غرفتك تحت المجهر

[دموع الغصون]

تسلميلي سنفورتي

1. أي الألوان تفضل /ي في غرف النوم ؟

الاحمر

2. ما هو لون غرفتك ؟

عسلي

3. كم شباك في بالغرفة ؟

واحد "وهو شبه شباك"

4. عندك بالغرفة بلكون أو لا ؟

لأ

5. ازا في بالغرفة صور لمين وكم صورة ؟

ما في "حرام الصور"

6. شي بغرفتك يعتبر الأميز في نفسك ويعبر عن شي خاص فيك ؟

المخدة

7. شيء مهم لازم يكون موجود بغرفتك ؟

المفتاح

8. شيء بغرفتك مو عاجبك ؟

كراكيب امي

9. شيء مو موجود بغرفتك بتتمنى يكون موجود ؟

بلكونة

10. ايش لون ستائر غرفتك ؟

بيج وعسلي

11. شو بتفضل أكثر تكون أرضية الغرفة سيراميك أو سجاد ؟ وشو في بغرفتك سيراميك أو سجاد ؟

بـ افضل السجاد، وفي بغرفتي سجاد

12. أكثر شيء بتحبه بغرفتك ؟

المراية

13. بتحب تقضي معظم أوقاتك بالغرفة ؟ وليه ؟

اه، بحس بخصوصية اكتر

14. أول ما تصحى من النوم بترتب سريرك ؟

لأ، بطلع مستعجلة لأنه بصحى متأخر

15. خزانة ملابسك مرتبه أو مو كتير بتهتم بترتيبها ؟

والله نصها مرتبة ونصها بدها ترتيب

16. الأشياء الي ما بتستخدمها الا نادرا وين بتحطها ؟

فوق كراكيب امي

17. في حد بشاركك بالغرفه ؟ ومين ؟

ما حدا، لـ حالي فيها

18. بتغير أماكن الأشياء بين وقت و آخر ؟

لأ، انا بحب التغير بـ كل اشي الا موقع التخت

19. جيب النا صورة على زوئك لأي غرفة نوم بتعجبك مو شرط غرفتك ؟



الدعوة لـ "صديقة بنت الشديفات"

زمردة
مشكورة على تلبية الدعوة
استمتعت جداً بأجوبتك المميزة تعرفنا من خلالها عليكِ أكتر
راق لي تواجدكِ أكتر
و أشكركِ على دعوة صديقة ولكنها لم تستجب لدعوة ولمدة طويلة
ياريت لو بدي غلبك تختاري عضو بعدك و أكيد الدعوة لازالت قائمة لصديقة باي وقت بتقدر تشرفنا وتشارك
ودي وشذى وردي لأرواحكم

[حبيبة نايف]

السلام عليكم ورحمة الله وبركاته

هلأ الناس بؤولو شو دخلها عالخط هاي بدون دعوة

بس معلش من حبي الشديد لترتيب ودكورات الغرف والمملكة الخاصة فيني

مع احترامي الشديد لزمردة اللي طلبت هدوء عاصف ومع احترامي لهدوء بذاته

. أي الألوان تفضل /ي في غرف النوم ؟
بفضل الألوان المريحة وماتكون فاقعة لأنه معروف شو دور غرفة النوم براحتنا وهدوء أعصابنا

2. ما هو لون غرفتك ؟
بيج وبني

3. كم شباك في بالغرفة ؟
واحد للأسف

4. عندك بالغرفة بلكون أو لا ؟
لا والله البلكون بالصالون

5. ازا في بالغرفة صور لمين وكم صورة ؟
الحمدلله مابحط صور فالبيت عشان وجود الملائكة مهم فبيتي

6. شي بغرفتك يعتبر الأميز في نفسك ويعبر عن شي خاص فيك ؟
أنا حريصة عالرومانسية بالغرفة فمددت حبل لمبات عشكل أقلاب عتاج السرير

7. شيء مهم لازم يكون موجود بغرفتك ؟
نفسي أحط ناموسية عسريري وبإذن الله عن قريب وللي مابعرف الناموسية هي الشيفونة اللي بتنزل من السقف بتغطي السرير يعني ماتفكروها الي بتبعد الناموس

8. شيء بغرفتك مو عاجبك ؟
اللي بكرهه بغرفتي سرير ابني نفسي أخلص من نومه معي بس للأسف لسة زغير سنة و4شهور

9. شيء مو موجود بغرفتك بتتمنى يكون موجود ؟
نفسي أحط كرسي هزاز أو كنباية

10. ايش لون ستائر غرفتك ؟
بيج

11. شو بتفضل أكثر تكون أرضية الغرفة سيراميك أو سجاد ؟ وشو في بغرفتك سيراميك أو سجاد ؟؟
بفضل الشغلتين يعني أنا أرض الغرف سيراميك بيج وحاطة قطع سجاد زغيرة جوانب السرير وبين السرير والخزانة لونه بيج وبني

12. أكثر شيء بتحبه بغرفتك ؟
فرش السرير لونه دهبي وكله شك ولابدلة عروس

13. بتحب تقضي معظم أوقاتك بالغرفة ؟ وليه ؟
ياريت لويصحلي أقعد فيها 5 دقايق بس مافي وقت يعني معظم وقتي مطبخ للأسف

14. أول ما تصحى من النوم بترتب سريرك؟
لأ :upset2:

15. خزانة ملابسك مرتبه أو مو كتير بتهتم بترتيبها ؟
والله أحيانا هيك وأحيانا هيك >>>>>زودتيها عاد السرير أمنا بالله كمان الخزانة كتير هيك

16. الأشياء الي ما بتستخدمها الا نادرا وين بتحطها ؟
بصراحة أول بأول عللجنة الخيرية اللي مابستخدمه كتير في غيري بحاجته

17. في حد بشاركك بالغرفه ؟ ومين ؟
أبو الشباب نايف وابني ومرات بنتي للأسف يعني حنصير 10 أفراد انام بغرفة النوم

18. بتغير أماكن الأشياء بين وقت و آخر ؟
لأ الغرفة مليانة مافيني أحرك شي من مكانه

19. جيب النا صورة على زوئك لأي غرفة نوم بتعجبك مو شرط غرفتك ؟؟
مالي بلفرفرة كتير بالنت السموحة منكم بس كل اللي قبلي حلوين وأحلى شي سرير ماي لايف حسيته لهيكل عظمي لأ ومعلق بالسقف

وسامحوني عاللقافة بدون دعوة

[طوق الياسمين]

مو مشكلة هدوء اعتذرلي مو قادر يدخل وانا دعيت حبيبة نايف

وهيها لبت الدعوة

[حبيبة نايف]

ياعمري يازوزو والله آسفة ماكان أصدي
تسلمي كلك زووووووووووء

[دموع الغصون]

طوق الياسمين بشكرك كتير على متابعة الموضوع واختيارك لهدوء و لحبيبة نايف
حبيبة نايف بشكرك كتيرعلى الاجابات الحلوه تعرفنا عليكِ من خلال هالاجابات
هلا الموضوع مفتوح للجميع
اي عضو حابب يشارك اله الحرية
اعتبرو الموضوع موضوعكو مارح كمل بنظام الدعوات الدعوه مفتوحه للجميع

[العقيق الاحمر]

1. أي الألوان تفضل /ي في غرف النوم ؟
الخمري

2. ما هو لون غرفتك ؟
خمري وابيض

3. كم شباك في بالغرفة ؟
شباكين

4. عندك بالغرفة بلكون أو لا ؟
عندي بلكون اطلالتها بتجنن

5. ازا في بالغرفة صور لمين وكم صورة ؟
في صورة واحدة إلي ولزوجي يوم العرس

6. شي بغرفتك يعتبر الأميز في نفسك ويعبر عن شي خاص فيك ؟
القرأن الكريم

7. شيء مهم لازم يكون موجود بغرفتك ؟
مخدتي ( ما بعرف انام من دونها )

8. شيء بغرفتك مو عاجبك ؟
عاجبيتني كلها

9. شيء مو موجود بغرفتك بتتمنى يكون موجود ؟
الفية(الظل) غرفتي مشمسة كتير وبتمنى بالصيف ما تكون شمس لانها بتكون شوب بالنهار

10. ايش لون ستائر غرفتك ؟
خمري وتحتيهم شيفون ابيض

11. شو بتفضل أكثر تكون أرضية الغرفة سيراميك أو سجاد ؟ وشو في بغرفتك سيراميك أو سجاد ؟؟
بفضلها موكيت وموجود فيها موكيت

12. أكثر شيء بتحبه بغرفتك ؟
اني فيها

13. بتحب تقضي معظم أوقاتك بالغرفة ؟ وليه ؟
لأ ما بحب..لانه غرفة النوم للنوم وبس

14. أول ما تصحى من النوم بترتب سريرك ؟
مباشرة

15. خزانة ملابسك مرتبه أو مو كتير بتهتم بترتيبها ؟
لااااااا مرتبة وتمام التمام

16. الأشياء الي ما بتستخدمها الا نادرا وين بتحطها ؟
بالخزانة العلوية

17. في حد بشاركك بالغرفه ؟ ومين ؟
اه في حد بيشاركني الغرفة
زوجي

18. بتغير أماكن الأشياء بين وقت و آخر ؟
لأ كل إشي مرتب مكانه

19. جيب النا صورة على زوئك لأي غرفة نوم بتعجبك مو شرط غرفتك ؟؟

[الوردة الاردنية]

1. أي الألوان تفضل /ي في غرف النوم ؟
الاحمر
2. ما هو لون غرفتك ؟
احمر واسود

3. كم شباك في بالغرفة ؟
شباك واحد
4. عندك بالغرفة بلكون أو لا ؟
لا
5. ازا في بالغرفة صور لمين وكم صورة ؟
في صور الي ولامي وابوي واخواني واخواتي يعني صور جماعية النا

6. شي بغرفتك يعتبر الأميز في نفسك ويعبر عن شي خاص فيك ؟
صورة لابن خالي طارق ، طفل بطير العقل وانا كتير متعلقة فيه لابعد الحدود

7. شيء مهم لازم يكون موجود بغرفتك ؟
جهاز الحاسوب نفسي احطه عندي بالغرفة بس ما اله مكان فحطيته بغرفة اخواني الشباب
8. شيء بغرفتك مو عاجبك ؟
ما في شيء

9. شيء مو موجود بغرفتك بتتمنى يكون موجود ؟
الحاسوب
10. ايش لون ستائر غرفتك ؟
احمر وبيج

11. شو بتفضل أكثر تكون أرضية الغرفة سيراميك أو سجاد ؟ وشو في بغرفتك سيراميك أو سجاد ؟؟
سجاد وفيها موكيت هلا

12. أكثر شيء بتحبه بغرفتك ؟
انه اختي بتنام فيها معي
13. بتحب تقضي معظم أوقاتك بالغرفة ؟ وليه ؟
اه معظم وقتي فيها لاني بحب اكتب فيها كتير هادئة وجوها حلو

14. أول ما تصحى من النوم بترتب سريرك ؟
اكيد

15. خزانة ملابسك مرتبه أو مو كتير بتهتم بترتيبها ؟
لا اكيد مرتبة اصلا ما بطيق انا تكون فوضوية

16. الأشياء الي ما بتستخدمها الا نادرا وين بتحطها ؟
بالادراج
17. في حد بشاركك بالغرفه ؟ ومين ؟
اه اختي
18. بتغير أماكن الأشياء بين وقت و آخر ؟
احيانا اذا جبت واشتريت اشياء جديدة

19. جيب النا صورة على زوئك لأي غرفة نوم بتعجبك مو شرط غرفتك ؟؟

[دموع الغصون]

[frame="4 10"]
العقيق الاحمر & الوردة الجريحة
مشكورات على المرور الرائع والمشاركات المميزة
أكيد تعرفنا عليكن أكتر من خلال هلااجابات ومن خلال معرفة اذواقكن فهي جزء من شخصياتكن
ودي وشذى وردي لأرواحكن
[/frame]

[طوق الياسمين]

F5

وبعد إذن [دموع الغصون]
خلينا ندعو هون "صديقة بنت الشديفات"

[دموع الغصون]

مع أنه كنت موقفه هالموضوع بس يلا بتموني طوق بنرجعله
بننتظر تلبيتك للدعوة صديقة