" تحية عسكرية " ضيف كرسي الاعتراف

[Sc®ipt]

العفو زمردة و شكرا لإستضافتكم لي بكرسي الإعتراف و ان شاء الله اكون جاوبت على اسألتكم بدون ما اضايق حدا فيكم

و انا برشح تحية عسكرية من بعدي

[طوق الياسمين]

اهلا وسهلا بتحية عسكرية يا ريت حدا من الاداريين يبلغووا

[هدوء عاصف]

[align=center]زيد بتشكرك .. كنت ضيف خفيف الظل على كرسي الإعتراف بتمنالك التوفيق بحياتك وان شاء الله دائما الى الأمام ..
بالنسبة لتعقيبك على الأمور الفنية للمنتدى فاقتراحك وصل


اذا وكما تفضلت "زمردة" بنرحب بضيفنا الجديد على "كرسي الإعتراف" وهو

"تحية عسكرية"

أهلا وسهلا بك "تحية عسكرية" وبتمنى لو تعرفنا على بطاقتك الشخصية حتى نتعرف اليك عن قرب [/align]

[تحية عسكريه]

انا الاسم عبدالله وائل الشرفا خريج من كلية الحصن دبلوم تكنولوجيا حاسوب وإكديمية جامعة جدار هندسة صوت إذاعية مزاجي كثير وعصبي بس قلبي طيب وبحب أصدقائي كثير

بس اتفضلو اسئلو يا جماعة الخير

[Sc®ipt]

صديقي تحية ,, خلينا نفوت بالأسئلة مباشرة

في بحياتنا مصطلحات و تعابير كثير بنستخدمها و بنحس فيها و طبعا البشر بطبيعتهم بشوفو الأشياء من زوايا مختلفة و بكون الهم تعريفاتهم الخاصة و رؤيتهم لهاي المصطلحات و التعابير ,, عشان هيك انا بدي اسألك

شو هي الصداقة من وجهة نظرك و متى بتعتبر الصديق وفي و متى خاين و كيف بتختار اصدقائك و هل الوقت كفيل بتكوين الصداقة ؟؟

الحب ,, كل يوم بنسمع عن الحب و فلان بحب فلانه و فلانه بتحب فلان ,, احكيلنا شو هو الحب بالنسبة الك ,, هل الحب يقتصر على مشاعر بين جنسين مختلفين ,, هل الحب يعتمد على اسس و قواعد ,, بالمختصر احكيلنا عن الحب زي ما بتشوفه

النت ,, زي ما بتعرف انه النت صار اكبر مرجع للعلوم بالعالم و هو عبارة عن ثورة علمية و تكنولوجية كبيرة غيرت مسار العالم ,, احكيلنا شو نظرتك للنت بشكل عام و شو تعريفه ,, و احكيلنا بوجهة نظرك شو ايجابيات و سلبيات النت ,, و شو رأيك بالفتاة و النت و هل تعتبر استخدام النت اهم بالنسبة للرجل ام المرأة ,, و رأيك بالطفل و النت


بعتذر على اطالة الأسئلة اتحملنا

[تحية عسكريه]

شو هي الصداقة من وجهة نظرك و متى بتعتبر الصديق وفي و متى خاين و كيف بتختار اصدقائك و هل الوقت كفيل بتكوين الصداقة ؟؟ الصداقه هي شخصين سواء كانو شباب أو صبايا أو الجنسين معاً هي التعبير عن المشاعر والتخفيف من همومك لذلك الشخص والعكس صحيح .

بحالة وحدة بس يكذب علي شو كان المسبب انا حاليا باختار اصدقائي حسب الخبرة العلمية والعملية بالحياة مش شرط يكون أكبر أو اصغر مني

الحب ,, كل يوم بنسمع عن الحب و فلان بحب فلانه و فلانه بتحب فلان ,, احكيلنا شو هو الحب بالنسبة الك ,, هل الحب يقتصر على مشاعر بين جنسين مختلفين ,, هل الحب يعتمد على اسس و قواعد ,, بالمختصر احكيلنا عن الحب زي ما بتشوفه

الحب صدق بكل المعنى وليس للكذابين مكان فيه

النت ,, زي ما بتعرف انه النت صار اكبر مرجع للعلوم بالعالم و هو عبارة عن ثورة علمية و تكنولوجية كبيرة غيرت مسار العالم ,, احكيلنا شو نظرتك للنت بشكل عام و شو تعريفه ,, و احكيلنا بوجهة نظرك شو ايجابيات و سلبيات النت ,, و شو رأيك بالفتاة و النت و هل تعتبر استخدام النت اهم بالنسبة للرجل ام المرأة ,, و رأيك بالطفل و النت

بإختصار النت هو شبكة معلوماتيه يضم عدة مواقع إجتماعية ومواضيع بكافة مجالات الحياة وطبعا ايلو إيجابيات وسلبيات هذه بعتمد على الشخص المستخدم الفتاة والنت شيء عادي جدا بس بوجود أخلاق طبعا النت أهميته للجميع طبعا لا فرق بين الرجل والمرأة والطفل بس أفضل للطفل وجود كبير معه مثقف ومتعلم وخلوق .



لأ زيدو حبيبو لقبي ههههههههههههههههه والله حاس حالي بإمتحان بس

[تحية عسكريه]

شو يا جماعه مالكم غيري كنتو تشاركو أستغفر الله

[طوق الياسمين]

شو امنيتك بالحياة؟؟
شو رأيك بالفتاة الغير محجبة خلقيا؟؟

[هدوء عاصف]

[align=center]عبود .. زي ما كنت تعمل بكل واحد بطلع عالكرسي ، اعطينا التشكيلة الوزارية للمنتدى [/align]

[Sc®ipt]

عرفت انك خريج تكنولوجيا معلومات

احكيلي شو خبرتك بهالمجال ,, يعني شو بتعرف لغات برمجة مثلا و كيف مستواك فيهم و شو سبق و عملت مشاريع بمجال البرمجة و تكنولوجيا المعلومات ؟؟