شي مهم كثير انك ما تظلي لوحدك كثير ما تكوني انطوائية لازم تدخلي في اي جماعة ولو انك ما تعرفيهم كلهم ما فيها شي وما تظلي ساكتة لازم تتفاعلي معاهم وتفرضي اراءك
وشيلي من بالك فكرة يمكن اكون انا غلط او شو راح يقولي عني لا تحطيهم ببالك
لما تكوني لحالك حطي ببالك هالموقف (انك بتخجلي كثير ) و تخيلي ردك عليهم لحالك تكلمي مع اي شي لحتى تصيري تقدري تواجهي نقطة ضعفك

بالاخير الحياء صفة كثير حلوة بالبنت بس اذا زاد الشي عن حده انقلب الى ضده

شكراً مميزة على الرد المميز وانشاء الله راح احاول اعمل هيك

[هدوء عاصف]

فكرة كتييييييييييير حلوة ..

يسلموووو يا ابن خالتي على افكارك الرائعة ..

لازم من زمان هيك موضوع

أهلا ببنت خالتي شذى

والله ما بنتظر دايما ردودك ما شاء الله عليكِ الله يحفظك

شكرا كتير ع المرور الكريم

[هدوء عاصف]

يعطيكو العافيه الموضوع مميز

أختي المميزة (أميرة قوس النصر) شكرا على مرورك

وحضورك وسام شرف للموضوع

[هدوء عاصف]

انا مشكلتي الوحيده اني ما بنسى يلي بحبه

هاي مش مشكلة حبيبي هاد أحلى طبع فيك ..

يا ريت الكل متلك ..

بس السؤال هل هالشغله هاي بتضايقك؟؟

[هدوء عاصف]

والمشكلة التانية اني بفكر كتير بالناس اللي بتجرحني واخاف من المستقبل كتير كتير

بتسمعي بالإعلان اللي بقول (عيش اللحظة) ؟؟؟!

خوفك من المستقبل نابع من خوفك في الحاضر.. ومهما كان بضل المستقبل اسمه غيب ، ولو اطلعتم على الغيب لأخترتم الواقع ، بنظري ما في شي بخوّف ما دام المكتوب مكتوب وما دام القدر قدر.. خلّي ايمانك بالله اقوى في كل الظروف، واحنا تعلمنا من ديننا الحنيف (أن ما اصابك ما كان ليخطئك وما اخطأك ما كان ليصيبك) و (إن اتكلتم على الله حق اتكاله لرزقكم كما يرزق الطير تغدو خماصا وتروح بطانا) ، فمن شو الخوف ما دام الإيمان بالله حليفنا وأمر المؤمن كله له خير؟؟؟

ما تفكري كتير بالأيام وما رح تحمله، فكري كيف تكوني مؤمنة وذات شخصية مميزة تكسبي حب الخالق ووالديك والناس.. صدقيني رح ترتاحي..

الله يبعد عنا الهموم ويزرقنا الإيمان الحقيقي.. كلنا محتاجين لله..

شكرا

[بنت الشديفات]

بتسمعي بالإعلان اللي بقول (عيش اللحظة) ؟؟؟!

خوفك من المستقبل نابع من خوفك في الحاضر.. ومهما كان بضل المستقبل اسمه غيب ، ولو اطلعتم على الغيب لأخترتم الواقع ، بنظري ما في شي بخوّف ما دام المكتوب مكتوب وما دام القدر قدر.. خلّي ايمانك بالله اقوى في كل الظروف، واحنا تعلمنا من ديننا الحنيف (أن ما اصابك ما كان ليخطئك وما اخطأك ما كان ليصيبك) و (إن اتكلتم على الله حق اتكاله لرزقكم كما يرزق الطير تغدو خماصا وتروح بطانا) ، فمن شو الخوف ما دام الإيمان بالله حليفنا وأمر المؤمن كله له خير؟؟؟

ما تفكري كتير بالأيام وما رح تحمله، فكري كيف تكوني مؤمنة وذات شخصية مميزة تكسبي حب الخالق ووالديك والناس.. صدقيني رح ترتاحي..

الله يبعد عنا الهموم ويزرقنا الإيمان الحقيقي.. كلنا محتاجين لله..

شكرا

شكرا هدوء كلامك صح وهاد الي لازم ينعمل

[المتميزة]

هاي مش مشكلة حبيبي هاد أحلى طبع فيك ..

يا ريت الكل متلك ..

بس السؤال هل هالشغله هاي بتضايقك؟؟

والله وانا كمان هيك رايي
هالشي منو مشكلة ابدا بل بالعكس طبع كثير حلو فيك
بس لما يعود هالشي يضايقك وتصير انت ما تحب هالشخص اكيد لازم النسيان

[المتميزة]

اختي المتميزة أدامك الله وحيّـــــاك وطاب سعيك وممشاك

شكرا كتير على تثبيت الموضوع وعلى فكرة ردك على بنت الشديفات كتير لامس الصميم شكرا كتير.. وأشكرك أيضا على تثبيتك الموضوع

العفو اخي فكرة الموضوع اكثر من رائعة
وهو لازم يتثبت انو الجانب النفسي مهم كثير في الصحة
ومشككككور مرة تانية

[حزينة]

االسلام عليكم ورحمة الله وبركاته

بتمنى حد يساعدني انا متدمرة كتير ونفسي اخلص من هالحياة، تعبانه والله تعبانه
اعلاقتي مع امي بالمرة. امي ما بتحبني بتكرهني لأبعد الحدود مع اني والله بحبها وبشتغللها خدامة ببيتها وعند ولادها دايما بتحسسني بالنقص وبإني ولا شي دايما رأيي غلط هادا لما بكون الي رأي اصلا. بتضربني عالطالعة والنازلة دمرت نفسيتي وفشلت بحياتي كلها بسببها. رغم كل هادا قدرت اني اجيب معدل كويس بالتوجيهي ودخلت الكلية. بس هلأ استفحل الامر عم اتراجع بدراستي وافشل فشل بعد فشل. تعبت والله لدرجة اني حاولت انتحر مرة. بس تراجعت لاني حسيت انو هي يلي لازم تموت مو انا. ما بتزكر اني غلط معها بشي بس هي هيك بتعاملني من وانا صغيرة شو ذنبي يعني ازا كانت عم تواجه مشاكل بشغلها تيجي تفش غلها فيني. المشكلة انو مشاكلها ما بتخلص ليه اني هيك حظي بالدنيا بليز حد بساعدني ويقلي شو اعمل قبل لاهرب من البيت مع اني عملتها بس رجعت وما قدرت اتابع. شو اعمل ساعدوني


يا ريت تفتحو باب التسجيل لاني عم احاول وما بزبط ابدا
شكرا