لماذا الانبهار بالغرب (قابل للنقاش )

[M.Ballack]

طيب غسان انت بتحكي انه الغرب هو الاساس
طيب لما ما بعرف شو اسمو الي اكتشف اميركا
كان موجود العرب
وكان عندهم اكتشافات
حتى القوارب كانت موجوده قبل ما يجي ابصر شو اسمه وعمل السفينه وراح اكتشف هذيك البلاد
يعني انه العرب هم كان عندهم الاكتشاف
لكن الغرب عمل على التطوير
حتى اصبحت التايتنك وشبيهاتها
يعني الغرب فقط قام بالتطوير
صحيح الحضارة الي عملها الغرب
لكن الفضل يعود للعرب الي هم كانوا السباقين للاكتشاف


طيب اعطيني اختراع عمله الغرب
ما كان العرب عندهم مثله
ممكن تحكيلي غزو الفضاء مثلا
العرب ما كان عندهم امكانيات حتى يصلو لهدرجه هاي

[غسان]

محمد ما لحظت انك ظليت تحكي كان العرب وكان العرب ... هاي الاكتشافات العربيه مهمه بوقتها .. شوف الفرق بين الاكتشافات ... هذول وصلوا للقمر واحنا عملنا سفينه ...
تحكيليش ما عنا امكانيات ..؟؟؟ طب ليش همه عندهم ..؟؟ لانه عندهم حضاره

بعدين الغرب مش ممثلين بامريكا فقط ... اوروبا الغربيه بشكل عام ...

[M.Ballack]

انا بنظري يعتبر تطوير وليس الفضل لهم في الاكتشاف




حرية اراء وتعدد وجهات النظر

[محمد العزام]

شكرا للجميع على المناقشة

[Zhrt_ALm6r]

يبهرنا دائما احترامهم للقوانين
وننبهر بمساحة الحرية المعطاه من القانون للشباب
ويبهرنا اهتمامهم بأوقات العمل والانضباط و الاتقان فى العمل واذا بحثنانجد أنهم اتبعوا تعاليم ديننا الحنيف وأن ذلك هو سبب تقدمهم
و يبهرنا استيقاظهم مبكرين منذ السادسة صباحا ونشاطهم طوال اليوم
ونسينا قول سيد الخلق اجمعيم ( البركة فى البكور ) فنحن أول من خالفناهوبدلنا ليلنا الى نهار ونهارنا الى ليل ... فكيف نرغب أن يبارك اللهلنا فى يومنا
وننبهر بحريتهم المطلقة فى الشوارع ... ونلوم ثقافتنا المحترمة
اهذا ما يبهرنا بهم ...........
وتبهرنا الصداقات بين الشبان والفتيات وتتطلع كل من لأن يكون لها صديق
( boy friend )
يا فرحتى ... بالاخلاق والقيم

اهذا ما يبهرنا ........

وننبهر بمطرباتهم الفاجرات والشاذات جنسيا ونحاول تقليدهم فى ملابسهموحركاتهم دون أن نفهم معانيها
ونسينا أن ( المرء يحشر مع من أحب ) فهل هذا ما يليق بنا يا مسلمين
ننبهر و ننبهر ..... و ننبهر
اشياء كثيرا تبهرنا ونسيتا أن كل ما يجب أن يبهرنا بهم هو
العلم وحب المزيد من التعلم ... الاتقان .... الاخلاص ..... النظام
و كل هذا اخذوه من ديننا الحنيف
وهم أول من أساؤا الى ديننا و حبيبنا محمد عليه الصلاه والسلام
فلا تقلدوهم أو تنبهروا بهم فهم ينقلون الينا كل مشين وفاضح
ويحتفظون بكل ما هو جيد بعيدا عنا

[محمد العزام]

رائع زهرة المطر
كلامك واقعي وحقيقي

ولكن حصل ما حصل واصبحنا نقلدهم بكل شي نقلدهم كما ذكرتي بكل شيء مشين ونسينا ان نقلدهم بما هو جيد

والسؤال الذي يجب ان نواجهه هو الحل لما وصلنا اليه
هل سنقى هكذا واذا اردنا التغيير ما هي الحلول والمقترحات ؟؟؟؟؟

[Zhrt_ALm6r]

الحلول كثيرة
وفي مقدمتها
الرجوع الى ديننا

[محمد العزام]

بالفعل هو اهم شي الدين

الدين هو الاساس

وبعد الدين التربية الصحيحة والسليمة من الاهل كمان البيئة اللي بعيش فيها كل انسان بتكون مهمة لتنشئة صحيحة


مشكورة زهرة

[Ahmad zo3bi]

هم افضل منا واللي شفته انكم عم تحكوا عن التاريخ واحنا هاد اللي فالحين فيه نظل نسولف عن التاريخ ونربي كروش ...بصراحة انا ما عشت التاريخ وما الي بالتاريخ ... الحاضر بقول انهم افضل منا بكل شيء ومتفوقين علينا بكل شيء ,,,,اذا ما قارنت بين عربي وغربي لجزئيات الامور مثل احترام الوقت والتفاني في العمل واحترام الاخرين وعدم الكذب والنميمة والنمط الغذائي والمعيشي ونظافة الجسم بتلاحظ فرق شاسع بكل شي وفي التطور التكنولوجي ما بنقدر نتكلم لأنهم خارسينا ... واحنا العرب بالفعل عالة على الامم وما النا اي فائدة تذكر هاد الكلام مش جلد لذاتنا بس هاي هي الحقيقة المرة ....اذا حبينا نحكي عن حضارتهم وسلبياتها ما بنلاقي بطريقنا غير الانحلال الاخلاقي وبنبلش هم ابناء زنا وهم شاذين ومش عارف شو ....لأنه مش ملاقيين غير هالثغرة عندهم وماسكينا عالطالعة والنازلة ...واللي بسمع بقول انو العرب مش منحلين اخلاقيا بالمرة والانحطاط الاخلاقي اللي وصلوه مش مذكور نهائيا....والله يا اخوان ما رح تعرفوا قيمت حضارتهم غير لما تتعاملوا معهم ورح تلاقي فرق كبير بين تعاملك مع اجنبي وتعاملك مع ابن الصحراء اللي ما بستحم بالشهر مرة...

[محمد العزام]

زي ما انتم ملاحظين الموضوع كان فيو نقاش كثير بين الاعضاء لما نزلت الموضوع
دوركم يا الاعضاء حاليا
يكون في نقاش ونتوصل لراي معين ونتفق عليه

هل بالفعل اننا اصل الحضارة والغرب الذي طورها ام من هم الاصل في كل شيء ومايقال عنا مجرد كلام لنبرر خذولنا وانهزامنا امامهم

ننتظر المزيد