قال حقوق المراه قال !!!!!!!
حقوقالمرأة
ما برفع ضغطي اشى زَي كلمة حقوق المرأة .. وبالذات في الاردن..وهاي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة هيك صحيوا وقالوا: يا الله !!! .. شو هادا؟ أتْـرِنُّو إحنا النا حقوق؟! مادام هيك ... الإنتخابات البلدية ليش ما بنشارك فيها؟ وليه ما بنروح هناك ونفظح الدنيا؟؟
يا ختي حلال عليكم البلدية كلها .. يعني شو بدكم تسوا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي بودي على بيت أم محمد ؟ والا ليه الشارع الفلاني ما فيه كوفيرة اردنيه وكل اللي فيه مصريات؟ يا ختي ريِّحي راسك .. اذا كثير من الزلام ما سوُّوا اشئ ... بالله عليكي حتسيبي بيتك وولادك وشغلك ... عشان تناقشي مشروع إنتخابي؟ هاد من تمام الفضاوه.
أما عن حقوق المرأة في الاردن .. فياسيدي الست هون لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على اجريها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......لايمكن. لكن هل يمكن يحصل هادا في الاردن؟ أبدا .. واللي بدو يجرب .... الطريق قدامو .... يا عمي العملية كلها دلع نسوان في دلع نسوان ... رايح أعطيكم بعض الأمثلة وقولوا لي مين اللي ماخذ حقُّوقه ب الكامل وزياده؟ وهل عنا المرأة متساوية مع الرجل .. والا هي أحسن مِنُّو؟
قال حقوق المرأة ... قال.
اقتصاديا
شوف الزلمه .. السبع.. الغضنفر.. المفتري...له بدلتين أو ثلاثة في السنة .. بروح فيها الشغل ، ويحضر فيهن عزايم و الاعراس، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط. بتقدر تفتح محل ملابس زلامي محترم ويا ريت تحط من مكياجها في البيت.. لأ. هاد بَس للخروج ... وقيمة قلم حومرا والا علبة بودرة تساوي قيمة جوال جوزها .. وكمان ازيدك من الشعر قصر ... مو بيت ... من حقوقها فستان لكل فرح. و مكياج. و كوفيرة..وكندره ..وشنطه. وكمان خُدوا هادي .. جارت بنت عمي. اتزوجت .ولازم هدية. واللطخ يدفع . مو مهم الفلوس من وين اجت .. المهم يدفع .. والدنيا ممكن تنقلب على الزلمه واللي خَلَّفوه علشان موضوع (مهم وحيوي زي هيك .
قال إيه! حقوق المرأة.
نفسيا
الزوج مطالب يكون أربعة وعشرين ساعة رومنسي ومبتسم، وممنوع يظل مكشر وإبن ستين في سبعين. وشو يعني عنده مشاكل في الشغل ؟! والا أقساط متأخره؟! والا فواتير؟! والا اشياء ما يعرف كيف يجيبها؟! مو مهم .. واجب عليه إنه يرجع من الشغل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم .. ((مجرد مثل ..)) .... والست بسلامتها من ساعة ما برجع من شغلو .. وقبل ما يشلح ملابسه : شوف اولادك ( لاحظوا .. اولادك ) طفَّشوني .. إيش رأيك نغير غرفة النوم؟ جوالي بدو شحن بدي بطاقه ب50 دينار .... أَلحق بدي البطاقه بسرعه مشان مانعيني اتصل (فاصلين الخدمه عني) ... ... .... ... ومع هادا كُّلو ...لازم يبقى رومانسي.
وهيه وبكل سهولة تصحى بسلامتها في الظهر الساعه 2 ...وتجد الكارثة الكبرى....يا الله ...ما عندنا صلصه...وبكل رقة تتصل...ألو ألو ..أبو عوده موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك مبارح . ولإني موفاضي.. و قرفان من الشغل .. بصدق إنه انا إللي نسيت وبقول بكل شجاعة ..... طيب.
وفوق كل هاد آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إلل ي ما نروح غير يا مصر .... يا سوريا .... والسنة اللي غيَّرنا فيها ... رحنا ماليزيا.
وفي رمضان:
تعبت .....أوف ......إنت بتعرف شئ ؟ أنا بدي خدامة... أنا خلااااااااص .. ومن ثالث يوم رمضان ......اشياء العيد من مكه موول ...أختي جابت ملابس لائلها ولاولدها ... إيش أقولَّك بس ...ومشاوير بنص الليل ... والزلمه المسكين لما ينزل ع السوق مع مرته ما بقدر يشتري ولااااا شَي لئله ، لأنو طول الوقت ماشي وراها من محل لمحل ، وشايل اكياس لحد ما كتفو يتخلع. وهي تتفرج عليه وهو شايل الاكياس .. ولا تقول لُو اساعدك .. حتى لو بالكِذِب. وآخرتها بعد ما برجع البيت بتحكيله يا الله البنطلون كبير بدنا نروح نرجعه ونجيب واحد اصغر ويروح المسكين زي الشاطر برجعه وبجيب اصغر وإذا فكَّر ينزل السوق لحالو عشان يشتري شي لئله ... على طول يكون مشبوه .. إيش اللي ينزلك لحالك تشتري وسط البنات ؟؟؟؟؟ما في تنزل الا ورجلى ع رجللك ....الله يسامحك طيب ...انا قللتلك هيك لما نزلتي تشتري وبعدين ما انا كتنت معاكي في السوق ليش ما اشتريتيلي !!!!!!!!!!!!!!!!!
هسه قولولي انوه اللي عنده حقوق اكتر الزلمه ولا المرا ؟؟؟
رد مع اقتباس
.gif "Eh S(2)")
.gif "SnipeR (51)")
المشاركة الأصلية كتبت بواسطة ميرفا
مواقع النشر (المفضلة)