لماذا الانبهار بالغرب (قابل للنقاش )

[دموع الغصون]

قضية جميلة جداً ..
للغرب بصمات واضحة لا يمكن إنكارها .. لكن هناك قاعده أساسية كانت سبب في نهضة الغرب وتوفير الوقت والجهد عليهم هي العلوم العربية الاسلامية و ما كان منذ زمن .. لكن بفترة دخل العرب في سبات عميق و عدنا إلى قرون ماضية .. و هم تقدمو وأثبتو تقدمهم بكل المجالات .. و لم يكتفو بالتقدم بل دفعو بعربتنا إلى الخلف .. كلما تقدمت عربة العرب خطوة عملو على ارجعائها تلات خطوات ..
تكمن قوتهم بواقعيتهم وعمليتهم و اتحادهم و سياستهم الصحيحة في إدراة الامور وعقولهم و ما ينفقوه على العلم و البحث العلمي .. و ايضاً لقدراتهم المالية و الاقتصادية وسيطرتهم السياسية ..
لن يكون لنا طابعنا الخاص أبداً .. طلما نحن في صراعات داخليه وتفرقه و أنانية و مصالح و امكانيات محدوده و ودفن للعقول و حكر للأبحاث و استغلال خارجي لخيرات بلادنا .. لن نصل أبداً .. و لن نتقدم .. وسنبقى تحت جناح الغرب .. و فضلات علومهم و تقدمهم .. وسيبقو هم المسيطرين على العقول العربية.. الناهبين لخيراتنا و لمواردنا و من يمنحونا مساعدات من أوطاننا و من يقتسمون قوت أيامنا ..
لماذا نرضى لأنفسنا أن نكون توابع لهم .. هذه المسأل أكبر من أي تصور فقد ذكرت سابقاً بأن وجودنا يخدم سياستهم .. ولن يسمح لنا بتجاوز السقف الأعلى لحريتنا كعرب و مسلمين
هم قلدونا منذ زمن وتقدمو علينا و أصبحو في القمة .. ونحن لازلنا في قاعدة الهرم و قد حجمو من امكانياتنا
.
.
.

راق لي كثيراً المرور من هنا

[محمد العزام]

انا معك دموع ... بس الا بشغلة وحدة وهي توفر القوة الاقتصادية ....بالعكس العرب بيملكوا قوة اقتصادية اكبر من الغرب ... اكبر مثال شوفي دول الخليج اصلا هم المصدر الاساسي لقوة الغرب الاقتصادية ... بعتقد هون المشكلة الاساسية بالموضوع وهي توفر الاقتصاد القوي لحتى تحقق طموحك وانجازك

[دموع الغصون]

محمد أنا وضحت بردي من قبل
عندنا موارد اقتصادية وكفاءات بشرية وعقول قادره
لكن انا حكيت سيبقو هم المسيرطين على خيراتنا ومواردنا وهمه يلي بوزعو علينا خيرات البلاد
الخليج اوك كقوة اقتصادية هي بتاخد درجة عالية عالمياً لكنها مو بايدنا مو تحت سيطرتنا
خيرات العرب مو بايدنا ولا اقتصادنا بايدنا
و في كتير صناعات ممنوع نعمل عنها مجرد دراسات مو نصنعها
يعني كل شي عندنا بس همه مقلصين دورنا محجمين امكانياتنا بدهم نضل تحت جناحهم

وصلت الفكره ؟؟

[محمد العزام]

وصلت ...سوري شكلو كنت نايم واانا بقرا هههههههههههههه


انا رح اغير الوضع باذن الله بس بدي شوية مصاري والباقي علي ...الدعم منكم وغير هيك خلوه علي

[دموع الغصون]

ازا بخلوك وصلت اوك و خد الدعم مني

إن شاء الله هاد الجيل بكون قادر على تغيير يلي صار

من فترة جابو لقاء مع شب من العزام ببرنامج يوم جديد كنو
هو ومجموعة شباب اردنين ضمن فريق حسب ذاكرتني ازا ما خانتني هيك اسمهم " oasys " بمسابقة لمايكرسوفت طبعا فازو بالمنحة وبيل جيتس شخصياً هو يلي طلب مقابلتهم

يعني عندنا طاقات عندنا ابداع عندنا رياده بالأفكار بس مافي متابعة مافي امكانيات ما في تغطيه

مين يلي تبناهم الغرب

[محمد العزام]

والله طلعنا مش قليلين اهل العزام
بالفعل اول حد بتبى افكارهم هم الغرب
امبارح بالصدفة طلاب من التكنو كانوا بالمول ووقفت معاهم ومابعرف شو عاملين زي الاختراع عن الامراض وطرريقة علاجها وزي ماحكيتي في بالجامعة دكتور من امريكا طالب يجتمع معاهم ويعطيهم فرص عشان النهوض برايهم وفكرتهم يعني خلص هالطلاب بطلوا من ممتلكات الدولة الاردنية .... والله اشي بجنن اللي بصير

[shams spring]

سبحان الله يوم الخميس كنا بنتناقش مع الدكتور على نفس النقطة
.............................................
الدكتور كان عايش في بريطانيا ... وحكالنا شوي عن نمط الحياة هناك
وبلشو الطلاب ليش رجعت ... حدا بترك بريطانيا وبيجي على الاردن ومن هالحكي

الدكتور شو حكى : انا كنت متلكم في البداية شايفها شي كتير ومبهور فيها
لكن لما عشت فيها وتعايش معهم ...لقيت انه مش صح انهم هم دايما احسن منا
ومش صح انهم هم اكفء منا ...
المشكلة انهم هم بكونو عاديين : بس بلاقو تحفيز مادي ومعنوي بيدفعهم للعلم والاكتشاف
لكن عنا يكون الانسان متميز وما بلاقي شي محفز ...فبروح لبرا وببدع وبكتشف لكن هاد بكون تحت مسمى الدولة يلي هو حاليا فيها

لكن كجانب عملي وتعليمي فهم متقدمين عنا بشكل ملحوظ
...........................................

اكيد يا محمد كلنا بنعرف انه اغلب الاكتشافات والاهتراعات بكون ورها شخص عربي
العلم من يوم يومه احنا اصلة ....لكن مين الي كمل ؟؟ مش احنا
احنا تركنا العلم والتقدم وبلشنا باشياء تانية .. ولما الغرب بيكتشفو شي ...احنا بناخدة

تصور حتى على المواد الدراسية في الجامعة
انا بخف عقلي لما اخد مادة بطريقة تعلم صعبة ... مع انه في الوقت الحاضر طوروها وعدلو عليها وما في اسهل من تعلمها

طيب ليش يا رئيس ....... ما بتغيرها ....؟؟؟ قال هاي الخطة

افهم منك يعني انه الخطة : تلقين ... حفظ.... اشي محنط مش لازم يتغير

طيب شو العلم اذا ما طور يوم عن يوم ... وتعدل عليه كل يوم واكتشفنا فيو اشي جديد


مبهورين بالغرب ...اه مبهورة بعلمهم بطريقة تعليمهم ... اسلوب حياتهم العملي وليس الاجتماعي

يمكن فعلا متل ما حكت دموع احنا عنا خيرات عنا موارد لكن مش قادرين نتحكم فيها
وشو الفايدة !!!!!!!!!!!

مشكوووور محمد على الموضوع الرائع اجا بوقته

[أمجاد الشموخ]

محمد كالعادة مبدع بانتقاء أجمل الحوارات والنقشات
صحيح انه الغرب عالم متطور وأنا بصراحة منبهر في الصناعات
إلي يقدموها من تكنولوجيا متقدمة ورائعة فاقة القدرات البشرية
ولكن لو نأتي للواقع وفي القديم أن بعض الأمور مثل الطب وبعض الصناعات هي أصلها عربي بس للأسف العرب ما حافظ عليها وتطورها
لأسباب اقتصادية مادية لا اعلم بس لو نظرنا للغرب من الناحية الايجابية
بتشوف إنهم يقدروا اليد العاملة ويعطوهم حوافز مبهره بس في العالم العربي رغم قوة اقتصاده ما في هيك حوافز الغرب عنده سياسة حلوه كثير بتقدير صناعته بغضي النظر عن نوعية الصناعات أهم نقطة عند العرب إصلاح ألابنيه التحتية وكأنهم يبحثون الجمال وتاركين الأمور المهم هالي يجب أن تتوافر لكل فرد عربي ما في حوافز ما في تقيم مثل الغرب
هذا رأيي باحترام أي صناعة غربيه أو عربيه بس أتمنى نشوف جيل قادر على تغير بشكل جدري وبناء صناعة تكون مميزة تضاهي صناعة الغرب بكل شي بشكرك محمد مودتي لجهودك

[محمد العزام]

مشكورة شمس
مشكور امجاد

بس كلنا بنصل لنفس الحلقة الضائعة ونفس الدائة حتى الواحد بصيباو دوار براسه

توصلنا لنفس الراي

بس بدنا نوصل لحل حتى لو كان مثالي او من الصعب ان يطبق ...مجرد افكار يمكن تكون مسموعة من غيرنا او نحاول نوصلها بجلساتنا وباعمالنا وبكل شي

؟؟؟؟؟؟؟؟؟؟؟؟؟؟؟؟