طقوس غريبة في رمضان

[إن الله يراك]

عادات حلوة واحنا كمان عنا بالاردن بسكرو المدارس طبعا لانو رمضان بييجي بالعطلة اصلا
شكرا

هههههههههه بهاي معك حق

[إن الله يراك]

يالله كيف سبحان الله بتحسي انه رمضان عندهم احسن من البلاد العربية بمليون مرة كله حب بس انا عجبتني سيريلانكا صح هاد الحكي مو موجود بالإسلام انهم يمنعوا الزواج بس و الله معهم حق

بس عنا بالأردن كمان ناااااااااادرا ما تشوفي حفلات زواج

اما بالنسبة لسؤالك الأخير فبألأردن احلى عادة هي القطايف بعد صلاةالتراويح يا سلاااااااام و زيارة العقارب قصدي الأقارب ههههه بس مو بعزومة لأني شخصيا بكره العزايم لأنه الناس حولتها ل ( سده بردة ) و كمان بحب زيارات الليل وو خصوصي ازا كانوا ناس بتحبيهم
يا عمي رمضان غير
ده يجنن

ههههههههههه ما اروع خفة دمك بس بتعرفي الزيارات التقليدية جميلة بس لو نخلص النية هع هع

[إن الله يراك]

لا شكر على واجب حبيبتي

نووووووووورتيني

[هدوء عاصف]

شكرا كتير على الموضوع الجميل ، يعطيك العافية

بالنسبة لعادات بعض الناس "السيئة" برمضان بتلاقي الزلمة مش طايق يشوف مرته ولا ولاده ولا زباين محلّه ولا حتى حاله من العصبية طبعاً تكثُر حالات الطلاق
وبما انه ما فيه زواج برمضان في الاردن رح نكتشف بنهاية الشهر انو كتير فيه زلام صاروا عزابية بسبب "بطونهم" !! هاي العادة بحس انها بتصير بس عند العرب ، بالنسبة للدول اللي انذكرت وهي دول شرق آسيا بحس انو الناس هناك ملتزمين اكتر منا ، ورمضان عندهم "عبادة" مش "عادة" !!!

من العادات المنيحة والحلوة عنا برمضان الجمعات الحلوة بين الناس ، يعني بعرف ناس ما بجتمعوا على سفرة وحدة غير من رمضان لرمضان ، هو اكيد اشي مش منيح بس يعني احسن من انهم ما يجتمعوا بالمرة

[تحية عسكريه]

بعض العادات السيئة والغريبة الكسل عن العمل وعدم القيام بالعمل قيامه

[حبيبة نايف]

يجعل كل أيامنا رمضان وعادات حلوة والله شو ماكانت العادات رمضان مابتعوض
وسبحان الله مابعرف ليش رمضان أسرع من كل الشهور
بالنسبة لكلام أخوي هدوء صحيح كنت بالأردن أحس كل الرجال بتقاتلوا مع بعض ومعصبين خصوصا بالباصات ياويلي أيام لاتنسى وبعد
ما الشوفير أستغفر الله مايخلي ولاكوفارية إلا وبكفرها بروح بدخن ههههههههه

المهم في عنا عادة بالكويت كتير كتير حلوة أنا شخصيا وإخواني تربينا عليها قبل الغزو بس رحنا الأردن يضلوا إخواني يعيطوا لماما بدهم هالعادة وأكيد الكل بعرفها هي القرقيعان وللي مابعرف هالعادة هي لازم يوم 13 و14 و15 رمضان لازم لازم لازم بطلعوا كل أطفال المنطقة وبكل مناطق البلد بسيروا يدقوا عأبواب الناس طبعا الأهالي عارفين بفتحوا الباب وكل العوائل طبعا مجهزة أمورها لأيام القرقيعان والأطفال بسيروا يغنو بصوت عالي لأهل البيت يعني مثلا اسمهم بيت بو مشعل منسير نغنيلهم
يسلم ولدهم يالله يخلي مشعل يالله
يسلم ولدهم يالله خلي لأمه يالله

أو

قرقيعان وقرقيعان بين قصيّر وارميظان
وطبعا قصير هو شهر شعبان باللغة الكويتية القديمة
وكانت هالعادة أول يوم رمضان بعدين قبل أكثر من قرن بإحدى السنوات اجا أول رمضان غيوم كثيفة فما قدروا يشوفوا الهلال وزعلوا الزغار فحولوا الأهالي هاليوم ل13 و 14 و 15 والزغار عفكرة بكون لابسين أحلى لبس متل العيد المهم بعد مايصيرو يغنوا بالعالي أهل البيت بيعطوا كل الأطفال أكياس كبيرة مليانه قرقيعان متل مكسرات وحلويات وشوكلاتات وألعاب موحكتلكم بكونو مجهزين حالهم وكل الكويت بتكون من أول أيام هالشهر يجهزوا للقرقيعان وهيك بلفوا عكل البيوت اشي بجنن وحتى قنوات الكويت كلها مثل القناة الأولى ومباشر والوطن والراي بهدي الأيام بتبث القرقيعان مباشر وغير المدارس ورياض الأطفال والحضانات والمولات كلها وبكل مناطق الكويت بهتموا إنه يحيوا هالعادة للأطفال
وإحنا زغار والله أحيانا إذا أختي الكبيرة وعدت ماما إنه إدير بالها علي ماما بترضى تخليني أروح لأنه كان عمري 5سنين أما إزا مااهتموا فيني ماما مابتخليني وبعد مايجوا إخواني بالليل وياكلوا القرقيعان قدامي والريالة نازلة ولايرضو يطعموني حبة
طبعا جوزي كان كبير يعني كان يطلع لأنه أكبر مني ب12 سنه وعفكرة كناواحنا زغار نعرف بعض أنا وجوزي
وهالأيام بحب إنه جنان تنبسط بهالعادة وباخدها المولات وبكونوا عاملين شخصيات كبيرة للأطفال متل أم خماس وبوقتادة وبو نبيل وسفنجنج بوب وسنافر ياويلي والله نايف بكون بالعافية رابطني ولابكون بدي أنطلق مع ولادي الله يعين
يلا ياريت تعرفونا على عادات البلدان اللي بعرف لايبخل علينا

[حبيبة نايف]

وكمان في وحدة صاحبتي بتحكيلي عندهم الأطفال بمصر بينزلوا كل يوم للشارع ومعهم فوانيس زغيرة ويغنو حلو ياحلو رمضان كريم ياحلو تعود بخير وسلام على أمة الإسلام............

[الوسادة]

آه و الله رمضان كتير بنتكاسل فيو صار المسحر ما اله شغل لازم يصيروا يصحونا عالفطور مو عالسحور

[إن الله يراك]

شكرا كتير على الموضوع الجميل ، يعطيك العافية

بالنسبة لعادات بعض الناس "السيئة" برمضان بتلاقي الزلمة مش طايق يشوف مرته ولا ولاده ولا زباين محلّه ولا حتى حاله من العصبية طبعاً تكثُر حالات الطلاق
وبما انه ما فيه زواج برمضان في الاردن رح نكتشف بنهاية الشهر انو كتير فيه زلام صاروا عزابية بسبب "بطونهم" !! هاي العادة بحس انها بتصير بس عند العرب ، بالنسبة للدول اللي انذكرت وهي دول شرق آسيا بحس انو الناس هناك ملتزمين اكتر منا ، ورمضان عندهم "عبادة" مش "عادة" !!!

من العادات المنيحة والحلوة عنا برمضان الجمعات الحلوة بين الناس ، يعني بعرف ناس ما بجتمعوا على سفرة وحدة غير من رمضان لرمضان ، هو اكيد اشي مش منيح بس يعني احسن من انهم ما يجتمعوا بالمرة

كلامك صحيح الله يهديهم بس

[إن الله يراك]

بعض العادات السيئة والغريبة الكسل عن العمل وعدم القيام بالعمل قيامه

اه صح.. شكرا لمشاركتك