أغلى النصائح في حياتنا ، كنز الحصن

[دموع الغصون]

مساء / صباح
الورد و الياسمين

فكرة هالموضوع هلا خطرت ببالي
كتير بمر علينا مواقف وبنطلع بخلاصة ، سواء كانت إيجابية أو سلبية ، لازم نستغل الموقف و نستفيد من كل تجربه و لحظه بالحياة .
بناخذ نصائح من الجميع ، السؤال هو ما هي أغلى نصيحة قدمت لكَ ومن مَن ؟ و ما هو الموقف ؟

الهدف من الموضوع نعرف أغلى نصيحة ، نعرف تجارب بعض ونستفيد من واقعنا مو بكلام نظري و مجرد تلقين ، الموضوع مرن كتير و بتصور رح يكون ممتع كتير بعيد عن المثاليات ، رح نعرف أخطاء بعض و كيف تلقى النصيحة و الأهم من هيك عمل بالنصيحة أو كانت مجرد كلمات وما طبقها .

ممكن تكون هالمساحة متجددة يعني كل ما اخذت نصيحة جديدة تع وغششنا ياها .

[دموع الغصون]

نصيحة دائما بحكيلي ياها بابا و بعتبرها دستور لحياتي " كل شيء بجيه وقته "
و طبقتها بحياتي و أعتبرتها منهج لكل شي وقته و أكيد رح يختارلنا الأفضل دائماً و رح نوصل لهدفنا لكن بالوقت المناسب

[طوق الياسمين]

موضوع كتير راق لـ الي

في نصيحة بتحكيها ماما دايما وابدا "الزمن الي ما بيجي معك تعال معه"
وانا ع طول مطبقة هـ الشي لأنه الزمن مش جاي معي نهائيا

[العقيق الاحمر]

ما احلى هالمساحة يسلمو دموع على هيك فكرة ..

ممممم .. راح احكي نصيحة بتحكيلي ياها امي دايماً


" اللي بخاف الله ؛ لا تخاف منه "

[دموع الغصون]

::: طوق الياسمين ::: ~ ::: العقيق الأحمر :::
نصائح غالية و أنا شخصياً أعتبرها منهج لحياتي سررت جداً بمشاركتن أنتظر المزيد من نصائح مقتبسه من تجارب الأعضاء

[هدوء عاصف]

شكراً دموع الغصون على الموضوع القيّم .. كل الشكر الك ..

من النصائح الثمينه اللي كان والدي الله يرحمه يعطيني اياها "خليك دائماً مع الكبار .. اللي بصاحب الصغار بضل صغير" ..!

النصيحة كلماتها كتير بسيطة .. لكن معانيها كبيرة وكبيرة جداً ، وفعلاً من يوميها وانا ما بصاحب ولا برافق غير الكبار ولذلك اكتسبت خبرات كبيرة وعرفت قديش مهم انو ناخد الخبرة من كبير العمر ، والصغير بضل اسمه صغير !!

لي عودة ان شاء الله .. شكراً دموع مرة اخرى ..

[دموع الغصون]

نصيحة رائعة جداً الله يرحمه يارب و تعيش وتترحم :: هدوء عاصف :: بالعفل المعنى كبير ونصيحة قيمة
بإنتظار عودتك

[دموع الغصون]

صفه اكتسبتها من ماما " مهما كنت ضعيفه لازم أقنع حالي بقوتي لأنه شو ما كانت نفسيتنا رح تنعكس على واقعنا والواقع متل معجونة الأطفال سهل تشكيله وتكوينة لكن بده دقة وصبر "

[Sc®ipt]

نصيحة صاحب الكل و حب الكل بس لا تعطي ثقة مطلقة لأحد

[العقيق الاحمر]

كن مع الله ولا تبالي