شتم في اليرموك

[Ammar Qasaimeh]

انت كدكتور , رجل علم مهذب عندك اسلوبك الرفيع في التعامل يفترض فيك تستحي على حالك تنزل لمستوى الفاظ ولاد الشوارع ولغة الدواوين , مهما كان الطالب وقح في قانون بضع للطالب حده بكل اريحيه, يا اخي ناديله الامن , او افصله من الماده او من الفصل او لمجلس ضبط, اما تشتمه هو وعيلته بتوقع القصه الها خلفيات عشائريه.

[زهره التوليب]

اقتباس:
المشاركة الأصلية كتبت بواسطة Ahmad zo3bi
زهرة احنا ما بنتكلم عن هيك حالات ..لأنه اللي صار مع ابوكي موضوع مختلف ...بس انا بحكي الدكتور اللي ما بيقدر يضبط محاضرته وبيلجأ لأسلوب الشتم هو دكتور فاشل ومش من حقه ويمكن يجيب البهدلة والمسبة لحالو لأنه اذا كان الشب عصبي يمكن يغلط عليه وبكون الدكتور اللي تبهدل .... في الف طريقة للدكتور يضبط المحاضرة والله في دكاترة بندخل على محاضراتهم ما بنحكي لمدة 50 دقيقة مش من باب الخوف بس من باب الاحترام اللي فارضه الدكتور وفي دكاترة العكس ..اما انه يلجأ لأسلوب الشتم شو ما صار ما بيطلعله يشتم الطالب ويشتم عيلته...هاد دكتور المفروض مستواه ما يسمحله ينزل لهيك مستوى من الانحطاط ويشتم طالب...فعلا انه ما بستحق الشهادة اللي معو

على عيني...بس انا شفت انكم حكمتوا على طول ان الدكتور مذنب......بس انا بحط نسبه 50% ان الحق على الطالب
طلابنا وقحين ما بنقدر ننكر

[زهره التوليب]

اقتباس:
المشاركة الأصلية كتبت بواسطة Ammar Qasaimeh
انت كدكتور , رجل علم مهذب عندك اسلوبك الرفيع في التعامل يفترض فيك تستحي على حالك تنزل لمستوى الفاظ ولاد الشوارع ولغة الدواوين , مهما كان الطالب وقح في قانون بضع للطالب حده بكل اريحيه, يا اخي ناديله الامن , او افصله من الماده او من الفصل او لمجلس ضبط, اما تشتمه هو وعيلته بتوقع القصه الها خلفيات عشائريه.

يمكن...احنا ما بنعرف شو ابعاد القصه
بس الدكتور بني ادم بالاخير...يمكن ما قدر يتحمل
فقعت معه
ممكن تصير مع اي واحد
لكن فعلا التصرف الصحيح انه ينادي الامن

[Ammar Qasaimeh]

اقتباس:
المشاركة الأصلية كتبت بواسطة زهره التوليب

على عيني...بس انا شفت انكم حكمتوا على طول ان الدكتور مذنب......بس انا بحط نسبه 50% ان الحق على الطالب
طلابنا وقحين ما بنقدر ننكر

ما اختلفنا طالب وقح, لكن في اسلوب اتعامل مع هيك عينه من الطلاب بدون ما اضع نفسي بموقع محرج وتحت الاضواء , على جميع الاتجاهات كان الدكتور معه الحق الا بعد ما شتم الطالب, لما شتم الطالب اعطا للطالب حق ولو بنسبة 20% اقلها طبعا..

[mohammad qasaimeh]

على عيني...بس انا شفت انكم حكمتوا على طول ان الدكتور مذنب......بس انا بحط نسبه 50% ان الحق على الطالب
طلابنا وقحين ما بنقدر ننكر

لأن الدكتور دكتور و الطالب طالب

و ذنب الدكتور اكبر شو ما كان الطالب عامل ، لو شو ما كان عاقبه بالقوانين ، ولو ابوي اللي عملها بكون زعلان انه ليش ابوي استخدم هيك الفاظ لانه هيبته بين الطلاب بتصير زفت

انت كدكتور اكاديمي ، في حد فاصل بينك و بين الطلاب ، حتى لما تعصب لازم تظلك هيبتك و مش يكون الامر كانه هوشه صارت بالشارع ، هاظ سب و هاظ سب

بعدين الدكتور اللي ما اله هيبه و ما بضبط المحاضرة بشخصيته ( مش بتسلطه ) هذا مش دكتور و هذول لو يصحلي بنفيهم ، لانه هذا السستم جايبيلنا واحد من هالنوع

و اخر اشي ، يعني فوق ما انتو مطعميننا الويل و بتتفننو بتعذيبنا ، و تسبو علينا كمان
اي لا والله ، طاب الموت

[khaled aljonidee]

اقتباس:
المشاركة الأصلية كتبت بواسطة Ahmad zo3bi
عمي هون ما في قانون بجامعاتنا في اشي اسمه الحق دائما على الطالب ...يعني لو الطالب شتم الدكتور بروح فيها فصل ...بس العكس لأ...

بس انا برأيي انه الدكتور اللي بشتم طالب حرام فيه شهادة الدكتوراة وبكون دكتور تافه لأبعد الحدود وابصر كيف مشتري الشهادة

و انت الصادق مفروض يعطوه دكتوره بالحمرنه و النياسه

يعنصموا و الله معهم و ان شاء الله ياخذوا بحقهم

[ZiCoOo aLkHaTeEb]

بصراحه لما تيجي تتطلع على قوانيين الجامعات بتشوفه مميز للغايه مع انه في بعض الضعف بس هات عاد حدا يطبق هذا القانون يعني في قانون بالحامعات بحكي اذا حدا شتم الذات الالهية بنفصل من الجامعه مع انه في شباب في الجامعات شتم الذات الالهية على رأس لسانهم دايما وما بحدث اشي ..

وفي كمان قانون بحكي انه مروج المخدرات بنفصل لمده سنه من الجامعه اما الي عمل مشكله صغيره بنفصل لسنه كمان يعني في عدل هون ؟؟؟

والجامعه بتحكي لازم دكتور يشتغل على Avrege الدكتور طبعا بصيير يزيد للبنات او شلته على اساس انه شتغل حسب قانون الجامعه وبزيد للكل علامتين وبحملهم جميله
طبعا مش الكل .

يعني باختصار احنا بدنا تعديل قوانين الجامعات بشكل واضح ومع تطبيق القانون.

[زهره التوليب]

طلبة فـي (اليرموك) يعتصمون احتجاجا على عقوبات بحقهم
آخر تحديث : 6/5/2009

اشرف الغزاوي - اعتصم طلبة في جامعة اليرموك أمس أمام مبنى الرئاسة احتجاجا على عقوبات تأديبية اتخذتها الجامعة بحقهم .
وطالب المعتصمون إلغاء العقوبات المتخذه بحقهم ، معتبرينها غير مبررة وتفتقر للعدالة نافين قيامهم بأية أعمال مخلة بالنظام داخل حرم الجامعة . وزعم الطلبة ان غالبية العقوبات المتخذة بحقهم جاءت لعدم موافقتهم على التوقيع على المحضر النهائي لانتخابات اتحاد الطلبة التي جرت خلال شهر آذار الماضي ، في اشارة الى وقوع العقوبات على طلبة كانوا رشحوا انفسهم لانتخابات الاتحاد .
من جهته ، أكد رئيس الجامعة الدكتور سلطان أبو عرابي '' ان العقوبات لم تؤخذ جزافا وإنما اتخذت من قبل مجلس العمداء استنادا على توصيات لجنة التحقيق التي شكلت لهذه الغاية والتي أكدت في تقريرها قيام بعض الطلبة بالاعتداء على زملاء لهم وموظفين بالجامعة بالضرب والإساءة للجامعة وحرمتها بشكل مخالف لتعليماتها '' .
ولفت ابو عرابي الى '' ان مجلس العمداء هو صاحب الولاية في اتخاذ العقوبات او النظر في الاسترحام المقدم من الطلبة المفصولين جزئيا ، مؤكدا ان جميع الطلبة الذين شملتهم العقوبات مثلوا أمام اللجنة في أكثر من جلسة هم والشهود .
ونفى ان يكون صدور العقوبات غيابيا وفقا لما يردده بعض الطلبة . وأوضح أبو عرابي ان عدد الطلبة الذين اتخذت بحقهم العقوبات بلغ 15 طالبا تراوحت عقوباتهم ما بين الفصل لعدة فصول دراسية او الانذارات النهائية ، من بينهم أربعة طلبة تم فصلهم لمدة أربعة فصول دراسية لتكرار قيامهم بالمشاجرات والاعتداء على زملائهم داخل الحرم الجامعي كان آخرها عقب انتخابات مجلس اتحاد الطلبة التي جرت مؤخرا .
وأكد '' أن سمعة الجامعة وحرصها على توفير الأجواء الآمنة والمريحة لممارسة العملية التعليمية هي الأساس وانه لا تهاون في معاقبة كل من يقوم بأعمال تتنافى مع رسالة الجامعة وأهدافها في إطار منهجية الثواب والعقاب ''.
وكان الطلبة المفصولون عمدوا قبل نحو اسبوعين الى تحطيم زجاج عمادة شؤون الطلبة وبعض السيارات المتواجدة في الموقف المقابل لها احتجاجا على تلك العقوبات .

[زهره التوليب]

حكيتلكوا القصه مش زيما انتوا فاهمين...ماحدا رد عليييييييييييي

[Ammar Qasaimeh]

اقتباس:
المشاركة الأصلية كتبت بواسطة زهره التوليب
حكيتلكوا القصه مش زيما انتوا فاهمين...ماحدا رد عليييييييييييي


شو علاقة هالروايه بشتم الدكتور للطالب؟