تُراهات ما قبل النوم ...

[عُبادة]

حلو الواحد يعرف اشي صغير عن كل اشي
يعني مش يقعد اهبل في المكان اللي هو فيه
انا عن نفسي عندي استعداد اشارك بأي موضوع بقاش بنطرح قدامي
مش لانه بفهم بكل اشي بس لانه حلو الواحد يكون عنده فكره صغير عن الحياة
مش عارفة اذا كان هاد قصدك

لا مش هيك قصده.
قصده عن اللي بتلاقيه بناقش وبداقر على غلط ومن غير ما يعرف عن شو بيحكي ومفكر حاله ما فيه زيه
اما بالنسبة لحالتك فهاي اشياء ضرورية لازم يكون الواحد عنده معلومات عامة عن الاشياء الي حوله

[saousana]

لا مش هيك قصده.
قصده عن اللي بتلاقيه بناقش وبداقر على غلط ومن غير ما يعرف عن شو بيحكي ومفكر حاله ما فيه زيه
اما بالنسبة لحالتك فهاي اشياء ضرورية لازم يكون الواحد عنده معلومات عامة عن الاشياء الي حوله

فهمت

[غسان]

شكرا عباده على توضيح كلامي .. هيك قصدي يا سوسن ... شخص ما بيعرف .. بيعرف لان الموقف يتطلب ذلك .. ..

شكرا على المرور ..

[عُبادة]

شكرا عباده على توضيح كلامي .. هيك قصدي يا سوسن ... شخص ما بيعرف .. بيعرف لان الموقف يتطلب ذلك .. ..

شكرا على المرور ..

[غسان]

امي ام زوجتي ...


يالهي ما اكثرها المشاكل التي تحدث بين الام والزوجه .. وان لم تكن مشاكل فالحساسيات موجوده ..
فالام دائما تشعر بان حقها مهضوم .. وان من حقها على ابنها ان تكون حاضره في كل مشوار وكل نقاش وكل صغيرةٍ وكبيرهٍ ..
الا يحق للزوجين ان يشعرا بالاستقلاليه ولو قليلا ..
الام حقها محفوظ ... ومعروف .. لكن الرجل لن يستطيع ابدا ان يرضي امه وزوجته معا ..
قد تستطيع الزوجه مهما كانت ((كويسه وبنت اصل)) ان تحوي حماتها .. لكن لابد لها من هفوات ... لاتفوتها الام ابدا .. وقد يكون العكس تماما ..

ويقع الزوج حائرا بين امه وواجبه تجاهها .. وبين حياته واستقلاليتها .. وبين زوجته وطباعها ...

ربوا واتعبوا واخر شي هيه بتاخذه على الجاهز ..... يا حسرتي عليكي يالام

[زهره التوليب]

غسان ياريتك عملت اجزاء منفصله لكل موضوع
يعني هلا انا جاي عبالي ارجع للجزء الاول

[زهره التوليب]

اقتباس:
العلاقه الي بيسعى الكل او المعظم حتى ما نظلم ناس لتحقيقها مع الطرف الاخر ..؟؟؟ ليش ..؟؟؟وكيف نشأت .؟؟ ومطوله ..؟؟ وشو رح ينهيها ..؟؟؟
رح احكي بصراحه...العلاقه الي بتحكي عنها..ناتجه اولا عن حاجات فطريه ورغبات غريزيه صعب نفسرها...
خلقت الانثى ترغب بالرجل..وخلق الرجل يرغب بالانثى..هاد بشكل عام
هلا انا بدي اصنف الرجال نوعين...
النوع الاول يبحث في علاقته عن الجنس...يعني هدفه يلبي رغبته..حتى لو بطريقه غير مباشره..فاهمين علي؟يعني مش مهم مين ومتى رح تخلص العلاقه وليش هاي البنت..المهم وحده تعبي هالفراغ وخلص..
النوع الثاني..هو النوع الي بيوقع بالحب بدون سابق انذار..او على الاقل بالاعجاب فبيحاول يتقرب من هالبنت ويتعرف عليها

اقتباس:
طيب و الصداقه بين الشب والبنت .. انته واياها صحاب مش اكثر ... في هيك شي ..؟؟؟ ثنائي او جروب جميل صحبه مع بعض شو المانع ..؟؟؟ ولا لازم كل علاقه بين شب وبنت تكون على اساس انها حب وبس .؟؟؟؟؟
والله انا مش معها...وما شفت صداقه من هالنوع سليمه ابدا..بتذكر كان الي زميله كويسه كثير ..وكان في واحد زميل النا بالكليه..كانت تتعامل معه كأخ مش كصديق..وعلى اساس انه كويس ومش عارف شو وبيتعاونو..صدفه كنت ماره..سمعته قاعد مع اصحابه وبيعلقوا عليه وعليها..وحكى عنها كلمه بعمري ما بنساها..مع انه هو كان من احسن الشباب بدفعتنا...طيب اذا الكويس هيك..شو بده يعمل الحقير؟؟

مع هيك انا عندي صداقات..لكن محدوده..مثل الصداقات هون ضمن المنتدى


اقتباس:
السبب ورا هيك علاقه انك بدك تخوض تجربه من هالنوع وتعرف كيف البنات .. او الجنس الاخر بشكل عام بفكر ..ولا شو السبب ..؟؟؟
حبيت اذكر شغله..بالاضافه للحكي الي حكيته فوق عن الشباب ودوافعهم والبنات ودافعهم..في كثيييييييير اشخاص بيوقعوا بهالفخ ويمكن يتورطوا ويغلطوا بس بالحقيقه هم ضحايا...العلم بيحكي ان علاقة الطفل ومن ثم الشاب مع أبيه وأمه على السواء لابد ان تكون ذات عمق عاطفي وشخصي، بمعنى أن يكون والديه مصدر جيد وكافي للعاطفة والحب بحيث يشعر الابن بالأمن والحماية والمودة مع أبويه.. اعطيكوا مثال..لما بنت يكون الها اخت احلى منها...البنت بتنشأ على انها مش حلوه...وعندها عقده من هالموضوع..واهلها عمرهم ما عززوا ثقتها بنفسها ولاسمعت منهم كلمه ثناء...اول ما تطلع عالمجتمع بتلاقي 100 واحد بسمعوها غزل وحكي حلو..البنت لو كانت حجر رح تلين لانها ضعيفه من هالناحيه حتى لو كانت عارفه حكيهم كذب..بتكذب على حالها بس مشان ترتاح ((طبعا لاشعوريا..)) وسهل انها توقع وتتورط..واذا انهارت مبادئها بنقطه...سهل كثير تنهار بكل شئ..هاي البنت ضحيه اهلها ..



اقتباس:

في واحد صاحبي كان مصاحب وحده بشعه ... كنا نحكيله شو بدك فيها يا زلمه لا محضر ولا منظر .. كان يحكيلنا بتدرب فيها .. عشان لما الاقي البنت الصح ... يكون عندي خبره وما اتغلب بالتعامل معها ...

صاحبك عفكره بدور على حجه بس...وحتى بتلاقيه هو مش مقتنع فيها..بس مشان يرد عليكم ويسكتكم..هاي بالزبط بتشبه حجه الي بيتحججوا فيها البنات الغير محجبات..لما تحكيلهم ليش ما تتحجبي؟؟
اقتباس:

هاذ الحكي الي حكيته بيشمل 90 % اذا مش اكثر من العلاقات القائمه بين الشباب والصبايا الايام هاي ..

صدقت..في زمنا..معاني كثير حلوه ضاعت ..والسبب الانفتاح وقله الدين..كل شي صار مباح..واللباس الفاضح خرب اخلاق الشباب

اقتباس:

الحب الصادق ... وينه ..؟؟ وكيف السبيل اليه ...؟؟ بدي اظل استنى الصدفه حتى تجيبلي اياه ..؟؟؟؟؟ بدي وحده كما اريد.. فتاة احلامي .. احبها وتحبني .. يا ترى رح الاقيها هالبنت .. ولا الزواج التقليدي رح يكون الطريق الوحيد امامي بعد شغلة 8 سنوات طبعا ... معقول الصداقه الي حكيت عنها قبل شوي تكون هيه الحل .. والحب الصادق .؟؟؟؟

الحب الصادق..بتوقع بيجي لحاله..اكيد مش رح ادور عليه..هو بينولد من دون سابق انذار..الزواج التقليدي ممكن يكون السبيل..ليش لأ؟؟؟
الصداقه..مممم...ما بعتقد

[زهره التوليب]

اقتباس:
المشاركة الأصلية كتبت بواسطة غسان

امي ام زوجتي ...


يالهي ما اكثرها المشاكل التي تحدث بين الام والزوجه .. وان لم تكن مشاكل فالحساسيات موجوده ..
فالام دائما تشعر بان حقها مهضوم .. وان من حقها على ابنها ان تكون حاضره في كل مشوار وكل نقاش وكل صغيرةٍ وكبيرهٍ ..
الا يحق للزوجين ان يشعرا بالاستقلاليه ولو قليلا ..
الام حقها محفوظ ... ومعروف .. لكن الرجل لن يستطيع ابدا ان يرضي امه وزوجته معا ..
قد تستطيع الزوجه مهما كانت ((كويسه وبنت اصل)) ان تحوي حماتها .. لكن لابد لها من هفوات ... لاتفوتها الام ابدا .. وقد يكون العكس تماما ..

ويقع الزوج حائرا بين امه وواجبه تجاهها .. وبين حياته واستقلاليتها .. وبين زوجته وطباعها ...

ربوا واتعبوا واخر شي هيه بتاخذه على الجاهز ..... يا حسرتي عليكي يالام

اول الشي المسؤوليه هون بتقع بالكامل على عاتق الزوج...في كثير ناس بيحكوا عن الكنه..يخرب بيتها..والله منعته عنا..وحرمتنا منه..ومش عارف شو....بس هالحكي خطأ,,,ابنك ياحماتي رجال ومش مستني مني انا احكيله شو يعمل..قياده العائله بيده هو..واكيد انا مارح احكيله لاتروح ..ولا تعمل..مستحيل..وبالتالي لاتلقوا اللوم على الكنه..الرجل هو المسؤول

هلا مهمته..انه يقدر يوفق بين الزوجه والام...كيف يعني؟ يعني يعطي كل وحده منهم حقها بما يرضي الله...مابصير يحقق رغبات امه على حساب زوجته..هذا ظلم,,وكمان مابصير يحقق رغبات زوجته على حساب امه.. هذا ظلم...
ويمكن اهم نقطه حتى يقدر يحقق هالشي..ان كل واحده فيهم تعيش بسكن مستقل...وبالتالي التدخل من الطرفين بيكون محدود

ربوا واتعبوا واخر شي هيه بتاخذه على الجاهز ..... يا حسرتي عليكي يالام

هاي العباره بتقهر...طيب الحماه ما اخذت زوجها عالجاهز؟؟ وكمان الابن ما اخذ مرته من عند اهلها عالجاهز ...هاد حكي فاضي

[أميرة قوس النصر]

والله اللي بفهمة التالي ما بخلي وحدة حتى لو كانت امه تتدخل في طريقة حياتي بجوز اسكت واحترم بس بقدر وفت الجد افهمها ما الها دخل وساعتها تزعل ولا ترضى القصة انة ما بصير تتدخل كثير بحياة ابنها

[زهره التوليب]

اقتباس:
المشاركة الأصلية كتبت بواسطة أميرة قوس النصر
والله اللي بفهمة التالي ما بخلي وحدة حتى لو كانت امه تتدخل في طريقة حياتي بجوز اسكت واحترم بس بقدر وفت الجد افهمها ما الها دخل وساعتها تزعل ولا ترضى القصة انة ما بصير تتدخل كثير بحياة ابنها

أحلى مها...بس هيك رح تولع الحرب
احسن شي هو يفهم امه ويحط الها حد