هو و هي

[Ammar Qasaimeh]

هو:
بدي اطلب بيتزا .. بدك اشي؟"

هي:
"لا."

هو:
"اوكي."

هي:
"و لا اقولك ..؟"

هو:
"ها .. بدك اطلب لك كمان؟"

هي:
"مش عارفة."

هو:
"مش عارفة اذا بدك اشي؟"

هي:
"لا."

هو:
"انتي جوعانة؟"

هي:
"يعني ."

هو:
"شو يعني يعني...؟"

هي:
"يعني معناها مش متأكدة اذا كنت جوعانة او لا."

هو:
"الواحد لما يكون جوعان بيعرف"

هي:
"مهو يمكن اجوع بعدين"

هو:
"معناها اطلب لك بيتزا."

هي:
"طيب و اذا ما كنت جوعانه وقتها..؟"

هو:
"ما تاكلي."

هي:
"بس هيك بيكون تبذير"

هو:
"طيب .. بتاكليها بكرة."

هي:
"و اذا ما كان الي نفس آكل بيتزا بكرة؟"

هو:
"هاي ما بدها نفس .. الواحد بيقدر ياكل البيتزا كل يوم "

هي:
"انا لا .. ما باكل بيتزا الا لما يكون عندي نفس للبيتزا."

هو:
"معناها بطلب لك اشي تاني"

هي:
"بس انا ما بدي اشي تاني"

هو:
"يعني بدك بيتزا؟."

هي:
"لا."

هو:
"يعني ما بدك اشي؟."

هي:
"امبلى."

هو:
"جننتي سماي شو بدك؟"

هي:
"اطلب انت لحالك.."

هو:
"اخيرا .. ماشي.."

هي:
"بس اطلب بيتزا بالتونا"

هو:
"بس انا ما بحب التونا."

هي:
"بس انا بحبها."

هو:
"هو انا بدي اطلب الي و لا الك...؟!"

هي:
"الك طبعا."

هو:
"طيب و ليش بالتونا...؟"

هي:
"يمكن اجوع لما يوصل الاكل"

هو:
"و شو يعني؟"

هي:
"بالله؟ شو يعني فكرك آكل اشي ما بيعجبني؟"

هو:
"ليش هو انتي بدك تاكلي؟"

هي:
"ليش لا ؟"

هو:
" يا مثبت العقل و الدين .. هسه انا لازم اطلب بيتزا الي , عشان انتي تاكليها اذا كنتي جوعانه؟؟"

هي:
"بالضبط."

هو:
"و انا شو بدي آكل؟"

هي:
"مهو يمكن ما أكون جوعانة..."

ملاحظة: محكمة الجنايات قررت الافراج عن الزوج المتهم بتهمة "قتل الزوجة مع سبق الاصرار و الترصد" و تحويل القضية الى "قتل الزوجة دفاعا عن النفس"

[ayman]

على راسي عمي عمار انتا سبقتني بسؤالي عن طريقة تفكير البنات شوف الموضوع
بعدين معكم ياصبايا؟

http://www.al79n.com/vb/showthread.php?p=12447

[Ammar Qasaimeh]

مشكور ايمن بس زي ما قلت مش كلهم هيك و اذا فيه هيك فعلا فيه منهم بطلعلهم بس مش الكل بطلعله اكيد

[معاذ القرعان]

حرام عليكوا زودتوها على البنات

[العالي عالي]

لا تعليق

[ajluni top]

والله انا ارتفع ضغطي كيف هو

مشكور يا غالي