أردني ابن أردنية ( أيعني ذلك العنصرية ) !!!!!

[أميرة قوس النصر]

رائعه يا حلا على الطرح وشكرا لفتح الموضوع هاد
وين القصة اذا قال واحد انا اردني ؟!
او نعتت واحد وقلت اله انت فلسطيني ولا انا غلطان ؟
يعني وين المعضله بدي افهم ؟؟
من تجربتي كفلسطينيه الاصل واردنيه الجنسيه والاقامه شفت كثيير و جاريت احداث غريبه ومضحكة
يعني مثلا لو كنت مع ناس وانسالت من وين انتي انا تلقائيا بقول من جرش من مكان ولدت فيه وعشت في كل عمري مش من باب انه انكر هويتي الفلسطنيه ومرة انسالت وجاوبت واعتبرت خاينه او بتنكر لاصلي
القصة سهله جدا وعادي جدا احكي انا اردنيه وبحب هالبلد لانه بغض النظر عن الهوية الثانيه اللي بحملها انا هون ولدت وهون تعلمت وهو ن تربيت واذا اعتبر انتمائي للمكان اللي وعيت عليه انكار وخيانه لاصلي على غرار ما قالته كاتبه المقال يا سيدي فالي بده يفكر يفكر زي ما بده
الانتماء شغله اذا حسيت فيها مش شرط بهاي الحاله اكون عنصري بالعكس الشغله ابسط بكثير اهم شي ما تضر حد ولا تسبب اهانه لحد

[احساس المطر]

شكرا يا مها والله والله والله ردك احلى من الموضوع شكرا كتير الك..ومبسوطه كتير بمرورك

[khaled aljonidee]

والله الناس صارت تميل للشيء هاد كثير

العنصريه اصبحت جزء من حياة بعض النفوس المريضة

اردني بيغلط بحق انسان اصله فلسطيني و العكس كذلك

ربنا واحد و ديننا واحد و هدفنا واحد

ليش الاختلاف التافه هاد

الي عنده عنصريه بيكون ما عنده ادب وله حتى اخلاق

[anoucha]

اي عادي و نحنا كمان في بعض الاشخاص منبعض الجنسيات لا يطيقوننا و رغم هيك عايشين لازم هاي الاشيا ما تاثر علينا باي شكل من الاشكال

[جسر الحياة]

يسلمو كتير يا حلا لطرحك للموضوع

العنصريه : طريقه حقيره زرعها ويزرعها الاحتلال بيننا لكي يفرقنا .. حتى أن العدو يحاول زرعها بين أبناء القرية الواحده لا بل بين أبناء العائله الواحده ..

لماذا لا نحاربها بدل أن ندعمها ..

شكرا حلا ..


أردني عربي غيور ..

[Bashar qasaimeh]

موضوع رائع منك

يسلمو

[معاذ ملحم]

شكرا حلا على الموضوع المميز


أنا أردني .... إذن أنا منتمي للوطن ولقائد الوطن و للشعب الغالي


وإذا بحكي انه انا أردني مو بالضروره اني اكون عنصري ....

انا بحكي وبفتخر إني أردني لأني ولدت بالاردن وعشقت الاردن وترابه وحبات المطر اللي بتنزل بالشتاء

يا شباب المستقبل

أنا أردني وإنتا فلسطيني وهوه عراقي وهاذا جزائري واللي هناك مصري وبجنبه سعودي ..... بس لا تنسوا انه الوطن العربي هوه بلدنا الكبير و بنحب الوطن العربي مثل ما بنحب وطننا اللي انولدنا فيه .... بس السياسات الاستعماريه عملت على تقسيم الوطن علشان تثير وتخلق وتعمل نعرات ونزعات بين ابناء الوطن العربي .... والباقي عندكم .


دمتم بود ...

[Bashar qasaimeh]

العنصريه بين العرب هي نقطه ضعف يستغلها الغرب للتفرقه في ما بيننا
وقريبا ستصبح اوروبا شبه دوله واحده اما نحن العرب نفتخر باننا عنصريين
علينا ان نكون يد واحده بمعنى كلنا واحد

[نسرين المجالي]

اكيد لا .. موضع مميز ..

[سكوتي كلام]

اردنيين وما ننضام...

الموضوع شايفه بمنتدى اخر فهل هو منقول؟