اول شخص قابلته في الجامعه وانت سنفور

[adel maayah]

ارجوك اتذكر مين اول شخص قابلته في اول يوم دراسه في الجامعه وانت سنفور ؟ هل تذكره ؟ بالتأكيد شىء محير ؟ هل استمرت الصداقه ام لا ؟
الرجاء من الاخوة الرد وعد الاكتفاء بالقراءة ولكم جزيل الشكر.

[ayman]

والله ياصديقي انا واصحاب درسنا بالثانوية مع بعض ودخلنا الجامعة مع بعض فمش متذكر او لشخص قابلتو مش من اصحابي القدامى تقبل مروري

[N_tarawneh]

اول واحد في التسجيل وانا سنفور سنة اولى تعرفت على شب من عمان اسمه لؤي حداد وسجلت إله مواد وساعدته وثاني يوم ما اجا وبعيدن غابت وغابت علومة وبعد سنة برسلي سلام من بريطانيا ، يبدو انه طلع يدرس هناك ، علما ً بأن الصداقة ما استمرت أكثر من 10 ساعات ، بس شعرت خلالها بأني بعرفه من زمان ، سبحان الله ، بجمع وبفرق عند أهون سبب ...

[أميرة قوس النصر]

مش مذكر شخص معين انا دخلت على مسرح الكلية وقعدت لحالي شوي ويعدبن لميت حولي مجموعة وصرت احكي حتى الوالد كان يدور على وحدة لحالها قاعدة وتفاجئ للمة الي كنت عاملها

[غسان]

اول شخص قابلته صاحبي امجد 00 معاي من الصف السادس وهلأ كمان بالجامعة مع بعض ونفس التخصص كمان

[mohammad qasaimeh]

اول شخص قابلته صديقي بكليه الطب محمد شرادقه
شفته اول يوم قدام التسجيل

[ابو العبد]

هم شخصين كانوا احمد وزيد من الزرقاء كنت رايح على محاضرة العربي 1 وبتلاخم بين القاعات
ولما فتت القاعة 9 وهم باشروا لي فرحت وعملت معهم علاقة والحمد لله انها انتهت...
كانوا اصدقاء سوء ...

[Ammar Qasaimeh]

اول شخص حكيت كان رمزي القريني وطلع كمان نفس تخصصي.... هو عضو هون معنا في المنتدى والغريب انه انا كمان كنت بالنسبه اله اول شخص واكيد استمرت الصحبه

[saousana]

انا لما رحت اسجل كنت في الجامعة على الساعة 9
لانه السيد الوالد بيحب الامور تخلص على السريع
لذلك رقم كنت من الناس الاوائل اللي سجلو
ما شفت حدى من تخصصي
وما تعرفت على حد
فكرت انه انا الوحيدة اللي مسجلة في هندسة الكمبيوتر هاي السنة
وصحباتي اللي معي من المدرسة سجلو في ايام غير
يعني شفت ناس كتير بس مش متذكرة مين اول حد
انا اصلا بنسى

[adel maayah]

اول شخص قابلته بالجامعة اسمه خالد وعلى ما اذكر كان تخصصه علوم حياتيه وكان غير راضي عن تخصصه وقد حول الى علوم ماليه في السنه الثالثه وبعد التخرج انقطعنا عن الاتصال ثم عاودت الاتصال به عد مرات ولكنه كان منهمك بامور الحياه