مقاله بعنوان ( مفهوم الغربه بالاردني )
اكتب لكم من مقتنيات تفكيري واتمنى ان اكون صريحا.. .............
في كل العالم مفهوم الغربه ايلو مقياس الا عنا بالاردن غربه الها معنى ثاني تماما: كل الشعب الاردني او اغلبو بدو يسافر ويتغرب اهم اشي يسافر مش مهم وين بس المهم يسافر ...
وكل الاردنيين الي برا البلد نفسهم يرجعو على البلد متى كيف وليش فش حدا عارف بس بدهم يرجعو.. ....
على فكره هاي مش احجيه ولا لغز بس صدقني انها حقيقه ..
الشعب الاردني بفكر انو اذا الواحد سافر يشتغل برا بفكرو انو لمن ينزل بالمطار بستلم مفتاح فيلا على البحر وسياره وبيوخذ دفعه من راتبو مليون دولار قبل ما يباشر شغلو : وبفكرو كمان انو الواحد مستلم منصب قد العالم, بعد ما يسافر بيومين بصير يبعتولو دبرنا ودبر فلان وابن فلان..يا جماعه مشان الله الواحد بدو شهر بعد السفر عشان يركز وبدو كمان شهر مرحلة استغراب وبدو شهر عشان يتأقلم يعني اول 3 اشهر ما حد يتصل بيه نهائي ..

............ على فكره : الاهل والقرايب والجيران والاصدقاء بكونو عبء على المغترب وهو برا البلد لانهم بوكلو جمجمت راسو وكمان بصيرو يوصو فيه جيب وجيب وكمان كل اسبوع واحد منهم بتصل تلفون وبقلو قاصدك يعني من الاخر اتخيل انو اهلك قصدوك الاسبوع هاض وقرايبك قصدوك الاسبوع الي بعدو واصدقائك قصدوك الاسبوع الي بعدو انت ايش شعورك.. ........

. احنا الاردنيين بذات ما النا حظ والسبب انو بالاردن وانت هناك الحكومه والضرايب والاسعار والاهل والديون والمصاريف وبس تسافر بطلعلك احجية العمله وفرق العمله ولو ضليتك بالاردن احسن.
.... السؤال المدهش ...ليش كل الاردنيين بدهم يتغربو ؟؟؟
علما انو شعوب شرق اسيا وبعض الدول العربيه المجاوره بحلمو يجو على الاردن يشتغلو بس الغريب انو الاردن غاليه على الاردنيين بس وصعبه على الاردنيين بس لدرجة اني نفسي اشوف وافد بالاردن مش مرتاح كل الوافدين بالاردن مبسوطين على الاخر .الا الاردنيين حالهم بقطع القلب . ..
.. احيانا بحس انو من كثر ما بشوف شباب اردنيين بدهم يسافرو بحس انو الاردن للاخرين فقط يعني للوافدين والمقيمين والسياح والله خايف ارجع القى الاردن بدون مواطنيين.. ... تعال نحسبها .: من اصل كل 15 مغترب اردني برا الاردن في واحد بس وضعو جيد ممتاز والباقي ايد ورا وايد قدام بس اكلَ شربَ نامَ صرفَ اغتربَ والحمدلله على كل شئ. ... وبالاخر اسئل حالك :وفكر مليا" قبل ما تجاوب : متى بدي ارجع من الغربه على بيتنا وارجع اتجوز او ارجع عند عائلتي وازاول حياتي الطبيعيه زي باقي البشر ؟ ليش انا برا البلد وشو السبب ؟ انا مستفيد من هالغربه ولا ايد ورا وايد قدام ؟
هذا ما خطر ببالي سعود ابوحنك