انجح مشروع بالأردن !!!
قبل كل شيئ هذا المشروع مخصص لطلاب الموازي اصحاب المكرمة سوري كتير
هلا زي ما كلنا بنعرف انو الطالب بيدرس بالجامعة اربع سنين وبتخرج ومابيلاقي شغل وبيشتغل اي اشي وبنلاقي طلاب الجامعات مرمايِن بالمطاعم بيقلو فلافل والي ابو عندو مصلحة بيقعد فيها .
فيا حبيبي كنت سنفور او ناجح جديد حتى تنجح بحياتك وماتقلي فلافل عند عمك ابو طشط اعمل الي بقلك عليه
يوم التسجيل بالجامعات بتأخذ رسوم الجامعة وحق الساعات وبتروح على السوق بتشتري اكمن كروز دخان وبتبسط فيهم بالسوق
هلا خلص الفصل الأول بتروح على الوالد (الله يخليه) وبتاخذ رسوم ساعات الفصل التاني , بتبيع بسطة الدخان وبتجيب الربح وراس المال ومع القسط التاني بتاخذلك بسطة بالبالة وبتبيع جرابات السبع بليرة
القسط الصيفي : بتجيب بسطة تانية وبتبيع عليها بلايز الطنطات الي طولها متر
القسط الرابع : بتبيع البسطتين وبتستأجر محل بسوق البخاري
القسط الخامس: بتنزل موديلات جديدة منافسة للبابا سمحلي ويلا نشطف وبتسميهم واو ، وشخبط شخبيط علشان يمشو بسرعة
القسط الصيفي : هلا انت مو محتاج للمصاري فبتحكي للوالد خلص مابدك تنزل صيفي بالمرة لأنك بتلحق تخلص بدون صيفي وهيك بابا بيرضى عنك وبخليك تسهر برا
القسط السابع : بتحطو مع الربح من المحل وبتاخذ محل بشارع الحصن وبتكتب على الباب خصم خاص لطلبة الحصن (بدك زباين ولا لا )
القسط التامن : بتشتري باص كيا وبتحط عليه مخلوع ابو خوخة بتريح حالك منو احسن ما كل شوي يقلك هات سيجارة
القسط التاسع : بتبيع باص الكيا وبتشتري باص كوستر على خط الحصن علشان حبيبنا العالي عالي كل يوم بيتهاوش مع الكنترولية
القسط الأخير : اكيد راح تحب سنفورة من الحصن اجت على المحل وحكتلك (هادا بيلبق عليييييي ) بتروح تتطلبها من ابوها وبتتجوز بالسر عن اهلك
هلا صار وقت التخرج طبعا البابا بيستنى الشهادة بتوصل على البيت وبيصير الحوار التالي
بابا : ها يابا جبت الورقة المسخوطة
انت: شو بابا شو حكيت
بابا: الشاهدة الي بعت ذهب امك عشانها
انت: بابا بصراحة.....
الواد بيرتفع ضغطو وببلش يخاف وبصوت عالي
ويـــــــــــــــــــــــن الزفتة يا ابن *********
طبعا هون بتحكيلو عن مشروعك بس الوالد فاقعة معو مابيتحمل الخبر بطب ساكت (بعيد الشر عنو )
انت هلا بتورث ابوك ومع الأرباح الي جمعتها شو بتعمل ؟
انت طبعا راح تندم علي سويته وبتعمر جامع علشان الله عز وجل يغفرلك بعدين بتعمر بيت على الشط وبتعيش انت واياها مبسوطين بس دير بالك تجيب اولاد بعدين بطلع متلك وهاي مصيبة
طبعا هاي مش مجرد كتابة فاضية لو انك فهمان راح تفهم مابين السطور
رد مع اقتباس
المشاركة الأصلية كتبت بواسطة ayman
.gif "SnipeR (12)")
.gif "SnipeR (36)")
مواقع النشر (المفضلة)