" جنتل مان " للمرة الثانية ضيف كرسي الاعتراف

[تاج النساء]

السؤال التاسع ما اتجاوب
السؤال السابع حابب تتوقف شايفة
السؤال السادس اه ايهاب خربها
والسؤال الخامس لاني اختك ما بتعرف
والسؤال الرابع مرسي مرسي خجلتني

وامي بتحكيك فزعلتك نيالك يا عمي

[The Gentle Man]

مرحبا جنتل مان

مرحبتين
اهلا وسهلا

بتمنى تكون اسئلتي خفيفة عليك

ان شاء الله وراح نلاحظ هالشي بعد ما نجاوب

1-ما هو سبب إختيارك لهذا اللقب في المنتدى؟وهل أنت جنتل بالحقيقة؟

هالاسم كثير ناس حكولي اياه
وعجبني هالاسم
بس هلا بلاحظ انه ما رجعت جنتل
بس راح حاول ارجع جنتل زي زمان

2-لو عرفت أن حياتك حلم والناس بدهم يصحوك منه بتحب تصحى(تتغير حياتك)ولا بتحب تظل تحلم(راضي بواقع حياتك)؟

لا بحاول اظل مثل ما انا
ما بحب اغير الواقع الي انا فيه

3-بصراحة لو أُجبرت ع الكذب هل تكذب؟

قليلا جدا ما اكذب
بس ان انجبرت انه اكذب بكذب

4-(بعد والديك طبعا)مين أغلى انسان عندك بالحياة(اسمه وبدون أجوبة دلوماسية لو سمحت)؟

اغلى انسان على قلبي اخوي بس الله يهديه واختي انوس
وما ظل حدا غالي لانه مش ملاقي حدا بستاهل

5-لو رجع الزمان للورا ما اللحظات اللي ما بتحبها تتكرر؟ومن هم الاشخاص اللذين تتمنى إخراجهم من حياتك؟

بحب ارجع لزمن الطفوله
حيث كنت طفل ولا اروع منه
الي بدخل حياتي ما بيطلع
لانه حجز مكان
حتى لو زعلت انا وياه
لانه ما بخون العشرة

6- من هو الصديق الذي تثق به(صفته)؟

ما بكذب ولا بخون وان احتجته دائما بكون متواجد معي

7- لاحظت صلة عميقة بينك وبين أنوس,هل هي صداقة فقط ام أن هناك إعجاب؟وإذا في صلة قرابة بينكم فما هي؟

انوس هي قرابتي
ما بعرف كيف بس عرقتنا قوية يعني من العيله درجه اولى
وبالنسه الي هي من زمان اخت الي
والله يخليها وينولها الي بدها اياه

8-لو حصل خلاف بينك وبين شخص ما,ثم تراضيتم,هل من الممكن أن يصبح صديقك يوما ما؟أم أنك تحمل له حقد في داخلك لا يمكن إزالته مع الأيام؟

ما بحمل حقد على حدا
وان لا سمح الله زعلت على حدا
خلص
بحكي معه عادي
بس علاقتي معه راح تتغير 360 درجه لانه نظرتي اله تغيرت وصار شخص عادي بالنسبه الي
بس ما بنسى العشرة


بتمنى ما أكون أزعجتك

لا بالعكس
اسئلتك حلوة وممتعه


ولي رجعة ثانية إذا جد معي اشي جديد

اهلا وسهلا فيكي
بتنورينا

ويلكم ماي فريندز

[The Gentle Man]

السؤال التاسع ما اتجاوب
السؤال السابع حابب تتوقف شايفة
السؤال السادس اه ايهاب خربها
والسؤال الخامس لاني اختك ما بتعرف
والسؤال الرابع مرسي مرسي خجلتني

وامي بتحكيك فزعلتك نيالك يا عمي

تمت الاجابه على اسئلتك


شايفه كيف اني محبوب

[هدوء عاصف]

[align=center]
مساء الخيرات (جنتولتنا) منور الكرسي يا عزيزي


حبيبي محمد ، بدي تشكّل بطريقة بتشوفها انت انها مناسبة ، فريق كرة قدم من أعضاء منتديات الحصن ولا تنسى يا حلو الكابتن والمدرب والحَكَم ، طبعا الحَكَم خارج تشكيلة الفريق بس لا بد من اختياره ويكون حيادي تماما ..


شكّل فريقك وراجعلك بكومة أسئلة
[/align]

[The Gentle Man]

[align=center]
مساء الخيرات (جنتولتنا) منور الكرسي يا عزيزي


حبيبي محمد ، بدي تشكّل بطريقة بتشوفها انت انها مناسبة ، فريق كرة قدم من أعضاء منتديات الحصن ولا تنسى يا حلو الكابتن والمدرب والحَكَم ، طبعا الحَكَم خارج تشكيلة الفريق بس لا بد من اختياره ويكون حيادي تماما ..


شكّل فريقك وراجعلك بكومة أسئلة
[/align]

صباح الخير يا مان

انتي الي زدت الكرسي نور حبيبي

هاي التشكيلة ان شاء الله راح اخوض فيها كاس العالم بالبرازيل


وان شاء الله تطلع مناسبه





التشكيله الاساسية

عاشق الحصن

محمد العزام ___ عمار قسايمه __ توالي حب ___ العالي عالي


محمد حورية ___ بنت شديفات ____ شذى الياسمين


انوشه ___ انوس ___ بنوته اردنيه





المدرب : حسان القضاه قائد اسطولنا في المنتدى


حكم الساحه : شمعه امل

حكم الرايه 1 : جوري محمد

حكم الرايه 2 : دموع الورد


الحكم المساعد : دموع الندم




وبتمنى هالتشكيله تنول رضى وزارة الشباب


اهلا وسهلا محمود بأي وقت

[تحية عسكريه]

منور أبو حميد الكرسي

بطاقه تعريف عنك بإختصار

[تاج النساء]

بس انا ما بلعب كرة قدم

[The Gentle Man]

بنعلمك اللعب
وبخليكي تلعبي


بطاقه تعريف
الاسم : محمد ابو حماد
اللقب : جنتوله
العمر 23
تاريخ الميلاد : 10/02/1987
مكان الميلاد : الرمثا
الهوايه : لعب كرة القدم
العمل : موظف سياحه وسفر وحج وعمرة

[ملكة الاحساس]

لكان راح نيجي انا و الاعضاء عندك لحتى تسفرنا ازا ما عندك مانع جنتل مان

[The Gentle Man]

مو مشكله
اهلا وسهلا

وفي عضوين راح يطلعو مجانا هديه على كل عشر ركاب