( قابل للنقاش )هل المرأة العاملة فاشلة أسريا ؟

[محمد العزام]

انتشرت ظاهرة عمل المرأة تبعا لانتشار العمل والتطور العمراني السريع الذي شهدته البشرية وحصولها على أعلى الشهادات ، وتقلدها أسمى المناصب ، وانتشار العلم بشير خير ينبئ عن رقي المجتمع وازدهاره .

ولكن نأتي إلى نقطة بالغة الأهمية ، وتحتاج منا إلى وقفة مراجعة ، ولحظة تفكر ...ألا وهي : هل عمل المرأة يؤثر على تربية الأولاد ، ويهدد مستقبل الناشئة في الأسرة ؟!!

كثير ما نرى أسرة مترابطة ومتكاملة تنتج أبناء على مستوى عال من التربية والتعليم وتكون الأم في تلك الأسرة غير عاملة أو غير متعلمة أصلا !!.
وبلاشك أن الجزء الأكبر من مسئولية تربية الأبناء يقع على عاتق الأم لكونها هي اللبنة الأساس في الأسرة وهي العامود الفقري لها !!
لانريد الخوض في أهمية الأم في الأسرة أو تحديد مهامها لأن ذلك يحتاج إلى موضوع مستقل ولسنا بصدده الآن .

المهم

نحن نريد أن نناقش هذه المسألة وهل هي فعلا مؤثرة على الجو الأسري ؟؟
والسؤال الذي يطرح نفسه ، ويبحث عن إجابة بعيدة عن الفلسفات الخيالية ،والتحليلات الغير واقعية .....

السؤال هو :

هل المرأة العاملة فاشلة أسريا ؟

[آلجوري]

أنا بنت لأم عامله .. وعيت ع الددنيا وماما بتشتغل وكنت دايما احكيلها نفسي ارجع من المدرسة وتفتحيلي الباب والقاك بالبيت ...
الموضوع صحيح كان مزعج في بعض الجوانب ...متل يوم مجلس الامهات في المرسة وغير هيك ..
لكن أنابرأي جوانبه الايجابيه اكتر ..
المرأة العاملة على الاقل بضلها منفتحه ع العالم الخارجي الها دورها وشغلها بعيد عن الطبخ والنفخ والتكنيس والتربايه بحس بتصير حضاريه اكتر من اي ست بيت ..
وكونو الها شغلها الخاص هاد سبب بخلي بعض افراد العائله يتعاونوا معها وتتوزع المسؤوليات ... متلا انا بلشت اطبخ ولو اشياء بسيطة وارتب السفره وارتب غرفتي والبيت وانا بالصف الثالث لطبيعة عمل امي وغيري الى الان ما بعرف يدخل المطبخ ..


بس بصراحة وهاي النقطة الي حابب اركز عليها ..
هاد الموضوع اختلف من جيل لجيل ..
يعني انا لو بدي اعمل متل ماما اهتم بالبيت ونظافته يوميا والاولاد والعمل مابقدر ولو قدرت بكون حاسس بضغط كبير ...
يعني باختصار دور المرأة العاملة وست البيت المثاليه بآن واحد انتهى ايام امهاتنا واحنا مو قدوو
عذارا ع الاطاله ..
وشكرا محمد ع الطرح ..

[دليلة]

انا مش معك جوري في الي قلتيه انا امي عندها مستوي تعليمي لاباس به ومش تشتغل بس منفتحة على العالم وماعندها عقد بلعكس . انا بقول المراة العاملة فاشلة بيتها مليون مرة وفي عندها مشاكل كثير مع اني ماقدرت اشيل فكرة اني مااشتغل بعد الزواج
بالنسبة لطبخ الي حكيتي عنو احنا امي عندها تقافة انو البنت لازم تتعلم وتدخل المطبخ لانو هدا الشي مكتسبتو من امها وجدتها

وشكرا

[The Gentle Man]

انا برأيي
انه المراة ان اشتغلت او لم تشتغل بكون احيانا في اسر فاشلة
لانه احيانا بتكون الام فاشلة
انا بعرف عائلات
الام ما بتشتغل بس الاسرة نور ومثل ما بيحكو بالمصري بيئة
يعني بتكون اسرة فاشلة


مش شرط انه اذا الام بتشتغل يعني الاسرة فاشلة
صحيح انه الام ما بتكون موجودة بالبيت
بس لما تكون موجودة وتتغل الشغل الي عليها
وما تكون مقصرة بحق بيتها
بتكون اسرة مثالية ورائعه



موضوع مهم وفي غاية الاهمية
يسلموا محمد

[آلجوري]

اقتباس:
المشاركة الأصلية كتبت بواسطة دليلة
انا مش معك جوري في الي قلتيه انا امي عندها مستوي تعليمي لاباس به ومش تشتغل بس منفتحة على العالم وماعندها عقد بلعكس . انا بقول المراة العاملة فاشلة بيتها مليون مرة وفي عندها مشاكل كثير مع اني ماقدرت اشيل فكرة اني مااشتغل بعد الزواج
بالنسبة لطبخ الي حكيتي عنو احنا امي عندها تقافة انو البنت لازم تتعلم وتدخل المطبخ لانو هدا الشي مكتسبتو من امها وجدتها

وشكرا

يا جماعة الخير انا بكلامي ما قصدت أي إساءة لأي أم حدا فيكم شو ما كان مستواها التعليمي والاكاديمي ... كل أمهاتكم ع راسي من فوق واولهم أمك يا دليلة ...

الوحده لما ينحصر دورها بالبيت والأولاد طبيعي راح تبعد عن العالم الي بره إن شاء الله لو كانت دكتورة ... وبتصير حياتها اليوميه وحديثها وعلاقاتها الجارات وطبخ والنفخ والاولاد وهاد الشي انا لاحظتو باختي لما تزوجت وما اشتغلت وهي جامعيه .. وهاد مو عقد
وإذا انت لهدرجه مؤمنه انو المرأة العامله فاشله مليون بالميه هاد دليل على انه امي ام خارقه لاني لم الحظ الفشل عليها يوما ..
وانا ذكرت الطبخ والمطبخ لانه عمل امي (بالنسبة للموضوع المطروح) هو كان الدافع الاساسي الي خلاني اتعلم ..وكلام امك كمان ما عليه اي غبار ..

الله يرضى عليكم لا حد يفسر الامور هيك ...

[زهره التوليب]

اقتباس:
المشاركة الأصلية كتبت بواسطة The Gentle Man
انا برأيي
انه المراة ان اشتغلت او لم تشتغل بكون احيانا في اسر فاشلة
لانه احيانا بتكون الام فاشلة
انا بعرف عائلات
الام ما بتشتغل بس الاسرة نور ومثل ما بيحكو بالمصري بيئة
يعني بتكون اسرة فاشلة


مش شرط انه اذا الام بتشتغل يعني الاسرة فاشلة
صحيح انه الام ما بتكون موجودة بالبيت
بس لما تكون موجودة وتتغل الشغل الي عليها
وما تكون مقصرة بحق بيتها
بتكون اسرة مثالية ورائعه



موضوع مهم وفي غاية الاهمية
يسلموا محمد

بالزبط...الفشل مابيعتمد اذا التام عامله او لأ
وبالنسبه الي العامله افضل بمليون مره...وبالنسبه الي شخصيا..ياريت في شغل يومين بالاسبوع وببلش بعد الظهر وبخلص قبل العصر حواليكو هيك شغله؟؟

[أميرة قوس النصر]

بس القصة قصة تنظيم وتكتيك وبتصور انة اذا بيوم حسيت في المستقبل انة عملي ممكن يجعلني فاشلة اسريا رح اتنحى تماما عن اني اكون عاملة بس اللي عشتة من تجربة شخصية كون امي عاملة انة ابناء الام العاملة بعتمدوا على انفسهم اكثر والام العاملة بتكون مثل ما سبقتني ايات وحكت مطلعة على العالم الخارجي وقادرة تعرف البيئة اللي عايشين فيها اولادها بالتالي بتفهمهم وبتقدر على الاقل تحاول توعيهم باستمرار .
الجوانب السيئةمعروفة انة الام بتكون بكثير من الاحيان مشغولة بالتالي بتبتعد عن جو العيلة المعروف احيانا لكن هاد ما بمنع انة تكون فعلا قادرة انها تكون ام داخل البيت وسيدة عاملة خارجة ما في اشي يا ابيض يا اسود القصة بس تنظيم .
مشكور ابو العزام

[أميرة قوس النصر]

بالزبط...الفشل مابيعتمد اذا التام عامله او لأ
وبالنسبه الي العامله افضل بمليون مره...وبالنسبه الي شخصيا..ياريت في شغل يومين بالاسبوع وببلش بعد الظهر وبخلص قبل العصر حواليكو هيك شغله؟؟

اه قيلولة بعد الظهر مكسبها حلو

[عُبادة]

انا بالنسبة الي لا اؤيد انه تكون الام عاملة
وما بدي امثلة لنجاحات المرأة العاملة او فشل المراة غير العاملة
رأيي الشخصي:انه المرأة غير العاملة رح تكون اقدر على تربية اطفالها واقرب لهم وخصوصا في فترة ما قبل المدرسة لتقدر تربي ابنها تربية سليمة افضل من تربية الحضانات ودايما بنسمع وبنشوف كيف بتروبوا الاولاد بالحضانات وما بتمنى لاولادي انهم يعيشو هيك قصص طبعا انا امي ربة بيت ناجحة وعمري ما دخلت حضانات هي سنة روضة قبل المدرسة بس

وبعدين ما فيه احسن من الاكل الساخن بدل الاكل البايت بالثلاجة
يعني الواحد بروح على البيت بكون الاكل جاهز مجهز وكل شي تمام وعندها وقت لتهتم بالبيت من ناحية الغسيل والطبخ والتعزيل وكل النواحي ولتهتم بالحالها وبزوجها

وانا ان شاء الله مش ناوي اتزوج وحدة موظفة ولا رح اخليها تشتغل اصلا ورح يكون اول شروطي
يعني لو اشحد طول اليوم وبس اروح على البيت الاقي كل شي بالبيت جاهز والاقي مكان ارتاح فيه ووجه حسن مبتسم ومرتاح مش مهدود حيلها من شغلها برة وجوة البيت احسن لي من راتبها قد ما يكون يكون

[أميرة قوس النصر]

انا بالنسبة الي لا اؤيد انه تكون الام عاملة
وما بدي امثلة لنجاحات المرأة العاملة او فشل المراة غير العاملة
رأيي الشخصي:انه المرأة غير العاملة رح تكون اقدر على تربية اطفالها واقرب لهم وخصوصا في فترة ما قبل المدرسة لتقدر تربي ابنها تربية سليمة افضل من تربية الحضانات ودايما بنسمع وبنشوف كيف بتروبوا الاولاد بالحضانات وما بتمنى لاولادي انهم يعيشو هيك قصص طبعا انا امي ربة بيت ناجحة وعمري ما دخلت حضانات هي سنة روضة قبل المدرسة بس

وبعدين ما فيه احسن من الاكل الساخن بدل الاكل البايت بالثلاجة
يعني الواحد بروح على البيت بكون الاكل جاهز مجهز وكل شي تمام وعندها وقت لتهتم بالبيت من ناحية الغسيل والطبخ والتعزيل وكل النواحي ولتهتم بالحالها وبزوجها

وان ان شاء الله مش ناوي اتزوج وحدة موظفة ولا رح اخليها تشتغل اصلا ورح يكون اول شروطي
يعني لو اشحد طول اليوم وبس اروح على البيت الاقي كل شي بالبيت جاهز والاقي مكان ارتاح فيه احسن لي من راتبها قد ما يكون يكون

الله اكبر مش ملاحظ بتحكي عنها كانها قطعة اثاث ؟!
ما رح اقبل !! وشرط !!>>>واذا ما رضت بالشرط شو رح يصير يعني ؟ بتخسرك!!

ما بعرف القصة مش قصة فرض رايي بس لا اتوقع انة كل الي امهاتهم عامللات طلعوا فاشلين !!