" هدوء عاصف " ضيف كرسي الاعتراف

[هدوء عاصف]

عدنا .... سلامتك ازا بدك راحة خد وقتك لانه مو مستعجيلين لأنك هون لشهر محبوس
1- شو أخدت من اسمك ؟؟

2- مين بدلعك بالبيت ؟؟؟ أو خارجه ولماذا؟؟

3- انا ذاكرة المشاجرة كانت حلوة بس الاحلة لزقتك بالمنتدى وبمناسبة لفظك (لزقتني) كيف محمود مع استخدام بعض الالفاظ في حين وجود البديل لها ، متى وأين ومع من تستخدمها؟؟

4- ما نوع الاشجار التي تحب أن تغرسها بيدك ولماذا؟؟

5- متى ىخر مرة لقطت فيها شي مع خالتوا ام محمود؟؟

6- لو أخبرتك بانك (مجنون) شو بتحكي يا مجنون؟؟
7- لمن تقرا من الشعراء؟؟؟ وما المواضيع التي تستهويك لقرائتها؟

8- بتعرف تطبخ؟؟ أو تعمل اي نوع حلويات؟؟

9- لو لو لو حكيتلك تعى ع قطر راح ترضى بسهولةبس ع حسابك؟؟

10- بدك أرجع أسالك ولا زهقت ؟؟

1. اخدت من اسم محمود (انو كل الناس بتحبني ) الحمدلله

2. بالبيت ما حدا .. بس صحابي وحبايبي بحكولي حمادة .. بجوز بشوفوها احلى!

3. انا بستخدم اي لفظ يمكن استخدامه وفي اي وقت ما بتفرق معي المهم يصل المعنى بالشكل المناسب .. وانتي بتعرفي انو اللهجة الفلسطينية مليئة بالألفاظ المتنوعة والمعبرة .. فما بقصّـــــــر !!

4. زرعت بإيدي بحياتي بجوز مرة وحدة.. جبت شتل زيتون من جرش زرعتها بأرضنا .. وهلأ ما شاء الله صاروا (هلقد الحبة) عليهن!!!!

5. ههههههههههه انتي بتعرفي متى وشو لقطت هههههههههههه

6. بقول (روحي عني ياااااااااا قرفتيني بأسئلتك البايخة) ههههههههههه

7. بالنسبة للشعراء احب اشعار نزار قباني .. باستمرار اتابعها .. بالنسبة للمقالات اتابع مقالات السياسة في الصحف اليومية او في البرامج الحوارية في التلفزيون.

8. ومين قال اني ما بعرف اطبخ!! انا اللي بعرف.. مرة قعدت بالعقبة والبترا لحالي بحدود شهر .. وكنت اعمل تشيكن ومنسف ومقلوبة .. وشاطر بفرم الملوخية يا حجة وبعرف اعمل فتوش وكبسة وبعجبك بالهبر .. يعني نيال اللي بدها تاخدني

9. باجي عطوووووووووووووووووول وما بأخر ما اختي ساكنة عندكم .. بالنسبة للحساب ما بنختلف ابعتيلي التذكرة وبحاسبك بس اوصل

10. ما بزهق انا اسألي يا هنووووووووووووو ..

[عاشق الحصن]

انت كانه مدعي عليك وقعت وما اتسمى عليك

شو بتعنيلك الكلمات التاليه

الحب

الورد

الريحان

الزمن

الطير

الهدوق

العاطفه


السؤال الثاني

مين اكثر عضو اثر فيك او شخصيته جذبتك في المنتدى ؟؟؟

لا تخاف انا نايم بس اصحى حطلك اسئله حلوه هيك مثلك

بس دير بالك كل هالأسئله مخطوبه

[تاج النساء]

مرحبا هدوء >>>
بتسمع اغاني ولمين بالتحديد؟؟
عيلة تميم من اي بلد؟؟
قلي شو بتعنيلك كلمة حق؟؟
لو حصل وتهددت بطريقة غير لائقة من قبل عضو بالمنتدى شو بتعمل؟؟
واختار بنت في المنتدى غير شذى البنفسج تالقت في وقت محدود بناظريك؟؟

[هدوء عاصف]

انت كانه مدعي عليك وقعت وما اتسمى عليك

شو بتعنيلك الكلمات التاليه

الحب

الورد

الريحان

الزمن

الطير

الهدوق

العاطفه


السؤال الثاني

مين اكثر عضو اثر فيك او شخصيته جذبتك في المنتدى ؟؟؟

لا تخاف انا نايم بس اصحى حطلك اسئله حلوه هيك مثلك

بس دير بالك كل هالأسئله مخطوبه

الحب: أجمل رفيق

الورد: يبعث في النفس البهجة .. احبه حتى مع اشواكه

الريحان: يملأ المكان شبابا وعنفوان .. استخدم دائما الصابون برائحة الريحان

الزمن: يسرق كل اللحظات الجميلة .. اتمنى لو يتوقف

الطير: احسده !!

الهدوء: يكسبك مواهب لم تتخيلها من قبل ..

العاطفة: فطرة الانسان .. من تركها خسر نفسه




مين اكتر عضو شخصيته جذبتني؟؟؟

بصراحة .. حســـــــــــــــان اكتر شخص عجبتني شخصيته ..
بعد حسان مباشرة انت يا زيد وبدون مجاملة والله بس لإني شفتك وتعرفت عليك عن قرب .. ما بعرف في كتير اعضاء ما شفتهم بجوز يكون فيه كتيرين جذابين


شكرا زيد على الأسئلة وانا بانتظار المزيد لا تخاف

[هدوء عاصف]

مرحبا هدوء >>>
بتسمع اغاني ولمين بالتحديد؟؟
عيلة تميم من اي بلد؟؟
قلي شو بتعنيلك كلمة حق؟؟
لو حصل وتهددت بطريقة غير لائقة من قبل عضو بالمنتدى شو بتعمل؟؟
واختار بنت في المنتدى غير شذى البنفسج تالقت في وقت محدود بناظريك؟؟

أهلا انوس فيكِ مرة تانية منورة


انا ما بسمع اغاني الحمدلله عودت نفسي على هالشي.. لكن زمان كنت كتير احب اغاني فضل شاكر.. فيه هالأيام كتير اغاني حلوة ومعبرة .. بتابع على الدوام كلمات الاغاني وبحب اردد اجملها.. ما في اجمل .. انو يكون لسان الانسان يردد الكلام الحلو والجميل ..

انا يا انوس من عائلة التميمي والأصل من مدينة الخليل .. لكن عشنا حياتنا بمدينة طولكرم بعد الـ 67 لإنو سافر الوالد على الكويت ولما رجع كانت املاكنا بالخليل كلها مصادرة للأسف.. ترى من الصحيح انك تقولي تميمي او تميم بدون (الياء) والأصل واحد وهو من مدينة الخليل ..


================================================== ========

هلأ لو واحد قام بتهديدي في المنتدى فيا ترى فكرك بهتم!!

ولا كأنه في اشي !!! ليس حدا حكا اشي !!!!

================================================== ========


بالنسبة لبنت في المنتدى .. كإنك عارفة يا انوس اني بدي اختار شذى البنفسج لإنها فعلا متألقة..

اذا بدي اختار غيرها .. فصدقيني دورت ودورت وما لقيت غيرك يا انوس .. والحق يُقال يا انوس وبدون مجاملة والكل بعرف .. انك صرتي قريبة مني ومن كل الاعضاء بفترة قصيرة جدا .. وكتيرين من الاعضاء القدامى حتى الآن ما وصلوا للدرجة هاي.. خليني اقول انو التميز بلعب دور بالموضوع .. ولا شو رأيك




شكرا كتير على الأسئلة ...

[دموع الورد]

ساستغل الفرصه لتقديم شي جزء من ما تستحقه ٠٠٠٠٠٠ تتهادى الحروف بكلماتها لتجسد لك اجمل عبارات الشكر والثناء

إن الكلمات لتقف عاجزة ، والعبارات تائهة ، بل و الأفكار قاصرة حينما نريد أن نقدم شكرنا لك


دائماً هي سطور الشكر تكون في غاية الصعوبة عند الصياغة


ربما لأنها تشعرنا دوماً بقصورها وعدم إيفائها حق من نهديه هذه الأسطر ..


واليوم تقف أمامي الصعوبة ذاتها


ولكن سأخط ما أستطيع من كلمات الشكر والعرفان التي لاأعلم


هل سأتقن صياغتها أم لا 00
علمتنـــــــــــي انا شخصيا بما يكفي لا بل لم اتروى من المعرفه٠٠٠ اشكرك انا شخصيا لما قدمته من ابداعات وعسى ان تبقى هكذالتفيدني و تفيد غير فعلا شكرا
لي عوده

[بياض الثلج]

يمه طيب ليش ماسك العصاية

أفطرت اليوم؟؟
تغديت؟؟
تعشيت؟؟؟
كيفك اليوووم؟؟؟
رااااجعة

[هدوء عاصف]

ساستغل الفرصه لتقديم شي جزء من ما تستحقه ٠٠٠٠٠٠ تتهادى الحروف بكلماتها لتجسد لك اجمل عبارات الشكر والثناء

إن الكلمات لتقف عاجزة ، والعبارات تائهة ، بل و الأفكار قاصرة حينما نريد أن نقدم شكرنا لك


دائماً هي سطور الشكر تكون في غاية الصعوبة عند الصياغة


ربما لأنها تشعرنا دوماً بقصورها وعدم إيفائها حق من نهديه هذه الأسطر ..


واليوم تقف أمامي الصعوبة ذاتها


ولكن سأخط ما أستطيع من كلمات الشكر والعرفان التي لاأعلم


هل سأتقن صياغتها أم لا 00
علمتنـــــــــــي انا شخصيا بما يكفي لا بل لم اتروى من المعرفه٠٠٠ اشكرك انا شخصيا لما قدمته من ابداعات وعسى ان تبقى هكذالتفيدني و تفيد غير فعلا شكرا
لي عوده

فعلا اوصلتني لحد السكوت .. انني يا اختي الكريمة لأعجز عن وصف كلمات الشكر والإمتنان التي ابثها اليكِ رغبة في تقديم اي جزاء لمعروف فضلك وكرمك ، فيما غمرتني به من اجمل العبارات والأوصاف ، ليتني اصل معكِ يا (دموع الورد) ويستطيع قلبي الصغير التعبير عن مدى احترامي الشديد لكِ ، وانني في هذه المناسبة لأتقدم اليكِ شاكرا ممتننا لتواجدك الرائع بيننا ، ولما تقدمين من بوح القلوب والمشاعر ، تتجسد جميعها في اجمل المواضيع واكثرها تميزا وتنسيقا .. انني كفرد من هذه المنتديات الراقية لأفتخر ان اكون معكِ ومع اخواني جنبا الى جنب في تقديم كل ما هو مميز ورائع ومفيد.

اختي دموع الورد .. اشكر من أتاح لي الفرصة لأعبر لكِ عن مدى اعجابي بتواجدك العطِر بيننــــــا .. وارجو من الله العلي القدير ان يوفقني لأكون عند حسن ظنكِ وظن اخواني ..


شكرا لكِ

[هدوء عاصف]

يمه طيب ليش ماسك العصاية

أفطرت اليوم؟؟
تغديت؟؟
تعشيت؟؟؟
كيفك اليوووم؟؟؟
رااااجعة

اهلا بياض الثلج منورة اليوم

ما بحمل عصاية انا بجوز فهمتي الموضوع غلط!!


اليوم اكيد افطرت .. وتغديت .. بس لسا ما تعشيت !!

انا الحمدلله كتير منيح احسن بكتير من مبارح.. مبارح كان المريخ ببرجي .. ما بتابع ابراج بس على النكد اللي كان صايبني فأكيـــــــد انو المريخ كان موجود.. هاي شغايله !!

[تاج النساء]

"يعني انا كتير بحب شخصيتك لهيك بسأل"

لو بدك تختار بين الشمس والقمر شو بتختار وليش؟؟
انت من الاشخاص الي بتحكي الصراحة ولو رح تزعل او لأ؟؟
شو بيعنيلك ابوك؟؟