" أحمد الزعبي " ضيف كرسي الاعتراف

[Zhrt_ALm6r]

مساء الخير " ابو محمد "

اتمنى ان يكون الكرسي مريح على الاخر

واليك اسئلتي :

1. متى يكون احمد الزعبي سعيدا ومتى يكون حزينا ؟

2. مقلب وضعت فيه من احد الاصدقاء ؟

3. لمن تعطي هذه الالقاب ؟
( القلم الذهبي- العضو المميز- عضو ما في منه اثنين - عضو تحب متابعه مواضيعه -ورده حمراء - ورده بيضاء - مكنسه ) ؟

4. من هو العضو الذي تحب المزاح معاه في المنتدى ؟

5. ما رايك في الاعضاء الذين يسجلوا معنا في المنتدى ولا يشاركوا بكثرة ؟

6.من هو الشخص الذي اذا غاب عن المنتدى تسأل عليه ؟

7.من اول من لفت انتباهك في المنتدى ؟

8. ما رايك في الاسئله التي ُقدمت لك
"انا هل ازعجتك او بالعكس" ؟

[Ahmad zo3bi]

اهلا وسهلا على كرسي الاعتراف
اهلا فيك محمد

واسف على التأخير
عندي متحان ومش فاضي

مش مشكلة اللي بسأل بسد

اسئلتي هي كالتالي :

الاسئله الشخصيه
طيب ليش بتدفش

1- عندما كنت صغيرا , ما هو اكثر شي كان يحزنك او يجعلك تتضايق ؟

ما بقدر أحكي بحتفظ فيه لنفسي بس في الي خالة بكرها ولحد هسه ما بسلم عليها

2- بعمرك تمنيت الموت بسبب وضع كنت موجود فيه ؟
مرة وحدة عملت حركة سيئة جدا مع أبوي وسببتله احراج وكرهت نفسي وبالفعل تمنيت الموت

3- لو حبيبتك خانتك شو بتعمل , بتنساها وما بترجع تفكر فيها .
طبعا رح انساها

4- على فرض انه طلبت منك السماح شو بتعمل ؟

اذا كنت بحبها.. ما بسامح

5- ما هي حكمتك بهالدنيا ؟

حكيتها لحلا ...من الغباء ان تتعامل مع الناس على انهم اغبياء

6- اذكر موقف طريف صار معك ؟ لا تخاف مش راح نضحك عليك

انا حكيت موقف صار معي بالتوجيهي بجاهة أختي لما كان النائب المهيدات من الجاهة وطلعت عليه بشبشب الحمام وكان اصبعي ازرق لأنه كان واقع عليه باب الخزانة وكان شعري طوله مترين ورحت اصبله القهوة واتدعثرت ووقعت القهوة عالنائب وعلي وتبهدلت بصورة حلوة

7- احلى فترة بحياتك شو هي ؟؟

فترة الطفولة لحد اخر الصف السادس بالفعل احلى فترى بالحياة

8- شو بتحكي عن اعز اصحابك ؟ وعن شخص بتكره ؟

اعز اصحابي لو لفيت الكون ما بلاقي زيه ... وعن شخص بكره بكفي اني بكره يروح ينتحر احسنله

الاسئله الرياضيه

1- اكثر 5 فرق بتشجعهن ؟

برشلونة ...ليفربول ...اي سي ميلان ... فيردير بريمن ...واي فريق بلعب ضد الريال

2- اذكرلي 12 لاعب من فريق برشلونه ؟
..سؤال صعب
فالديس....بويول ..ماركيز ..الفيش ..ابيدال...كزافي ...ميليتو
..انييستا...كيتا ...توريه...سيلفينهو...ميسي ...ايتو ..هنري ...بويان..
كاسيريس...جوديونسون..هليب...بيكي

3- شو شعورك بعد ما كان الفرق 12 نقطه واصبح 4 نقاط ؟ مع احتماليه الخساره اليوم والفارق يصير نقطه

شعور عادي الدوري محسوم...الخسارة اليوم احتماليتها اكبر للريال ...بعدين وصلنا نهائي الكأس وما شيين بشكل ممتاز بدوري الابطال وبالدوري متصدرين

ما هو منتخبك المفضل ولماذا ؟

ايطاليا ...ما بعرف حبيتهم من سنة ال2000 ...وشجعتهم بنهائي مونديال 94 مع اني ما كنت اعرف مين بيلعب

واسف على هالاطاله عليك

عرفت حالك انك طولت يعني

شكرا محمد

[Ahmad zo3bi]

مساء الخير " ابو محمد "

مساء النور زهرة المطر

اتمنى ان يكون الكرسي مريح على الاخر

في اكمن واحد دمروني بأسألتهم بس اشوفهم بصير خير


واليك اسئلتي :

تفضلي

1. متى يكون احمد الزعبي سعيدا ومتى يكون حزينا ؟

سعيد لما أحس اني بعمل شي صح ومو مزعل حد

حزين لما بعطي لانسان كل ما عندي وما يمنحني الثقة

2. مقلب وضعت فيه من احد الاصدقاء ؟

بصراحة المقلب اللي صار معي يوم العطلة من الصديق عمر الريماوي وصلني الحصن عالفاضي....بالعادة كانت علاقتي مع اصدقائي احترام متبادل ما كنت من محبي المقالب انا وهم

3. لمن تعطي هذه الالقاب ؟
( القلم الذهبي ..حسان القضاة
العضو المميز...غسان
- عضو ما في منه اثنينزهرة المطر
- عضو تحب متابعه مواضيعه...زهرة المطر
-ورده حمراء -لحلا
ورده بيضاء -دموع الورد

مكنسه ...لعبادة وعمار) ؟

4. من هو العضو الذي تحب المزاح معاه في المنتدى ؟

مها

5. ما رايك في الاعضاء الذين يسجلوا معنا في المنتدى ولا يشاركوا بكثرة ؟
يمكن في الهم اسبابهم ويمكن هدفهم الدخول لأخذ برنامج معين لكن بالاخر هم اكيد خسرانيين لأنه بالفعل منتدى مميز
6.من هو الشخص الذي اذا غاب عن المنتدى تسأل عليه ؟
زهرة التوليب
7.من اول من لفت انتباهك في المنتدى ؟
مها

8. ما رايك في الاسئله التي ُقدمت لك
"انا هل ازعجتك او بالعكس" ؟

بالعكس أسئلة خفيفة كتير وحلوة ...شكرا زهرة المطر

[أميرة قوس النصر]

اقتباس:
المشاركة الأصلية كتبت بواسطة Ahmad zo3bi
ما رح اجاوب لا تحاولي

[عُبادة]

اقتباس:
المشاركة الأصلية كتبت بواسطة Ahmad zo3bi
ما رح اجاوب لا تحاولي

[Zhrt_ALm6r]

رح ضل طلطل عليك بالاسئلة

وهدول جزء من الاسئلة:

1. متى يقسو قلب أحمد الزعبي ؟

2. كيف تواجهه من يخطئ عليك... بتهمة أو كذبة أو سوء ظن؟

3. يقال إن - الحقيقة مــرة - ... هـــل واجهتك هالمقوله في حياتك ؟

4. شو الشيء اللي تحبه بشخصيتك؟

5. الشيء اللي تتمنى يكون موجود عندك؟

6. الشيء اللي تتمنى تغيره؟

7. ما الذي تخشاه أو ترفضه وأنت تجلس على كرسي الاعتراف؟

8. في حياة الكثير منّا تمر أوقات نلجأ فيها للصمت ..أنتَ

متى تلجئ للصمت ؟

9. أحبــك ... الله لا يحرمني منك لمن تقولها ؟

10. ما هو أكثر أمر ندمت عليه ؟

11. ما الاسم المفضل عندك - للشباب , للصبايا -؟

12. شو المكان الي بتروحه لما تزعل ؟

تعبت ولا لأ ؟

بكير لا تتعب لانو فيه اسئلة جديدة

[جسر الحياة]

أهلا وسهلا فيك أحمد (أهلا قرابه )




سؤالي وحيد هو :

ما هي نظرتك للصداقه ؟؟
وهل أنت مع أن يكون لك أصدقاء كثر بغض النظر عن صفاتهم ( حسناتهم وسيئاتهم ) ؟؟

...

وشكرا لأنك رح تجاوب عليهم

[Ahmad zo3bi]

رح ضل طلطل عليك بالاسئلة
طلتك حلوة مو مشكلة ...واسألي زي ما بدك

وهدول جزء من الاسئلة:

1. متى يقسو قلب أحمد الزعبي ؟

يقسو بمواقف مختلفة ...الخيانة ... الغدر ... الكذب من شخص احبه....لكن دائما احاول الابتعاد عن القسوة ... وأرى أن القلب خلق ليحب وليسامح ...لذلك اذا قسوت يكون الأمر فعلا استحق للقسوة وتكون قسوتي شديدة


2. كيف تواجهه من يخطئ عليك... بتهمة أو كذبة أو سوء ظن؟

شعور صعب ...اذا كنت لا اعرفه بفند كل الكلام بوجهه وما رح يهمني بشكل كبير...واما اذا كان بعز علي وهو اللي اتهمني او كذب علي او اساء الظن بي ... فبعتقد اني ما رح أقدر أسامح بأي شكل من الاشكال واذا سامحت بكون في شي انكسر مني تجاهو


3. يقال إن - الحقيقة مــرة - ... هـــل واجهتك هالمقوله في حياتك ؟

بالفعل الحقيقة مرة اذا كانت كما لا نرغب ...ومع هذه الحقيقة كان لي حكاية مع الفراق


4. شو الشيء اللي تحبه بشخصيتك؟

ما بقدر أحدد وبترك الحكم الكم ...


5. الشيء اللي تتمنى يكون موجود عندك؟

الصبر

6. الشيء اللي تتمنى تغيره؟

يمكن بتمنى تغيير بعض العلاقات والمسميات من حولي الى الافضل أكيد...وأتمنى ان يكون التغيير سريعا




7. ما الذي تخشاه أو ترفضه وأنت تجلس على كرسي الاعتراف؟

لا يوجد ما اخشى منه سوى بعض الاسئلة ورد ذكر أحدها ولم اجيب التي تخص جانب من طفولتي وجانب خاص من عواطفي




8. في حياة الكثير منّا تمر أوقات نلجأ فيها للصمت ..أنتَ


متى تلجئ للصمت ؟

عندما أشعر بالحزن الشديد ...فليس بمقدوري سوى الصمت




9. أحبــك ... الله لا يحرمني منك لمن تقولها ؟

لوالدي ... ولملاكي




10. ما هو أكثر أمر ندمت عليه ؟

ندمت عندما اعطيت كل ما لدي لشخص لا يستحق شيء




11. ما الاسم المفضل عندك - للشباب , للصبايا -؟

للشباب محمد .. وللصبايا لينا ...واسم تاني بس ما رح احكيه


12. شو المكان الي بتروحه لما تزعل ؟

أي مكان ما بكون فيه حد ...او بكون فيه شخص بفهمني والاغلب بكون عند صاحبي

تعبت ولا لأ ؟

لأ ما بتعب من أسئلتك

بكير لا تتعب لانو فيه اسئلة جديدة

[saousana]

انا حاسة اكتر واحد انسأل بكرسي الاعتراف هو احمد
من الصبح وهو محشور في الموضوع

رأفة فيك انا ما عندي اسألة
البركة بالشباب ما خلو اشي عندك
هلا دور الجيران

[Ahmad zo3bi]

أهلا وسهلا فيك أحمد (أهلا قرابه )

اهلا فيك عمر دائما منور ومعصب





سؤالي وحيد هو :

ما هي نظرتك للصداقه ؟؟
وهل أنت مع أن يكون لك أصدقاء كثر بغض النظر عن صفاتهم ( حسناتهم وسيئاتهم ) ؟؟

...
الصداقة الحقيقية شيء جميل جدا...وكل منا لديه أصدقاء صدوقين لا يستطيع التخلي عنهم كجزء مهم من حياته...تزداد قيمة الصداقة مع الزمن

الصديق مستودع لأسرارك وتجده عندما تكون بحاجته وقد يكون مستودع لعواطفك ...اما ان يكون لدي أصدقاء كثر أكيد من الصعب ايجاد اصدقاء كثر ...وكل من هم حولي هم زملاء لي وليسوا اصدقاء ...فالاصدقاء عادةً لا يتجاوزوا اصابع اليد الواحدة بالنسبة لي
وشكرا لأنك رح تجاوب عليهم

عفوا عمر نورت الكرسي