اسئلة ع المحاسبة ياريت تجاوبوني

[امير الرومنسية]

مرحبا
كيفكم ؟

انا طالب توجيهي وبدرس بقطر
وناوي اسجل محاسبة بالجامعه الاردنية او اليرموك

اول شي بتنصحوني بالمحاسة ؟

وهل لاني درست توجيهي قطري رح ينقصو من معدلي ؟ مع العلم اني درست كل الصفوف السابقة منهج اردني

وانا جبت معدلي 90
رح يطلعلي محاسبة بالجامعه الاردنية او اليرموك ؟ ولا ما بطلعلي ؟ طبعا موازي

معلش استحملوني اسئلتي كتيرة ^_^

[احمد امين]

انا بدرس اقتصاد في الجامعه الهاشميه وكل دراستنا انجليزي وكل الجامعات الاردنيه واليرموك
اذا انت شاطر في الانجليزي ادخل وغير ذلك لا تدخل

[امير الرومنسية]

اوك
بس معدلي بيدخلني محاسبة ؟؟

[طوق الياسمين]

معدلك ما بيسمحلك لأنه عنا نظام انه معدلات قبول الدراسة شهادة غير اردنية 95 محاسبة الاردنية 91 محاسبة باليرموك يعني ما رح تزبط بدك في جامعات تانية ممكن الهاشمية ما بعرف بس انا ما بنصحك تدرس شي بالاقتصاد يعني محاسبة او علوم مالية والله صاروو كتار ادرس هندسة شو وراك وموازي اي نفس السعر صدقني هاد الي بعرفوو

[امير الرومنسية]

يعني معنى كلامك انو ما بيطلعلي محاسبة ولا حتى موازي ؟
واذا لا , معناها ما بيطلعلي هندسة لان اكيد معدل قبول الهندسة اعلى من معدل قبول المحاسبة
طبعا كله مواازي

[صديقه بنت الشديفات]

لا يطلعلك عنا
لانه صاحبتي معدلها 87 بالسعوديه ودرست اول فصل هندسه وبعدين حولت اقتصاد

وانتا معدلك اعلى يطلعلك واذا بدك اساللك بكره ..

وبالتوفيق ..

[طوق الياسمين]

بيطلعلك بجامعات تانية غير الاردنية عزيزي وبيطلعلك موازي قلتلك

[احمد امين]

موزاي بتدخل محاسبة بس مش هون المشكله المشكله الدراسه جمبعها بالانجليزي والله انا متغلب بالدراسه اسال مجرب ولا تسال حكيم ...................... بالتوفيق .

[امير الرومنسية]

شكرا لكل الي ردو ع الموضوع وافادوني
الله يجزيكم الخير